ފަހު ވަގުތު ކާމިޔާބު ކުރި ދެ ލަނޑާއެކު 0-2 އިން މެޗު ކާމިޔާބު ކުރީ އީރާން. މިއާއެކު އެޓީމަށް ރައުންޑް އޮފް 16 ގެ އުންމީދެއް އެބައޮތް. އެހެންނަމަވެސް ވޭލްސް އަށް މި ވަނީ ފުރުސަތު ހަނިވެފަ.

އިތުރު ވަގުތުގެ 11 ވަނަ މިނެޓު: ރާމިން ރަޒިއާންގެ ލަނޑުން އީރާނުން ލީޑު ފުޅާކޮށްފި.

8 ވަނަ މިނެޓ: އީރާނުން މެޗުގައި ލަނޑު ޖަހައި ލީޑު ނަގައިފި. މި ލަނޑު އެޓީމަށް ކާމިޔާބު ކޮށްދިނީ ބަދަލު ކުޅުންތެރިއެއްގެ ގޮތުގައި ކުޅެން އެރި ރޫޒްބޭ ޗަޝްމީ. މިއީ ޑީއޭރިއާގެ ވެސް ބޭރުގައި ހުރެފައި އޭނާ ފޮނުވާލި ބާރު ހަމަލާއެއް ގޯލުގެ ކަނަށް އަމާޒު ކޮށްލައިގެން ޗަޝްމީ ކާމިޔާބު ކުރި ލަނޑެއް.

މެޗުގެ 90 މިނެޓުގެ ކުޅޫން ހަމަވެ އިތުރު ވަގުތުގެ ގޮތުގައި ނުވަ މިނެޓު ވަނީ ދައްކާފަ.

77 ވަނަ މިނެޓު: އީރާން ޓީމުން ތިން ބަދަލެއް ގެނެސްފި.

ހަޖްސަފީ، ގޮލިޒާދޭ އަދި ނޫރުﷲ ގެ ބަދަލުގައި ކުޅެން އަރުވާފައި ވަނީ ޗެޝްމީ، މެހްދީ ތޮރާބީ އަދި އަލީ ރެޒާ ޖަހަންބަކްޝް.

ވޭލްސް އިންވެސް ވަނީ ބަދަލެއް ގެނެސްފަ. އަމްޕްޑޫގެ ބަދަލުގައި ޖޯ އެލެން ވަނީ ކުޅެން އަރުވާފަ.

ދެވަނަ ހާފު ފަށައިގެން 76 މިނެޓާއި ހަމައަށް އައި އިރު އީރާން އިން މި ހާފުގައި އެކަނި 11 ހަމަލާއެއް ވަނީ ފޮނުވާލާފަ.

75 ވަނަ މިނެޓު: މި ހާފުގެ މިހާތަނަށް އީރާން ޓީމުން ވަނީ ނުރައްކާތެރި ގިނަ ހަމަލާތަކެއް އުފައްދާފަ. އެޓީމަށް ރަނގަޅަށް ނުކުރެވޭ ހަމައެކަނި ކަމަކީ ރަނގަޅަށް ނިންމާލުން.

73 ވަމަ މިނެޓު: އޭރިއާ ބޭރުގައި ލައިން ކައިރީގައި ހުރެފައި ސައީދް އެޒަތޮލާހީ ފޮނުވާލި ނުރައްކާތެރި ހަމަލާއަށް، ވަރަށް ހުސިޔާރު ކަމާއެކު ވޭޅްސްގެ ކީޕަރު ވަނީ ހުރަސް އަޅާފަ.

68 ވަނަ މިނެޓި: މެޗުގައި މޮޅު ކުޅުމެއް ދެއްކި ސަރްދާރް އަޒްމޫން ގެ ބަދަލުގައި އީރާން ޓީމުން ކަރީމް އަންސަރީފަރުދު ކުޅެން އަރުވައިފި.

