Last Updated: 1 decade 4 year ago

Last Updated:
1 decade 4 year ago

ވޯޓިން ސިސްޓަމުގައި ދިމާވި މައްސަލަ ހައްލުނުވެގެން މަޖިލިސް ނިއްމާލައިފި

    ބުލޮގު ޚުލާސާ
    ރައްޔިތުންގެ މަޖިލީހުގެ ޖަލްސާ ފަށައިފި އެވެ. މަޖިލިސް ފެށި އިރު އިރު ރިޔާސަތުގައި އިންނެވީ ނައިބު ރައީސް އަހުމަދު ނާޒިމެވެ. މިއަދުގެ ޖަލްސާ އަށް ފުރަތަމަ އެޖެންޑާކޮށްފައި ވަނީ ރައީސުލްޖުމްހޫރިއްޔާގެ ނާއިބުގެ މަގާމަށް ރައީސުލްޖުމުހޫރިއްޔާ އައްޔަން ކުރައްވާފައިވާ މުހައްމަދު ވަހީދުއްދީންގެ ނަންފުޅު ރައްޔިތުންގެ މަޖިލީހަށް އިއްވައި ދިރާސާ ކުރުމަށް ކޮމެޓީ އަށް ފޮނުވުމެވެ. އަދި ވަޒީރުންގެ މަޖިލީހަށް އައްޔަން ކުރައްވާފައިވާ 14 ބޭފުޅެއްގެ ނަންފުޅު މަޖިލީހަށް ހުށަހަޅައި ދިރާސާ ކުރުމަށް މަޖިލީހުގެ ކޮމެޓީ އަށް ފޮނުވުމުގެ މައްސަލަ އެވެ.

    ސަރުކާރުގެ އޮފީސްތަކުގެ އޮނިގަނޑަށް ބަދަލު ގެނައުމުގެ މައްސަލަ ވެސް މިއަދުގެ ޖަލްސާ އަށް ވަނީ އެޖެންޑާކޮށްފަ އެވެ.

    14:00

    ވޯޓިން ސިސްޓަމްގެ މައްސަލަ ހައްލު ނުވެގެން މިއަދުގެ ޖަލްސާ ނިންމާލައިފި
    13:48

    މިއަދުގެ ޖަލްސާގައި ވޯޓަށް އަހާ ހިސާބަށް ގޮސްފައިވާ ކަންތައްތަކަށް ވޯޓަށް އެހުމަށް ތައްޔާރުވިއިރު މަޖިލީހުގެ މެޖޯރިޓީ ލީޑަރު އިބްރާހިމް މުހައްމަދު ސޯލިހާއި މައިނޯރިޓީ ލީޑަރު އަހުމަދު ތަސްމީން އަލީގެ ވޯޓިން ސިސްޓަމްގައި މައްސަލައެއް ޖެހިއްޖެ. އެ މައްސަލަ ހައްލު ކުރެވެންދެން ވޯޓަށް އެހުން ވަނީ ފަސްކޮށްފައި.
    10:31

    އިންޓަވަލަށް މަޖިލީސް މެދުކަނޑާލައިފި އެވެ. ދެން ޖަލްސާ ފެއްޓޭނީ 11:00ގަ އެވެ.
    10:26

    ކޯރަމް ގެއްލުނުތާ ކުޑަ އިރުކޮޅެއްގެ ތެރޭގައި ކޯރަމް ލިބިގެން ޖަލްސާ ކުރިއަށް ދާންފަށައިފި އެވެ.
    10:16

    ޖަލްސާގެ ކޯރަމް ގެއްލިފައިވާ ކަމަށް ރިޔާސަތުން އިއުލާންކޮށްފި އެވެ.
    10:03

    މަޑަވެލީ ދާއިރާގެ މެންބަރު މުހައްމަދު ނާޒިމު ވިދާޅުވީ ސަރުކާރުގެ އަނިގަނޑަށް ބަދަލު ގެންނަން ނުޖެހޭ ކަމަށާއި އަދި މިނިސްޓްރީތައް އިތުރު ކުރަން ނުޖެހޭ ކަމަށެވެ.
    09:55

    މަޖިލީހުގައި އުނގޫފާރު ދާއިރާގެ މެންބަރު އަފުރާޝީމު އަލީ ވާހަކަ ދައްކަވާ އިރު މަޖިލީހުގެ ތެރެއިން މެންބަރުންގެ އަޑުގަދަ ކުރެއްވުން އަންނަނީ ގަދަވަމުންނެވެ. ނަމަވެސް އޭނާގެ ވާހަކަފުޅު ދައްކަވައި ނިންމަވައިލެއްވި އެވެ.
    09:13

    ނައިބު ރައީސާއި ވަޒީރުންނަށް ރުހުން ހޯއްދެވުމަށް ރައީސުލްޖުމްހޫރިއްޔާ މަޖިލީހަށް ފޮނުއްވާފައިވާ ސިޓީ ފުޅުތައް މަޖިލީހަށް ހުށަހަޅުއްވައިފި