ލައިވް ކަވަރޭޖް މިހާ ހިސާބުން ނިމުނީ

މަހްލޫފް ވިދާޅުވީ ޒުވާނުންގެ މައްސަލަތައް ހައްލު ކުރުމަށް ކުރަން ޖެހޭ މަސައްކަތްތައް ވަރަށް ގިނަ ކަމަށް. އަދި މުއައްސަސާތަކުން ގުޅިގެން މަސައްކަތް ކުރަން ޖެހޭ ކަމަށް ވިދާޅުވި.

ޖަލްސާގައި ވާހަކަ ދައްކަވަމުން ޔޫތު މިނިސްޓަރު މަހްލޫފް ވިދާޅުވީ މީގެ ކުރިން ޔޫތު މިނިސްޓްރީއަކީ މާބައިވަރު މަސައްކަތެއް ނުކުރާ ކުޑަކުޑަ ވުޒާރާއެއް ކަމަށް. ނަމަވެސް މިސަރުކާރުން ހިންގާ މަޝްރޫއުތަކުގެ ތެރެއިން ދެ ވަނައަށް އެންމެ ގިނަ މަޝްރޫއު ހިންގަނީ އެ މިނިސްޓްރީ ކަމަށް އޭނާ ވިދާޅުވި.

ޔޫތު މިނިސްޓްރީގެ ރަސްމީ ވެބްސައިޓް މިނިސްޓަރު މަހުލޫފް ވަނީ އިފްތިތާހް ކޮށްދެއްވާފައި

ރައީސް ވިދާޅުވީ އަތޮޅުތެރޭގައި ގައުމީ ޔުނިވާސިޓީ އާއި އިސްލާމިކް ޔުނިވާސިޓީގެ ދައުރު ފުޅާވަމުން އަންނަ ކަމަށް. އަދި އަމިއްލަ ކޮލެޖްތަކުން ވެސް އަތޮޅުތެރޭގައި ހިންގާ ޕްރޮގްރާމްތައް މި ވޭތުވެދިޔަ ހަތަރު އަހަރުގެ ތެރޭގައި އިތުރުވެފައިވާ ކަމަށް ރައީސް ވިދާޅުވި.

ރައީސް ވިދާޅުވީ ޒުވާނުންނަށް ތައުލީމާއި ތަމްރީން ދިނުމުގެ އިތުރުން ޒުވާން ވިޔަފާރިވެރިން އުފެއްދުމަށްޓަކައި ލޯނުތައް ދޫކުރަމުން އަންނަ ކަމަށް.

ރަސްމިއްޔާތުގައި ރައީސް އިބްރާހީމް މުހައްމަދު ޞާލިހް ގެންދަވަނީ ވާހަކަ ދައްކަވަމުން

ނެޝަނަލް ޔޫތް ވޮލަންޓިއަރ ޕްރގްރާމްގެ ތެރެއިން- އަޙްމަދު އަޙްނަފް / އއ.ރަސްދޫ އަސަރީގެ

ވޮކޭޝަނަލް ޓްރެއިނިންގގެ ދާއިރާއިން- އިބްރާހިމް ޝަރީފް / ޅ.ހިންނަވަރު އުރަހަ

ދެން ކުރިއަށް އޮތީ ޒުވާނުންގެ އެވޯޑް ލިބޭ ފަރާތްތައް އިއުލާން ކުރުން.

އެހެން އުމުރުފުރާތަކާ އަޅާބަލާއިރު ޒުވާނުންގެ ނަފްސާނީ ދުޅަހެޔޮކަން ދަށް ކަމަށް ދިރާސާއިން ދައްކާ

ރިހިބިލިޓޭޝަންގެ ފުރުސަތުތައް ޒުވާނުންނަށް މަދުކަމާއި އެ ފުރުސަތު ފަހިކޮށްދީފައިވަނީ ޒުވާނުންގެ ހާލަތާ އެންމެ އެކަށޭނަ ގޮތަށް ނޫން ކަމަށް ވެސް ދިރާސާގެ ބައިވެރިން ބުނޭ.

ޒުވާނުން ކުށްކުރާ މިންވަރަށް ބަލާއިރު ގިނަ ޒުވާނުން ޓްރެފިކް ގަވައިދާ ހިލާފުވާ ކަމަށް ދިރާސާއިން ދައްކާ. އޭގެ އިތުރުން މަސްތުވާތަކެތި ބޭނުންކުރުމާއި މާރާމާރީ ހިމެނޭ ކަންކަމުގައި ޒުވާނުން ބައިވެރިވާ ކަމަށް ދިރާސާއިން ދައްކާ.