51 ވަނަ މިނެޓު: އީރާނުން ފުލުފުލުގައި ނުރައްކާތެރި ތިން ހަމަލާއެއް. ފުރަތަމަ ހަމަލާ ހާފުގެ މެދެއްހާ ހިސާބުން ހުސްކޮށް ހުރެ ދުވެފައި ގޮސް އޭރިއާ ތެރެއަށް ވަދެ ގޯލާއި ދިމާލަށް ފޮނުވާލީ އަޒްމޫން. މި ހަމަލާ އަމާޒުވީ ގޯލުގެ ކަނާތު ދަނޑިއަށް. ދެވަނަ ފަހަރަށް ގޮލިޒާދޭ އޭރިއާ ބޭރުގައި ހުރެފައި ފޮނުވާލި ބޯޅަ އަމާޒުވީ ގޯލުގެ ވައަތު ދަނޑިއަށް. އަދި ތިންވަނަ ފަހަރަށް އަޒްމޫން ފޮނުވާލި ބޯޅަ ވޭލްސްގެ ކީޕަރު ހެނެސީ ވަނީ ދިފާއު ކޮށްފަ.

ދެވަނަ ހާފުގެ ކުޅުން ފަށައިފި. ދެ ޓީމުން ވެސް ދެވަނަ ހާފު ފެށީ ފުރަތަމަ ހާފަށް ނެރުނު ފުރަތަމަ 11 އާއި އެކު.

އިތުރު ވަގުތުގެ ގޮތުގައި ދެއްކި ހަތަރު މިނެޓުގެ ވަގުތު ވެސް ހަމަވެއްޖެ. ނަތީޖާ އަކަށް ބަދަލެއ ނާދޭ.

އިތުރު ވަގުތުގެ ތިން ވަނަ މިނެޓު: މެޗުގެ ފުރަތަމަ ރީނދޫ ކާޑު ވޭލްސްގެ ޖޯ ރޮޑޯން އަށް. މިއީ އީރާންގެ ތަރޭމީ އަށް ކުރި ފައުލަކާއި ގުޅިގެން ދެއްކި ކާޑެއް.

އިތުރު ވަގުތުގެ ދެވަނަ މިނެޓުގައި އީރާންގެ ނުރައްކާތެރި ހަމަލާއެއް. އޭރިއާ ތެރެއަށް އީރާނުގެ ކުޅުންތެރިއަކު ނަގައިދިން ހަރަހަކަށް އަޒްމޫން އަރާ ހުރި ނަމަވެސް، އޭނާއަށް ބޯޅަ އާއި ހަމައަށް ނުދެވުނު. ބޯޅަ ދިޔައީ ގޯލް ކުރިމަތިން ހުރަސް ވެގެން.

ފުރަތަމަ ހާފުގެ 45 މިނެޓުގެ ކުޅުން ހަމަވެ އިތުރު ވަގުތުގެ ގޮތުގައި ހަތަރު މިނެޓު ވަނީ ދައްކާފަ.

މިއީ ބައިނަލްއަގްވާމީ މައިދާނުގައި ފުޓުބޯޅައިގައި ވޭލްސް އާއި އީރާން ބައްދަލުކުރާ ދެވަނަ ފަހަރު. މީގެކުރިން 1978 ވަނަ އަހަރު މި ދެ ޓީމު ކުރިމަތިލާފައި ވާއިރު، އެ ފަހަރު ކުރި ހޯދީ ވޭލްސް.

15 ވަނަ މިނެޓު: އީރާނުން މެޗުގައި ލަނޑެއް ޖަހައިފި. އެހެންނަމަވެސް ބޯޅަ ލިބުނު އިރު އަލީ ގޮލިޒާދޭ އޮފްސައިޑުގައި ހުރުމުން މިއީ ލަނޑެއް ކަމަށް ބަލައިގެންފައެއް ނުވޭ.