އިބްރާހިމް ނާސިރު އިންޓަނޭޝަނަލް އެއާޕޯޓުން ފުރައިގެން އިނގިރޭސި ވިލާތުގެ މެންޗެސްޓާއަށް ދަތުރު ކުރި ތޮމްސަން 189 ގެ ފުލައިޓް އިމަޖެންސީގައި އެއާޕޯޓަށް މިއަދު މެންދުރެއް ހާއިރު ޖައްސައިފި އެވެ.
ސަން އޮންލައިނަށް މައުލޫމާތު ދެއްވަމުން ޓްރާންސްޕޯޓް މިނިސްޓްރީގެ އިސް އޮފިޝަލަކު ވިދާޅުވީ އެ ފްލައިޓްގައި ގާތްގަނޑަކަށް 230 އެއްހާ ފަސިންޖަރުން ދަތުރު ކުރިކަމަށާއި ފްލައިޓް އިމަޖެންސީގައި ރަންވޭއަށް ޖެއްސި ނަމަވެސް އެއްވެސް މީހަކަށް އެއްވެސް ވަރެއްގެ ގެއްލުމެއް ލިބިފައި ނުވާ ކަމަށެވެ.
އަދި މަތިންދާ ބޯޓް ޖެއްސި އިރު ބޯޓަށް ވެސް އެއްވެސް ވަރެއްގެ ގެއްލުމެއް ލިބިފައި ނުވާކަމަށް އެ އޮފިޝަލް ވިދާޅުވި އެވެ.
މަތިންދާ ބޯޓް ރަންވޭއަށް ޖެއްސިއިރު ރަންވޭ އިމަޖެންސީ ހާލަތަކަށް ގެނައި ކަމަށް އެމްއެން ޑީއެފުން ވެސް ވަނީ ބުނެފައެވެ. ނަމަވެސް ފްލައިޓް ޖެއްސުމާއި އެކު އިމަޖަންސީ ހާލަތުން އެއާޕޯޓް މިހާރު އާދައިގެ ހާލަތަށް ބަދަލުކޮށްފައިވާ ކަމަށް ޓްރާންސްޕޯޓުން ބުންޏެވެ.
ސަންއަށް މައުލޫމާތު ދެއްވި އެއާޕޯޓްގެ އޮފިޝަލަކު ވިދާޅުވީ ބޯޓް އިމަޖެންސީގައި ޖެއްސީ ޓެކްނިކަލް މައްސަލއެއް ކުރިމަތިވުމުގެ ސަބަބުން ކަމަށާއި ރަންވޭއަށް ބޯޓް ޖެއްސުމުގަ އެއްވެސް މައްސަލައެއް ދިމާ ނުވާ ކަމަށެވެ.
ފްލައިޓާ ގުޅޭ އިތުރު މައުލޫމާތު ހޯދަން ތޮމްސަންގެ ރާއްޖޭގެ އެޖެންޓާއި ގުޅާލުމުން އެފަރާތުން ބުނީ އެކަމާ ގުޅޭ އެއްވެސް މައުލޫމާތެއް މީޑިޔާ އަށް ހިއްސާ ކުރަން ބޭނުންނުވާ ކަމަށެވެ. އިބުރާހިމް ނާސިރު އިންޓަރނޭޝަނަލް އެއާރޕޯޓުގެ މީޑިޔާ އޮފިޝަލް ފޯނަށް ޖަވާބު ނުދެއްވާތީ އިތުރު މައުލޫމާތު އަދި ވަނީ ލިބޭ ގޮތް ނުވެފައެވެ.
މި
