16 Apr 2022, 22:17
މިއަދު ހަވީރު ހުޅުމާލޭގެ ޙާންޖީ ކެފޭ ތެރޭގައި މަރާލާފައި އޮއްވާ ފެނުނު ބަންގްލަދޭޝް މީހާ މަރާލި ޕާކިސްތާނުގެ މީހާ ހޯދަން ފަށައިފިކަމަށް ފުލުހުން ބުނެފިއެވެ.
މިއަދު ފުލުހުން ކުރި ޓްވީޓެއްގައި ބުނެފައިވަނީ އެ މީހާ މަރާލިކަމުގެ ތުހުމަތުގައި ހޯދަމުންދަނީ އުމުރުން 26 އަހަރުގެ މުހައްމަދު އަބީދު ނަމަކަށްކިޔާ ޕާކިސްތާނުގެ ފިރިހެނެއްކަމަށެވެ.
ފޮޓޯއާއެކު ފުލުހުން ކުރި އެ ޓްވީޓުގައި އިތުރަށް ބުނެފައިވަނީ އެމީހާ އެއްވެސް މީހަކަށް ފެނިއްޖެނަމަ އެމިހާއާ ކުރިމަތިލުމުގެ ބަދަލުގައި ފުލުހުންނަށް ރިޕޯޓުކުރުމަށެވެ.
"އެ މީހާއަކީ ވަރަށް ނުރައްކާތެރި މީހެއް. އަޅުގަނޑުމެން އިލްތިމާސް ކުރަނީ އެމީހާއާ ކުރިމަތިނުލާ ވީއެންމެ އަވަހަކަށް 119 އަށް ގުޅުމަށް،" ފުލުހުން ބުނެފައިވެއެވެ.
Muhammad Abid, a 26-year-old male Pakistani national is wanted in suspicion of this homicide.
The suspect is deemed dangerous and we urge public not to approach him and call 119 if seen. 2/2pic.twitter.com/u6Rnn5EVIL— Maldives Police (@PoliceMv)April 16, 2022
މިއަދު ޙާންޖީ ކެފޭގައި މަރުވެފައި އޮށްވާ ފެނުނު ބަންގްލަދޭޝްގެ މީހަކީ އެ ކެފޭގައި ވެއިޓަރެއްގެ ގޮތުގައި މަސައްކަތްކުރާ މީހެކެވެ. އަދި އޭނާ މާރިލިކަމަށް ތުހުމަތުކުރެވޭ އަބީދަކީ އެ ކެފޭގެ ކައްކާއެެވެ.
ބަންގްލަދޭޝްގެ އެ މީހާ މަރާލުމަށްފަހު އަބީދު ވަނީ ފިލާފައެވެ. އެ މަރުވި މީހާގެ ހަށިގަނޑުން ބޮޑެތި ޒަހަމްތަކެއް ފެންނަން ހުރި ކަމަށް ފުލުހުން ބުނެފައިވެއެވެ.