96 ވަނަ މިނެޓު: ސެނެގާލްގެ އިދްރީސާ ގޭ އަށްވެސް ރީނދޫ ކާޑެއް.

95 ވަނަ މިނެޓު: ސެނެގާލްގެ ނެމްޕަލިސް މެންޑީއަށް ރީނދޫ ކާޑެއް.

94 ވަނަ މިނެޓު: ލަނޑުޖެހި ގަކްޕޫގެ ބަދަލުގައި ނެދަލެންޑްސް އިން މާޓިން ޑެރޫމް ކުޅެން އަރުވައިފި.

90 މިނެޓުގެ ކުޅުން ހަމަވެ އިތުރުވަގުތުގެ ގޮތުގައި އަށް މިނެޓު ދައްކައިފި.

79 ވަނަ މިނެޓު: ނެދަލެންޑްސް އިން ދެ ބަދަލެއް ގެނެސްފި. ސްޓީވަން ބާގްވައިންގެ ބަދަލުގައި ޑޭވީ ކްލާސަން ކުޅެން އެރުވިއިރު ބާގައިސްގެ ބަދަލުގައި ކޫޕްމެއިނާސް ވަނީ ކުޅެން އަރާފަ.

74 ވަނަ މިނެޓު: އަނިޔާގެ ސަބަބުން އަށިގަނޑުގައި ބޭލި ކްރެޕިން ޑިއަޓާގެ ބަދަލުގައި ސެނެގާލް އިން ނިކޮލަސް ޖެކްސަން ކުޅެން އަރުވައިފި.

73 ވަނަ މިނެޓު: ޑީއޭރިއާ ތެރޭގައި ހުރެފައި ސެނެގާލްގެ އިދްރީސާ ގޭ ފޮނުވާލި ބާރު ހަމަލާ ދިޔައީ ސީދާ ނެދަލެންޑްސްގެ ކީޕަރާއި ދިމާލަށް. ކީޕަރުގެ ރަނގަޅު ސޭވް އެއް.

69 ވަނަ މިނެޓު: މެޗުގައި މިހާތަނަށް ފޮނުވާލި އެންމެ ނުރައްކާތެރި ހަމަލާ ފޮނުވާލި ޑީއާގެ ބަދަލުގައި ބަމްބާ ޑިއެންގް ކުޅެން އަރުވައިފި.

65 ވަނަ މިނެޓު: ގޯލާއި އަމާޒުކޮށް ފޮނުވާލި ފުރަތަމަ ހަމަލާ ސެނެގާލް އިން. އޭރިއާގެ ކަނާތު ފަޅީގައި ހުރެފައި ގޯލުގެ ކައިރި ކަނަށް ފޮނުވާލި ބޯޅަ، ވަރަށް ހުށިޔާރު ކަމާއެކު ނެދަލެންޑްސްގެ ކީޕަރު ނޮޕާޓް ވަނީ ހުށިޔާރުކަމާއެކު ދިފާއުކޮށްފަ.

57 ވަނަ މިނެޓު: މެޗުގެ ފުރަތަމަ ބަދަލުތައް. ނެދަލެންޑްސް އިން ވިންސެންޓް ޔޭންސަންގެ ބަދަލުގައި ކުޅެން އެރީ މެމްފިސް ޑިޕާއި. ސެނެގާލްގެ އަބްދުލް ޑިއާލޯގެ ބަދަލުގައި ކުޅެން އެރީ އިސްމާއިލް ޔާކޮބްސް

ފުރަތަމަ ހާފުގެ 45 މިނެޓުގެ ކުޅުން ހަމަވެ އިތުރުވަގުތުގެ ގޮތުގައި ދެއްކީ ދެ މިނެޓު.

40 ވަނަ މިނެޓު: ނެދަލެންޑްސްގެ ފަރާތުން ރަނގަޅު ހަމަލާއެއް. ބާގްހަސް ފޮނުވާލި ބާރު ހަމަލާ ދިޔައީ ހުރަސް ދަނޑި ކައިރިން ބޭރަށް.

