04 Oct 2022, 09:36
ކުޑަކޮށް ކަސްރަތުކޮށްލަން ހިތަށް އަރުވާލިޔަސް ގިނަ މީހުން ތިބެނީ ވަރުބަލިވެފައެވެ. މި ވަރުބަލިކަން ހިތަށް އަރުވައިގެން ތިއްބާ އުމުރުން ދުވަސްވީ މީހަކު 4000 ކިލޯމީޓަރު އެއްވެސް އުޅަނދެއްގެ އެހީއާ ނުލައި ދަތުރުކޮށް އިންޓަނެޓުގައި އެތައް ބައެއްގެ ލޯބި ހޯދައިފިއެވެ.
އޯޓި އަދި ކްރިސްގެ ނަމުން ހަދާފައިވާ އިންސްޓަގްރާމް އެކައުންޓުގެ ވެރިފަރާތަށް މި މީހާ އާ ދިމާވީ ހަމަ މި ދަތުރުގެ ތެރެއިންނެވެ. 'ޕެސިފިކް ކްރެސްޓް ޓްރައިލް' ދަތުރުގައި ދިޔަ މި ބައިވެރިންނަށް އުމުރުން ދުވަސްވީ މީހާ އާ ދިމާވެ އޭނާގެ ވާހަކަ އިންސްޓަގްރާމް މެދުވެރިކޮށް ގެނެސްދިނުމުން ގިނަ ބައެއްގެ ލޯބި އޭނާ އަށް ބަންޑުންކޮށްލިއެވެ.
'ޕެސިފިކް ކްރެސްޓް ޓްރައިލް'ގެ ދިގު ދަތުރު އޭނާ ކޮށްފައިވަނީ އެއްވެސް އުޅަނދެއްގެ އެހީއާ ނުލައެވެ. އަދި އުމުރުން 71 އަހަރުވެ، ފުރިހަމަ ސިއްހަތެއްގައި ހުރުމުން އޭނާ އަށް ގިނަ ބަޔަކު ތައުރީފު ކުރިއެވެ. މި ޕޯސްޓު ހިއްސާކުރި މީހުން ބުނި ގޮތުގައި އެ މީހާ އާ ދިމާވުމުން އަލަށް ބައްދަލުވީ ކަމުގެ އިހުސާސް ނުކުރެވޭ ކަމަށެވެ. އަދި އޭނާ އަކީ ވަރަށް ހިތްހެޔޮ އެހެން މީހުން ވެސް އިންސްޕަޔާ ކޮށްލާ ކަހަލަ މީހެއް ކަމަށް ބުނެފައިވެއެވެ.
މި ޕޯސްޓަށް ކޮމެންޓުކުރި ބައެއް މީހުން ބުނި ގޮތުގައި އެމީހާ އަކީ ނަސީބުވެރިއެކެވެ. އަދި، އެހެންމީހުން ވެސް ވީ އެ މީހާ ފަދައިން ދިރިއުޅުމުގައި އެފަދަ ކަންކަން ކޮށް ކުރިއެރުން ހޯދާށެވެ. އިންސްޓަގްރާމްގައި ގިނަ މީހުން ހިއްސާކުރާ ބޭކާރު ޕޯސްޓަށްވުރެ އެ މީހާގެ ވާހަކަ މާ ހިތްގައިމު ކަމަށް ގިނަ ބަޔަކު ބުނެފައިވެއެވެ.
"ރޮވިއްޖެ. އެމީހާގެ ދަތުރު ހިއްސާކޮށްދިން ކަމަށްޓަކައި ޝުކުރުވެރިވަން" ކޮމެންޓެއްގައިވެއެވެ.
މި ވީޑިއޯ އަށް 43،000 އަށް ވުރެ ގިނަ ލައިކްސް ލިބިފައިވާއިރު 6،24،000 މީހުން ވަނީ ބަލާފައެވެ.