31 Aug 2022, 16:49
ރާއްޖޭގައި ހިލޭ ފުރަތަމަ ޑިގްރީއަށް ކިޔަވާ ދަރިވަރުންގެ އަދަދު 15،000 އަށް އަރާފައިވާ ކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިހް ވިދާޅުވެއްޖެއެވެ.
މިއަދު ކުރެއްވި ޓްވީޓެއްގައި ރައީސް ވިދާޅުވީ މިއަދާ ހަމައަށް ހިލޭ ފުރަތަމަ ޑިގްރީ ކިޔެވުމަށް އެންރޯލް ކުރި ކުދިންގެ ޖުމްލަ އަދަދު 15،000 އަށް އަރާފައިވާ ކަމަށެވެ.
ސަރުކާރުގެ އަމާޒަކީ ގައުމު ބިނާކުރުމުގައި ހިއްސާވާ، ރަނގަޅު ތަރުބިއްޔަތެއް ލިބިފައިވާ އަދި މަތީ ތައުލީމު ހާސިލުކޮށްފައިވާ ޒުވާން ޖީލެއް އުފެއްދުން ކަމަށް ރައީސް ވިދާޅުވިއެވެ.
Very pleased to know that as of today, 15,000 students have enrolled and are now studying under the Government’s Free First Degree Program.
Our aim is to produce a generation of well rounded, highly educated young people who can contribute meaningfully to nation building.— Ibrahim Mohamed Solih (@ibusolih)August 31, 2022
ހިލޭ ފުރަތަމަ ޑިގްރީ ދިނުމަކީ ރައީސް ޞާލިހްގެ ރިޔާސީ ވައުދެކެވެ. އެ ޕްރޮގްރާމުގެ ދަށުން ކިޔަވައިދޭން ފެށީ 2019 އަހަރުގެ ކުރީކޮޅެވެ.
ހިލޭ ޑިގްރީއަށް ކިޔަވައިދޭން ފެށުމުން ސަރުކާރުގެ ދެ ޔުނިވާސިޓީ ކަމަށްވާ ގައުމީ ޔުނިވާސިޓީއާއި އިސްލާމިކް ޔުނިވާސިޓީގެ އިތުރުން ބައެއް އަމިއްލަ ކޮލެޖްތަކުން ވެސް ހިލޭ ކިޔެވެއެވެ.