ފުރިހަމަވަގުތުގެ ކުޅުމާއި އިތުރުވަގުތުގެ ގޮތުގައި ދެއްކި ނުވަ މިނެޓުގެ ކުޅުންވެސް ހަމަވެއްޖެ. 1-1 އިން ދެޓީމުވީ އެއްވަރު.

މެޗުގައި ވޭލްސްއިން ފަހަތުން އަރާ ނަތީޖާ ހަމަހަމަ ކުރިއިރު ދެވަނަ ހާފުގައި އެޓީމުން ވަނީ ވަރަށް ބޮޑަށް ކުޅުން ރަނގަޅު ކޮށްފަ. ޔޫއެސްއޭ އަށް ޖެހުނީ ދެވަނަ ހާފުގައި ގިނަވަގުތު ޑިފެންޑު ކުރަން.

މެޗުގައި ވޭލްސް އިން ޖުމްލަ ހަތް ހަމަލާއެއް ފޮނުވާލިއިރު ގޯލާއި އަމާޒުކޮށް ތިން ހަމަލާއެއް ފޮނުވާލާފައިވޭ. ޔޫއެސްއޭ އަށް ގޯލާ އަމާޒުވާގޮތަށް ފޮނުވާލެވުނީ އެންމެ ހަމަލާއެއް.

މިމެޗުގެ އިތުރުން ވޯލްޑް ކަޕުގައި ކުރިއަށް ހުރި މެޗުތަކުގެވެސް ލައިވް ކަވަރޭޖް ސަން އޮންލައިން މެދުވެރިކޮށް ގެނެސްދޭނެ.

82 ވަނަ މިނެޓު: ޕެނަލްޓީ ކާމިޔާބުކޮށް ބޭލް، ވޭލްސް އަށް ނަތީޖާ ހަމަހަމަ ކޮށްދީފި.

79 ވަނަ މިނެޓު: އަނިޔާގެ މައްސަލައެއް ކުރިމަތިވި ނީކޯ ވިލިއަމްސް ބޭލުމަށްފަހު ޖޯންސަން އަށް ވޭލްސްގެ ކޯޗު ފުރުސަތު ދީފި.

ފުރަތަމަ ހާފުގެ 45 މިނެޓުގެ ތެރޭގައި ނުކުރާ ވަރަށް، ދެވަނަ ހާފުގެ ފުރަތަމަ 20 މިނެޓުގެ ތެރޭގައި ވޭލްސް އިން އެޓޭކުކޮށް، އެމެރިކާގެ ގޯލާއި ދިމާލަށް ހަމަލާ ފޮނުވާލާފައިވޭ.

މެޗުގައި އެމެރިކާގެ ކެޕްޓަން ބޭންޑު އަޅައިގެން ކުޅެމުން އަންނަ ޓައިލާ އެޑަމްސް އަކީ 1950 ވަނަ އަހަރަށްފަހު އެޓީމުގެ ކެޕްޓަން ބޭންޑޫ އަޅައިގެން ވޯލްޑް ކަޕުގައި ކުޅޭ އެންމެ ހަގު ކުޅުންތެރިޔާ. އޭނާގެ އުމުރަކީ 23 އަހަރާއި 279 ދުވަސް.

ތާރީޚުގައި ޓައިލާ އަކީ ވޯލްޑް ކަޕުގައި އެމެރިކާގެ ކެޕްޓަންކަން ކުރާ ތިންވަނަ އަށް އެންމެ ހަގު ކުޅުންތެރިޔާ.

ދެވަނަ ހާފު ފަށައިގެން ވޭލްސްގެ ފަރާތުން ފެންނަނީ އެޓޭކިންގް މޮޅު ކުޅުމެއް. ޔޫއެސްއޭގެ ޑިފެންސްލައިނަށް ޕްރެޝާ ބޮޑުވެއްޖެ.

ދެވަނަ ހާފު ފަށައިގެން ހަ މިނެޓު. ޔޫއެސްއޭގެ ޓިމް ރީމް އަށް ރީނދޫ ކާޑެއް.

ފުރަތަމަ ހާފުގެ އިތުރުވަގުތުގެ ކުޅުންވެސް ނިމިއްޖެ.

ހާފު ނިމުނުއިރު 0-1 އިން ޔޫއެސްއޭ އޮތީ ކުރީގައި. އެޓީމުން ވަނީ މި ހާފުގައި ޖުމްލަ ތިން ހަމަލާއެއް ފޮނުވާލާ އެއް ހަމަލާ ގޯލާއި އަމާޒުކޮށްލާފަ.

