14 Jan 2023, 21:59
ފައިގަތަޅާފޯރީގެ ފައިގަތަޅާ ދެވަނަ މުބާރާތުގައި ބައިވެރިވުމުގެ ފުރުސަތު ހުޅުވާލައި، އެ މުބާރާތް އަންނަ ފެބުރުއަރީމަހުގެ ފަހުކޮޅު ބޭއްވުމަށް ތާވަލްކޮށްފިއެވެ.
ފައިގަތަޅާފޯރީގެ ދެވަނަ މުބާރާތާ ބެހޭގޮތުން "ސަން"އާ ވާހަކަދައްކަމުން ޔުނީކް ސްޕޯޓްސްގެ އިވެންޓް ޑައިރެކްޓަރު ޝައުނާ ހުސައިން ބުނީ، ފައިގަތަޅާފޯރީގެ ދެވަނަ މުބާރާތް އަންނަ ފެބުރުއަރީމަހުގެ 21 ވަނަ ދުވަހުން ފެށިގެން 25 ވަނަ ދުވަހުގެ ނިޔަލަށް ހުޅުމާލޭގައި ބޭއްވުމަށް މިހާރު ނިންމާފައިވާކަމަށެވެ.
ފައިގެތަޅާފޯރީގެ ފުރަތަމަ ފައިގަތަޅާ މުބާރާތުގެ ތެރެއިން
ޝައުނާ ވިދާޅުވީ، މުބާރާތުގައި ބައިވެރިވާން ބޭނުންވާ މީހުންނަށް، 12 ކުޅުންތެރިންގެ ޓީމް ހަދައިގެން ބައިވެރިވުމުގެ ފުރުސަތު އެބައޮތްކަމަށެވެ. މުބާރާތުގައި ސަރުކާރު އޮފީސްތަކަށާއި ކުންފުނިތަކަށްވެސް ބައިވެރިވެވޭނެއެވެ.
ފައިގެތަޅާފޯރީގެ ފުރަތަމަ ފައިގަތަޅާ މުބާރާތުގެ ތެރެއިން
ޝައުނާ ވިދާޅުވީ، މުބާރާތުގައި ބައިވެރިވުމުގެ ފުރުސަތު ޖެނުއަރީ މަހުގެ 20 ވަނަ ދުވަހުގެ ނިޔަލަށް ހުޅުވާލެވިފައިވާއިރު، ޕްރެކްޓިސް ކުރުމަށްޓަކައި އެދުވަހުން ފެށިގެން ޓީމުތަކަށް ޕިޗް ދޫކުރަމުންދާނެކަމަށެވެ.
މުބާރާތުގެ މެޗުތައް ބޭއްވުމަށް ހަމަޖެހިފައިވަނީ ހުޅުމާލޭ ފޭސް އެކެއްގެ ރުއްގަނޑު 2 ސަރަހައްދުގައެވެ. މެޗުތައް ކުޅޭނީ ހަވީރާއި ރޭގަނޑެވެ.
ފައިގެތަޅާފޯރީގެ ފުރަތަމަ ފައިގަތަޅާ މުބާރާތުގެ ތެރެއިން
މުބާރާތަށް ކަނޑައެޅިފައިވާ އިނާމުތައް:
ޗެމްޕިއަން ޓީމަށް: (އަންހެން/ފިރިހެން) 15،000 ރުފިޔާ
- ދެވަނަ ޓީމަށް: (އަންހެން/ފިރިހެން) 7،000 ރުފިޔާ
ދެބައި އެއްކޮށް އެންމެ މޮޅު ފަސް ކުޅުންތެރިންނަށްވެސް ވަނީ އިނާމް ކަނޑައެޅިފައެވެ.
ފައިގެތަޅާފޯރީގެ ފުރަތަމަ ފައިގަތަޅާ މުބާރާތުގެ ތެރެއިން--
މި މުބާރާތަކީ ޔުނިކްސް ސްޕޯޓިން\ އާއި ކޮރޮސްއޯވާ އިވެންޓްސް ގުޅިގެން ބާއްވާ މުބާރާތެކެވެ. މި މުބާރާތުގައި ބައިވެރިވުމަށް 7388536 ގުޅާލުމުން ނުވަތަ މިލިންކަށްޒިޔާރަތްކޮށްލުމުން ރަޖިސްޓްރީވެވޭނެއެވެ.