ތަންފީޒީ އިދާރާތަކުން މަސައްކަތް ކުރާގޮތް ރަނގަޅު ކަމަށާއި ނަމަވެސް އެ ފަރާތްތަކަށް ހުރި ގޮންޖެހުންތަކުގެ ސަބަބުން މުޖުތަމައުއާ އޮންނަ ގުޅުމަށް ކޮންމެ ވެސް ވަރެއްގެ ހީނަރުކަމެއް އައިސްފައިވާ ކަމަށް ވެސް ދިރާސާއިން ދައްކާ

ދިރާސާގައި ބައިވެރިވި ޒުވާނުން ފާހަގަ ކުރިގޮތުގައި މަތީތައުލީމް ހާސިލު ކުރުމާއި ކުޅިވަރުގެ ފުރުސަތުތައް އަތޮޅުތެރޭގައި މަދު. އެކަމުގެ ސަބަބުން ޒުވާނުންނަށް ހުސްވަގުތު ގިނަވެ، ގޮންޖެހުންތަކާ ކުރިމަތިވޭ.

ޑރ. ޝެހެނާޒް ވިދާޅުވީ އެ ދިރާސާގެ ބައިވެރިން ގަބޫލުކުރާގޮތުގައި ޒުވާނުންނަށް އުނގެނުމާއި ވަޒީފާގެ ފުރުސަތުތަކާއި ކުޅިވަރާއި އެހެނިހެން ވަސީލަތްތައް ފޯރުކޮށްދިނުމުގައި މިހާރު ވެސް ސަރުކާރުން ވަރަށް ގިނަ މަސައްކަތް ކުރޭ.

އެހެންނަމަވެސް އެ ހިދުމަތްތައް ފުޅާކޮށް އެރަށަކާ ގުޅޭގޮތަށް ހިދުމަތްތައް ދިނުމަށް އެ ޒުވާނުން އެދޭ ކަމަށް ވިދާޅުވި

ޑރ. ޝެހެނާޒް ވިދާޅުވީ އެ ދިރާސާގައި ބައިވެރިވެފައިވަނީ 55 ޕަސެންޓް އަންހެނުންނާއި 45 ޕަސެންޓް ފިރިހެނުން ކަމަށް.

އެ ރިޕޯޓް ހުށަހަޅުއްވައި ދެއްވަމުން އެމްއެންޔޫގެ ޑެޕިއުޓީ ވައިސް ޗާންސެލާ ޑރ. އައިޝަތު ޝެހެނާޒް އާދަމް ވިދާޅުވީ އެ ޔުނިވާސިޓީގެ ނުވަ މެމްބަރުންގެ ޓީމަކުން އެ ދިރާސާ ހެދީ ޒުވާނުން ކުށްތަކަށް އަރައިގަންނަ ސަބަބުތައް ދެނެގަނެ، ޒުވާނުން ކުށްކުރުމާ ދުރުކުރުމަށް ކުރެވިދާނެ ކަންކަން ދެނެގަތުމަށް ކަމަށް.

މިއަހަރުގެ މިހާތަނަށް 390 ޒުވާނަކަށް ކައުންސިލިން ދީފައިވާ ކަމަށާއި ޒުވާނުންގެ ސިއްހަތު ރަނގަޅު ކުރުމަށްޓަކައި ގިނަ ޕްރޮގްރާމްތަކެއް ހިންގަމުން އަންނަ ކަމަށް ވެސް ރިޕޯޓްގައި ބުނި

މޯލްޑިވްސް ނެޝަނަލް އިންސްޓިޓިއުޓުން މިއަހަރުގެ މިހާތަނަށް 120 ޒުވާނުން ތަމްރީން ކޮށްފައިވާ ކަމަށް ވެސް ރިޕޯޓުގައި ބުނި

ޖަލްސާގައި ދައްކަމުން އަންނަ ރިޕޯޓެއްގައި ބުނީ ވަޒީފާއަށް ޒުވާނުން އަހުލުވެރި ކުރުމުގެ ގޮތުން މިއަހަރުގެ މިހާތަނަށް 481 ޒުވާނުންނަށް އެކިއެކި ޕްރޮގްރާމްތައް ހިންގާފައިވާ ކަމަށް.