83 ވަނަ މިނެޓު: ޖަރުމަނުން މެޗުގައި ލަނޑު ޖަހައި ނަތީޖާ ހަމަހަމަ ކޮށްފި. މި ލަނޑު އެޓީމަށް ކާމިޔާބު ކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން އެރި ނިކްލަސް ފުލްކްރަގް.

ސްޕެއިން އިން މެޗުގައި ލަނޑު ޖަހައި ލީޑު ނަގައިފި. 62 ވަނަ މިނެޓުގައި މި ލަނޑު އެޓީމަށް ކާމިޔާބު ކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން އެރި އަލްވާރޯ މޮރާޓާ. މިއީ މިފަހަރުގެ ވޯލްޑް ކަޕުގައި މޮރާޓާ ޖެހި ދެވަނަ ލަނޑު. ކޮސްޓަ ރިކާ މެޗުގައިވެސް މޮރާޓާ ލަނޑު ޖެހީ ބަދަލު ކުޅުންތެރިއެއްގެ ގޮތުގައި ކުޅެން އަރައި.

މެޗުގެ ފުރަތަމަ ހާފު ނިމުނުއިރު ޖަރުމަނު ޓީމަށް ހިފެހެއްޓުނީ 31.6 އިންސައްތަ ބޯލް ޕޮޒެޝަން. މިއީ 1966 ވަނަ އަހަރު މިފަދަ ތަފާސްހިސާބުތައް ބަލަހައްޓަން ފެށިފަހުން އެޓީމުން ވޯލްޑް ކަޕުގެ މެޗެއްގެ ހާފެއްގައި ބޯލް ޕޮޒެޝަން އެންމެ ދަށް ފަހަރު. މީގެކުރިން އެ ޓީމުގެ އެންމެ ދަށް ބޯލް ޕޮޒެޝަން އެއްގެ ގޮތުގައި ރެކޯޑު ކުރެވިފައި ވަނީ 1986 ވަނަ އަހަރު މޮރޮކޯ އާއި ދެކޮޅަށް ކުޅުނު މެޗެއްގައި. އެއީ 39 އިންސައްތަ.

ޖަރުމަނުން އެ ޓީމުގެ ކުރީގެ ތަރި މެސަޓް އޮޒިލް އާއިމެދު ކަންކުރި ގޮތާއި މެދު އަދި އެއް ޖިންސުން ގުޅުން ހިންގުން ޕްރޮމޯޓު ކޮށް، ފުޓުބޯޅަ އާއި "ސިޔާސީ ޕްރޮޕެގެންޑާ" ފެތުރުމަށް މިފަހަރުގެ ވޯލްޑް ކަޕުގައި ޖަރުމަނު ޓީމުން ކުރަމުން އަންނަ މަސައްކަތަށް، ދަނޑަށް ވަދެ ތިބި ސަޕޯޓަރުންތަކެއް ފާޑުކިޔައި ނުރުހުން އަމާޒު ކުރަނީ.

އިތުރު ވަގުތުގެ ގޮތުގައި ދެއްކި ދެ މިނެޓުގެ ކުޅުންވެސް ހަމަވެއްޖެ. ދެ ޓީމުންކުރެ ޓީމަކަށް ލަނޑެއް ކާމިޔާބު ނުކުރެވޭ.

ހުރަހަކުން ތަނަވަސްވި ފުރުސަތެއްގައި އޭރިއާ ތެރޭގައި ހުރެފައި އެންޓޯނިއޯ ރުޑިގާ ބޮލުން ފޮނުވާލި ހަމަލާއެއް ގޯލުގެ ތެރެއަށް ވަން ނަމަވެސް، ވީއޭއާރުގެ އެހީގައި މިއީ ލަނޑެއް ނޫން ކަމަށް ވަނީ ނިންމާފަ. އެއީ ބޯޅަ ލިބުނު އިރު ރުޑިގާ އޮފްސައިޑު މަގާމެއްގައި ހުރުމުން.

37 ވަނަ މިނެޓު: ފެރާން ޓޮރޭޒް އަށް ކުރި ފައުލަކާއި ގުޅިގެން ޖަރުމަނުގެ ތިލޯ ކެއިރާ އަށް ރީނދޫ ކާޑެއް. މިއީ މި މެޗުގެ ފުރަތަމަ ރީނދޫ ކާޑު. މެޗުގެ މިހާތަނަށް އައި އިރު ޖުމްލަ 10 ފައުލު ވަނީ ފެނިފަ. އެއީ ޖަރުމަނުގެ ހަ ފައުލާއި ސްޕެއިންގެ ކުޅުންތެރިން ކުރި ހަތަރު ފައުލު.

މިއީ ފީފާ ވޯލްޑް ކަޕުގައި ޖަރުމަނާއި ސްޕެއިން ބައްދަލުކުރާ ފަސްވަނަ ފަހަރު. މީގެކުރިން ކުޅުނު ހަތަރު މެޗުގެ ތެރެއިން ދެ މެޗުން ސްޕެއިން ބަލިވެފައި ވާއިރު، އެއް މެޗުވީ އެއްވަރު. އަދި އެންމެފަހުން މި ދެ ޓީމުގެ ކުރިމަތިލުމެއް ފެނުނު މެޗުގައި (2010 ވަނަ އަހަރުގެ ވޯލްޑް ކަޕުގެ ސެމީ ފައިނަލުގައި) ސްޕެއިން އިން ވަނީ 0-1 އިން ޖަރުމަނު ބަލިކޮށްފަ.

22 ވަނަ މިނެޓު: ސްޕެއިންގެ ނުރައްކާތެރި ހަމަލާއެއް. އޭރިއާގެ ބޭރުން ޖޯޑީ އަލްބާ ފޮނުވާލި ހަމަލާ ދިޔައީ ގޯލުގެ އަރިމަތީ ދަނޑި ކައިރިން ބޭރަށް.

ސްޕެއިން އިން ފުރަތަމަ މެޗުގައި ކޮސްޓަ ރިކާ އާއި ދެކޮޅަށް ނެރުނު ފުރަތަމަ 11 އިން، މި މެޗަށް ނެރުނު ފުރަތަމަ 11 އަށް އެއް ބަދަލެއް ގެނެސްފައިވޭ. އެއީ އަޒްޕްލިކެޓާގެ ބަދަލުގައި ކާވަހާލް ކުޅެން އެރުވުުން.

ސްޕެއިނާއި ޖަރުމަނުގެ ކުރިމަތި ލުމުގައި ދެ ޓީމުން ބޭނުންކުރާނެ ފުރަތަމަ 11.