ވޭލްސް އަށް މިހާފުގައި ގޯލާއި އަމާޒުކޮށް ހަމަލާއެއް ފޮނުވާލެވިފައެއް ނުވޭ. އެހެންނަމަވެސް އޮފް ޓާގެޓް ދެ ހަމަލާއެއް ފޮނުވާލި.

ހާފު ނިމުނުއިރު 67 އިންސައްތަ ޕޮސެޝަން ހިފެހެއްޓީ ޔޫއެސްއޭ އިން.

ޔޫއެސްއޭގެ ޓިމޮތީ ވެއާ މިރޭގެ މެޗުގައި ވޭލްސް ކޮޅަށް ޖެހި ލަނޑަކީ، 1958 ވަނަ އަހަރަށްފަހު ވޯލްޑް ކަޕެއްގައި ވޭލްސް ކޮޅަށް ޖެހި ފުރަތަމަ ލަނޑު. އެފަހަރުގެ ވޯލްޑް ކަޕުގައި ވޭލްސް ކޮޅަށް ލަނޑުޖެހީ ފުޓުބޯޅައިގެ ލެޖެންޑް، ބްރެޒިލްގެ ޕެލޭ.

40 ވަނަ މިނެޓު: ވޭލްސްގެ ކުޅުންތެރިއަކަށް ފުރަތަމަ ރީނދޫ ކާޑު. ކާޑު ދެއްކީ ވޭލްސްގެ ކެޕްޓަން ގެރެތު ބޭލް އަށް.

36 ވަނަ މިނެޓު: ޔޫއެސްއޭ އިން މެޗުގައި ފުރަތަމަ ލަނޑު ޖަހާ ލީޑު ނަގައިފި. މިލަނޑު އެޓީމަށް ކާމިޔާބު ކޮށްދިނީ ޓިމޮތީ ވެއާ. މިއީ އޭނާ ގައުމީ ޓީމަށް ކާމިޔާބު ކޮށްދިން ހަތަރުވަނަ ލަނޑު. މިލަނޑު ވެއާ ކާމިޔާބު ކޮށްދިނީ ކްރިސްޓިއަން ޕުލިސުޗްގެ ތުރޫ ޕާޙަކުން ތަނަވަސްވި ފުރުސަތެއްގައި.

މެޗުގެ 29 ވަނަ މިނެޓު: ޔޫއެސްއޭ އިން ދެ ހަމަލާއެއް އުފެއްދިއިރު ވޭލްސް އަށް އުފެއްދުނީ އެންމެ ހަމަލާއެއް.

މެޗުގެ 66 އިންސައްތަ ޕޮސެޝަން ހިފަހައްޓަނީ ޔޫއެސްއޭ އިން.

ޔޫއެސްއޭ އިން މިހާތަނަށް 4 ފައުލް ކޮށްފައިވާއިރު ދެ ކުޅުންތެރިއަކަށް ރީނދޫ ކާޑު ދައްކާފައިވޭ. ވޭލްސްގެ ކުޅުންތެރިން އެއް ފައުލު ކޮށްފައިވާއިރު އަދި ކާޑެއް ނުދައްކާ.

މިހާތަނަށް ޔޫއެސްއޭ އަށް އެއް ކޯނަރު ވަނީ ލިބިފަ.

13 ވަނަ މިނެޓު: ޔޫއެސްއޭގެ ވެސްޓަން މިކްކެނީ އަށްވެސް ރީނދޫ ކާޑެއް. މި ދެ ކާޑަކީވެސް ވޭލްސްގެ ވިލިއަމްސް އަށް ކުރި ފައުލްތަކާއި ގުޅިގެން ދެއްކި ކާޑުތަކެއް.

11 ވަނަ މިނެޓު: ޔޫއެސްއޭގެ ސާޖީނިއޯ ޑެސްޓަށް މެޗުގެ ފުރަތަމަ ރީނދޫ ކާޑު.

މިއީ 1958 ވަނަ އަހަރަށްފަހު ވޭލްސް އިން ފީފާ ވޯލްޑް ކަޕުގައި ކުޅޭ ފުރަތަމަ ފަހަރު.

ވޯލްޑް ކަޕް 2022 ގެ ގްރޫޕް ސްޓޭޖުގައި ވޭލްސް އާއި ޔުނައިޓެޑް ސްޓޭޓްސް އޮފް އެމެރިކާ (ޔޫއެސްއޭ) ބައްދަލުކުރާ މެޗުގައި ދެ ޓީމުން ބޭނުންކުރާ ފުރަތަމަ 11.