34 ވަނަ މިނެޓު: މެޗުގައި ގޯލާއި އަމާޒުވާހެން ފޮނުވާލި ފުރަތަމަ ހަމަލާ ސެނެގާލް އިން. އެހެންނަމަވެސް އެއްވެސް ބާރެއް ނެތި ސެނެގާލްގެ ސަބާލީ ފޮނުވާލި މި ހަމަލާ އަމާޒުވީ މަޑުމަޑުން ގޮސް ނެދަލެންޑްސްގެ ކީޕަރުގެ އަތައް.

25 ވަނަ މިނެޓު: ސެނެގާލްގެ އިސްމާއިލާ ސާ އޭރިއާ ތެރެއަށް ވަދެ ފޮނުވާލި ބާރު ހަމަލާއެއް، ގޯލުގެ ކަނާތު ފަޅީގެ މަތީ ކަނާއި ދިމާލަށް ދަނިކޮށް ނެދަލެންޑްސްގެ ތަޖުރިބާކާރު ޑިފެންޑަރު ވާޖިލް ވެންޑައިކު ބޮލުން ދިފާއުކޮށް ކޯނަރަކަށް ބޭރު ކޮށްލައިފި. މި ކޯނަރުން ސެނެގާލް އަށް ރަނގަޅު ހަމަލާއެއް އުފެއްދިފައެއް ނުވޭ.

19 ވަނަ މިނެޓު: މެޗުގައި މިހާތަނަށް ލަނޑުޖަހަން ލިބުނު އެންމެ ހުސް ފުރުސަތު ނެދަލެންޑްސްގެ ފްރެންކީ ޑިޔޮންގ އަށް. ކައުންޓާ އެޓޭކެއްގައި މުޅިން ހުސްކޮށްހުރެ އޭރިއާ ތެރެއަށްވަދެ ބޯޅަ ގޯލުގެ ތެރެއަށް ފޮނުވާލަން ލިބުނު ނަމަވެސް، ލަސް ކުރުމުގެ ސަބަބުން ފުރުސަތު ގެއްލިއްޖެ.

18 ވަނަ މިނެޓު: މެޗުގައި ސެނެގާލްގެ ފުރަތަމަ ކޯނަރު. ނެދަލެންޑްސްގެ ގޯލަށް ނުރައްކާ ނުކުރެވުނު.

16 ވަނަ މިނެޓު: ނެދަލެންޑްސް އަށް ރަނގަޅު ފުރުސަތެއް. އެހެންނަމަވެސް ހުރަހަކުން ތަނަވަސްވި ފުރުސަތުގައި ބްލިންޑް ބޮލުން ބޯޅަ ފޮނުވާލި ނަމަވެސް ބޯޅަ ދިޔައީ ގޯލާއި އަމާޒުނުވެ.

ވޯލްޑް ކަޕުގައި މިހާތަނަށް ނެދަލެންޑްސް އެފްރިކާ ބައްރުގެ ޓީމެއް އަތުން ބަލިވެފައެއް ނުވޭ. މިހާތަނަށް ހަތަރު މެޗު ކުޅެފައިވާއިރު ތިން މެޗުން ވަނީ މޮޅުވެފަ. އަނެއް މެޗުންވީ އެއްވަރު. އަދި މުބާރާތުގެ ގްރޫޕް ސްޓޭޖުގައި ސެނެގާލްވެސް ޔޫރަޕުގެ ގައުމެއްގެ އަތުން ބަލިވެފައެއް ނުވޭ. ތިން މެޗެއް ކުޅެފައިވާއިރު ދެމެޗުން މޮޅުވެ އެއްމެޗުން އެއްވަރުވެފައިވޭ.

މިއީ ތާރީޚުގައިވެސް ސެނެގާލް އާއި ނެދަލެންޑްސްގެ ފުރަތަމަ ކުރިމަތިލުން. ވޯލްޑް ކަޕަށް ސެނެގާލް ކޮލިފައިވި ފަހަރުތަކުގައި ނެދަލެންޑްސް ކޮލިފައިވެފައެއް ނުވޭ.

މެޗުގެ ފުރަތަމަ މިނެޓުގައި ސެނެގާޅްގެ ހަމަލާއެއް. އިސްމާއިލާ ސާ ތަނަވަސްކޮށްދިން ފުރުސަތަކުން ޑީއާ ގޯލާއި ދިމާލަށް ފޮނުވާލި ބޯޅަ ދިޔައީ ހުރަސް ދަނޑިމަތިން ބޭރަށް.