60 ވަނަ މިނެޓު: ހާފުގެ މެދުތެރެއިން ކުޅުންތެރިއަކު ޑީ އޭރިއާ ބޭރަށް ނަގައިދިން ބޯޅަ މެއިން ކޮންޓްރޯލް ކޮށްލުމަށްފަހު އެތެރެއަށް ވަދެ އެންޓޮއިން ގްރީޒްމަން ފޮނުވާލި ހަމަލާ ދިޔައީ ހުރަސް ދަނޑި މަތިން ބޭރަށް.

މެޗުގެ ދެވަނަ ހާފު ފަށައިފި. ޑެންމާކުން ހާފު ފެށީ ބަދަލަކާއި އެކު. އެއީ ފުރަތަމަ ހާފުގައި ރީނދޫ ކާޑެއް ދައްކާފައިވާ ކޮނީލިއަސްގެ ބަދަލުގައި މާޓިން ބްރެއިތުވެއިޓް.

ނަތީޖާ އަށް ބަދަލެއް ނައިސް، މެޗުގެ ފުރަތަމަ ހާފުގެ 45 މިނެޓާއި އިތުރުވަގުތުގެ ކުޅުން ހަމަވެއްޖެ. މިއީ ގޭމުގެ ސްޕީޑު ލަސް، މާ ޝައުގުވެރި ކުޅުމެއް ދެ ޓީމުންކުރެ ޓީމެއްގެ ފަރާތުން ފެންނަ މެޗެއް ނޫން. ދެ ޓީމުގެ ފަރާތުންވެސް ފެންނަނީ އާދައިގެ ކުޅުމެއް.

ފުރަތަމަ ހާފުގެ 40 މިނެޓާއި ހަމައަށް ކުޅުނު އިރު ފްރާންސް އިންވަނީ ލަނޑު ޖަހާނެ ގިނަ ފުރުސަތުތަކެއް ތަނަވަސްކޮށް، ގިނަ ހަމަލާތަކެއްވެސް ފޮނުވާލާފަ. މިހާތަނަށް ޖުމްލަ 12 ހަމަލާއެއް ފޮނުވާލާފައިވޭ. ފްރާންސް އަށް މެޗުގައި ރަނގަޅަށް ނުކުރެވޭ ކަމަކީ ލިބޭ ފުރުސަތުތަކުގެ ބޭނުން ހިފައި، ނިންމައިލުން.

ފްރާންސް އިން މި މެޗާއި ކުރިމަތިލީ، މުބާރާތުގެ ފުރަތަމަ މެޗުގައި އެޓީމުން ނެރުނު ފުރަތަމަ 11 އަށް ބަދަލުތަކެއް ގެނެސްގެން. މި ބަދަލުތައް ގެނެސްފައި ވަނީ ޓީމުގެ ޑިފެންސް ލައިނަށް.

އެއީ ޕަވާޑް، ކޮނާޓޭ އަދި ލޫކަސް ހެރްނާންޑޭޒްގެ ބަދަލުގައި ކޫންޑޭ ވަރާން އަދި ތިއޯ ހެރްނާންޑޭޒް.

ޑެންމާކުންވެސް ފުރަތަމަ 11 އަށް ހަތަރު ބަދަލެއް ގެނެސްފައިވޭ.

ގްރޫޕް ސްޓޭޖުގައި ފްރާންސް އިން ވަނީ އޮސްޓްރޭލިއާ އަތުން 1-4 އިން މޮޅުވެފައި ވާއިރު، މި މެޗު ކާމިޔާބު ކޮށްލައިގެން ފްރާންސް އަށް ރައުންޑް އޮފް 16 ގެ ޖާގައެއް ކަށަވަރު ކުރެވޭނެ. މިއާއެކު ފްރާންސް ވާނީ މިފަހަރުގެ މުބާރާތުގެ ދެވަނަ ބުރުގެ ޖާގަ ކަށަވަރު ކުރާ ފުރަތަމަ ޓީމަށް.