މެޗުގެ 90 މިނެޓުގެ ކުޅުން ހަމަވ އިތުރު ވަގުތުގެ ގޮތުގައި ދެއްކި ހަ މިނެޓުވެސް ހަމަވެއްޖެ. މިއީ މި ފަހަރުގެ ވޯލްޑް ކަޕުގައި އެންމެ ފޯރިގަދަ، އެންމެ ތަފާތު މެޗު. 3-3 އިން މެޗު އެއްވަރުވި އިރު ދެ ޓީމުގެ ފަރާތުންވެސް ތަފާތު މޮޅު ކުޅުމެއް ފެނިގެންދިޔަ.

ހާއްސަކޮށް ކެމަރޫން ޓީމުން ބަދަލު ކުޅުންތެރިއެއްގެ ގޮތުގައި ކުޅެން އެރި ވިންސެންޓް އަބޫބަކުރު މި މެޗުގައި ތަފާތު ދެއްކި.

ދެވަނަ ފަހަރަށް ލީޑު ނަގަން ސާބިއާ އަށް ރަނގަޅު ފުރުސަތެއް. އޭރިއާ ތެރޭގައި ހުރެފައި މިޓްރޮވިޗް ފޮނުވާލި ހަމަލާއަށް ހުރަސް އެޅީ ކެމަރޫންގެ ކީޕަރު.

90 މިނެޓުގެ ކުޅުން ހަމަވެ އިތުރު ވަގުތުގެ ގޮތުގައި ހަ މިނެޓު ވަނީ ދައްކާފަ.

90 މިނެޓުގެ ކުޅުން ހަމަވާން ކައިރި ވެފައިވާއިރު މިހާތަނަށް މެޗުގައި ޖުމްލަ 25 ހަމަލާއެއް ފެނިގެން ގޮސްފައިވޭ. އެއީ ކެމަރޫން އިން ފޮނުވާލި 12 ހަމަލާ އާއި ސާބިއާ ޓީމުގެ ކުޅުންތެރިން ފޮނުވާޅި 13 ހަމަލާ.

އެހެންނަމަވެސް ގޯލާއި އަމާޒުވާ ގޮތަށް ކެމަރޫން ޓީމަށް ފޮނުވާލެވުނީ ހަތް ހަމަލާއެއް. ސާބިއާގެ ހަމަލާތަކުގެ ތެރެއިން ހަތަރު ހަމަލާއެއް ވަނީ ގޯލާއި އަމާޒު ކޮށްލާފަ.

ވިންސެންޓް އަބޫބަކުރު އަކީ ތާރީޚުގައިވެސް (1966 ވަނަ އަހަރު މިފަދަ ތަފާސްހިސާބުތައް ބަލަން ފެށިފަހުން) ވޯލްޑް ކަޕުގައި ބަދަލު ކުޅުންތެރިއެއްގެ ގޮތުގައި ކުޅެން އަރައި އެއް މެޗެއްގައި ލަނޑު ޖަހައި އެސިސްޓު ކުރި އެފްރިކާގެ ފުރަތަމަ ކުޅުންތެރިޔާ.

ކެމަރޫން އިން މެޗުގައި ލަނޑު ޖަހައި ފަރަގު ކުޑަ ކޮށްފި ކޮށްފި. މިއީ 64 ވަނަ މިނެޓުގައި މުޅިން ހުސްކޮށް ހުރެ ގޯލާއި ދިމާލަށް ގޮސް، ކުރިއަށް ޖެހި ހުރި ސާބިއާގެ ކީޕަރުގެ ބޯމަތިން ބޯޅަ "ޗިޕެއް" ޖަހާލައިގެން ބޯޅަ ގޯލުގެ ތެރެއަށް ވައްދާލައިގެން ވިންސެންޓް އަބޫބަކުރު ކާމިޔާބު ކުރި ހިތްގައިމު ލަނޑެއް.

އިތުރު ވަގުތުގެ ގޮތުގައި ދެއްކި ހަ މިނެޓުގެ ކުޅުންވެސް ހަމަވެއްޖެ. މެޗުގައި ފުރަތަމަ ލަނޑު ޖަހައި ލީޑު ނެގި ކެމަރޫން އަށް ލީޑު ފުޅާކުރާނެ ފުރުސަތު ލިބުނު ނަމަވެސް، ހާފުގެ ފަހު ކޮޅު ދެ ލަނޑު ޖަހައިގެން ސާބިއާ އިން މިވަނީ ނަތީޖާ ހަމަހަމަކޮށް، ފުރަތަމަ ފަހަރަށް ލީޑު ވެސް ނަގާފަ.

45 މިނެޓުގެ ކުޅުން ހަމަވެ އިތުރު ވަގުތުގެ ގޮތުގައި ހަ މިނެޓު ވަނީ ދައްކާފަ.

42 ވަނަ މިނެޓު: ކެމަރޫންގެ ނުރައްކާތެރި ހަމަލާއެއް. ސާބިއާގެ ޑިފެންސްލައިނަށް ހެދުނު ގޯހެއްގެ ފައިދާ ނަގައިގެން ޕިއާ ކޫންޑޭ ބޯޅަ ހޯދުމަށްފަހު ބޯޅަ ހިފައިގެން އޭރިއާ ތެރެއަށް ވަދެ ފޮނުވާލި ހަމަލާ ދިޔައީ ސީދާ ކީޕަރާއި ދިމާލަށް. ކީޕަރު ދިފާއު ކުރި ބޯޅަ ރިބައުންސް ވެގެން އައުމުން ދެވަނަ ފަހަރަށް ކޫންޑޭ ފޮނުވާލި ބޯޅަ ދިޔައީ ގޯލާއި އަމާޒު ނުވެ.

ކެމަރޫން އިން ވޯލްޑް ކަޕުގައި އެންމެފަހުން ޖެހި ތިން ލަނޑަކީވެސް ސެޓް ޕީސް ތަކުން ކާމިޔާބު ކޮށްފައިވާ ލަނޑުތަކެއް. އެއީ ކޯނަރަކުން ތަނަވަސްވި ދެ ފުރުސަތެއްގައި އާއި، ޕެނަލްޓީ އަކުން ކާމިޔާބު ކުރި ލަނޑެއް.

ކެމަރޫންގެ ލަނޑާ ގުޅިގެން އެޓީމުގެ ކުޅުންތެރިން އުފާ ފާޅު ކުރަން އުޅުމުގެ ތެރޭގައި، ކްރިސްޓިއަން ބަސޯގޮގަށް ރީނދޫ ކާޑެއް ދައްކައިފި. ބަސޮގް އަކީ ބަދަލު ކުޅުންތެރިއެއްގެ ގޮތުގައި ބެންޗުގައި އިން ކުޅުންތެރިއެއް. ލަނޑާއެކު އޭނާ ވަނީ ދަނޑު މަތިން، ދަނޑު ހުރަސް ކޮށް ދުވެފަ.

20 މިނެޓާއި ހަމައަށް ކުޅެވުނުއިރު މެޗުގެ 60 އިންސައްތަ ޕޮޒެޝަން ހިފަހައްޓަނީ ސާބިއާ އިން.

މެޗުގެ 15 ވަނަ މިނެޓާއި ހަމައަށް ކުޅުނުއިރު ސާބިއާ އިން މިހާތަނަށް ތިން ހަމަލާއެއް ފޮނުވާލާފައިވޭ. ކެމަރޫން އަށް ފޮނުވާލެވުނީ އެންމެ ހަމަލާއެއް.