26 Aug 2022, 18:06
މާލޭ ޓްރެކް ސަރަހައްދު ބޭރު ތޮށިން މިއަދު ކަނޑަށް ފުންމާލި މީހަކު ސަލާމަތް ކޮށްފިއެވެ.
ފުލުހުންގެ މީޑިއާ އޮފިޝަލް 'ސަން'އަށް ވިދާޅުވީ މާލޭ ޓްރެކް ސަރަހައްދު ބޭރުން މީހަކުން ކަނޑަށް ފުންމާލި ކަމުގެ މައުލޫމާތު މިއަދު މެންދުރު 03:58 ހާއިރު ލިބިފައިވާ ކަމަށެވެ.
އެއީ ދިވެހި ފިރިހެނެއް ކަމަށާއި އެ މީހާއަށް ފަރުވާ ދިނުމަށް މިހާރު އައިޖީއެމްއެޗަށް ގެންގޮސްފައިވާ ކަމަށް ވެސް ފުލުހުން ބުންޏެވެ.
ފުލުހުން ބުނީ އެކަމާ ގުޅިގެން އިތުރަށް ބަލަންޖެހޭ ކަންކަން ބަލަމުންދާ ކަމަށެވެ.