17 Jun 2022, 20:27
ޕްރެސިކިއުޓާ ޖެނެރަލް ޙުސެއިން ޝަމީމްގެ މައްޗަށް ޖިނާއީ ތަހުގީގެއް ހިންގަމުން ނުދާ ކަމަށް ފުލުހުން ބުނެފިއެވެ.
ފުލުހުން މިއަދު އެހެން ބުނީ، ޕީޖީ ޝަމީމް ކުޑަކުއްޖަކަށް ޖިންސީ ގޯނާކުރި ކަމަށް ބުނެ ހުށަހަޅާފައިވާ މައްސަލައެއް ފުލުހުން ތަހުގީގު ކުރަމުންދާ ކަމަށް އޮންލައިން ނޫހަކުން ރިޕޯޓުކުރި ފަހުންނެވެ.
އެ ނޫހުގައިވާ ގޮތުން އެ މައްސަލަ ފުލުހުންނަށް ހުށަހަޅާފައި ވަނީ މިދިޔަ ހަފުތާގެ ހޯމަ ދުވަހުގެ ރޭގައެވެ. އެ މައުލޫމާތު އެ ނޫހަށް ދިނީ ސަރުކާރުގެ އޮފިޝަލެއް ކަމަށް ވެސް އެ ނޫހުން ރިޕޯޓުކޮށްފައިވެއެވެ.
ނަމަވެސް މިއަދު ފުލުހުން ވަނީ ޕީޖީ ޝަމީމްގެ މައްޗަށް އެއްވެސް ޖިނާއީ ތުހުމަތެއްގެ ތަހުގީގެއް ކުރަމުންނުދާ ކަމަށް ބުނެފައެވެ.
އެކަމާ ބެހޭ އިތުރު ތަފްސީލެއް ފުލުހުން ހާމަނުކުރެއެވެ.