މެޗުގެ 90 މިނެޓުގެ ކުޅުން ހަމަވެ އިތުރު ވަގުތުގެ ގޮތުގައި 6 މިނެޓު ވަނީ ދައްކާފަ.

70 ވަނަ މިނެޓު: ކްރޮއޭޝިއާ އިން ތިންވަނަ ލަނޑެއް ޖަހައިފި. މި ލަނޑުވެސް އެޓީމަށް ކާމިޔާބު ކޮށްދިނީ ކްރެމަރިޗް.

ކެނެޑާ އިން ދެވަނަ ހާފު ފެށީ ދެ ބަދަލަކާއި އެކު. އެއީ ލެރިން އަދި ސްޓެފަންގެ ބަދަލުގައި އިސްމާއިލް ކޯނޭ އަދި ޖޮނަތަން ކުޅެން އަރުވައިގެން.

ކްރޮއޭޝިއާ އާއި ކެނެޑާ ބައްދަލުކުރާ މެޗުގެ ދެވަނަ ހާފު ފަށައިފި.

މެޗުގެ ފުރަތަމަ ހާފުގެ 45 މިނެޓުގެ ކުޅުން ހަމަވެ އިތުރު ވަގުތުގެ ގޮތުގައި ފަސް މިނެޓު ދައްކައިފި.

44 ވަނަ މިނެޓު: ޑީއޭރިއާ ތެރޭގައި ހުރެފައި ފޮނުވާލި ހަމަލާއެއް ގޯލުގެ ތެރެއަށް ވައްދާލައިގެން މާކޯ ލިވާޖާ ކްރޮއޭޝިއާ އަށް ދެވަނަ ލަނޑެއް ޖަހައިދީ ލީޑު ނަގައިދީފި.

36 ވަނަ މިނެޓު: ޕެރިސިޗްގެ އެހީތެރިކަމާއެކު ކްރަމަރިޗް ކްރޮއޭޝިއާ އަށް ލަނޑެއް ޖަހައިދީ ނަތީޖާ ހަމަހަމަ ކޮށްފި.

22 ވަނަ މިނެޓު: ނަތީޖާ ހަމަހަމަ ކުރަން ކްރޮއޭޝިއާ އަށް ރަނގަޅު ފުރުސަތެއް. ކޮވެސިޗް ދިން ތުރޫ ޕާހެއްގެ އެހީގައި މާކޯ ލިވާޖާ އަށް ހަމަލާއެއް ފޮނުވާލަން ފުރުސަތު ލިބުނު ނަމަވެސް، ބޯޅަ ދިޔައީ އޭނާއަށް ނުލިބި ކެނެޑާގެ ކީޕަރުގެ އަތައް.

ކެނެޑާއިން މެޗުގެ ފުރަތަމަ ދެ މިނެޓުގެ ތެރޭގައި ޖެހި ލަނޑަށްފަހު ދެ ޓީމުގެ ފަރާތުންވެސް ފެންނަނީ ދާދި ހަމަހަމަ، ވާދަވެރި ކުޅުމެއް. ކްރޮއޭޝިއާ އިން އެއް ހަމަލާ އޮން ޓާގެޓަށް ފޮނުވާލައި އެ ހަމަލާއިން ލަނޑު ޖެހިއިރު ކްރޮއޭޝިއާ އަށް އަދި މެޗުގައި ހަމަލާއެއް އުފެއްދިފައެއް ނުވޭ.

އަލްފޮންސޯ ޑޭވިސް އަކީ އެ ޓީމުން ފީފާ ވޯލްޑް ކަޕުގައި ކުޅުނު ދެ މުބާރާތުގެ ތެރެއިން ކުޅުނު ފަސް މެޗުން، އެ ޓީމުގެ ހަމައެކަނި ލަނޑު ކާމިޔާބު ކޮށްދިން ކުޅުންތެރިޔާ. މީގެ 36 އަހަރު ކުރިން ކުޅުނު ވޯލްޑް ކަޕުގައި ކެނެޑާ ތިން މެޗު ކުޅެފައިވާއިރު އަދި މި ފަހަރުގެ ވޯލްޑް ކަޕުގައި މި މެޗާއި ހަމައަށް އިތުރު އެއް މެޗު ކުޅެފައިވާއިރު މިއީ އެ ޓީމުގެ އެއްވެސް ކުޅުންތެރިއަކަށް ލަނޑެއް ކާމިޔާބު ނުކުރެވޭ.