Last Updated: 1 decade 4 year ago
ބުލޮގު ޚުލާސާ
ޓްރެކް ސަރަހައްދު ޕެޓްރޯލް ޝެޑްތައް ކައިރީ، ކުނިގޮނޑު ސަރަހައްދުގައި ހުންނަ ނީލަން ފިހާރައިގައި ވަރަށް ބޮޑަށް އަލިފާންރޯވެ އަނދަމުން އެބަދެއެވެ.
ނީލަން ފިހާރައިގާ ރޯވެފައިވާ އަލިފާންގަނޑު ކޮންޓްރޯލް ނުވެ، ބޮޑު ހުޅުގަނޑެއް އުފެދިފައިވާއިރު އަލިފާންގަނޑުގެ ތެރެއިން ބައެއް ތަކެތި ވަރަށް ވާރަށް ގޮވަމުންދާ އަޑު ދަނީ އިވެމުންނެވެ. އަދި އަލިފާންގަނޑު ކޮންޓްރޯލް ނުވެ ފެތުރެމުންދާތީ އެސަރަހައްދުގައިވާ ޕެޓްރޯލް ޝެޑަށް އަލިފާން ފެތުރުމުގެ ބިރުވަނީ އުފެދެ އެވެ.
އެމްއެންޑީއެފުން ބުނީ ނީލަންފިހާރައިގާ ރޯވެފައިވާ އަލިފާންގަނޑު ކޮންޓްރޯލް ކުރުމަށް ފަޔަ އެންޑް ރެސްކިއުޓީމުން އެސަރަހައްދުގައި މަސައްކަތް ކުރަމުންދާ ކަމަށާއި އަލިފާންރޯވި ސަބަބެއް އަދި ނޭނގޭ ކަމަށެވެ.
އަދި ބުނީ ނީލަން ފިހާރައިގާ ބަޔަކު ގަސްދުގައި ރޯކޮށްލީ ކަމެއް ނުވަތަ އެހެން ގޮތަކުން ރޯވީ ކަމެއް އަދި ނޭނގޭ ކަމަށެވެ. (ތަފުސީލު އަންނަނީ)
ނީލަން ފިހާރައިގެ ތެރޭގައި ރޯވެފައިވާ އަލިފާންގަނޑު ވަރަށް ބޮޑަށް ކޮންޓްރޯލްކޮށް ބައެއް ތަކެތި ދަނީ ނެރެމުން އެކަމަކު އަދިވެސް އަލިފާން މުޅިން ކޮންޓްރޯލެއް ނުވޭ.
ތިން ހޮޅި ބޭނުންކޮށްގެން ފެން ޖަހަމުން ދަނީ އެކަމަކު އަދިވެސް ނީލަން ފިހާރައިގެ އެތެރޭގެ އަލިފާންގަނޑު އަދި ވެސް ވަރަށް ގަދައަށް ދަނީ އަނދަމުން.
ބައެއް ދިމަ ދިމާއިން އަލިފާން ނިއްވާލައިފި. އެތެރޭގައި އަދިވެސް އަލިފާން ރޯވެފައި.
ވިލާ ގޭހުގެ ފުރަގަހުގައި ގާތައް ބަހައްޓާފައި ހުރި ސަރަހައްދު ސަލާމާތް ކުރެވޭތޯ ދަނީ މަސައްކަތް ކުރަމުން. ކުނިގޮނޑުގެ ބައެއް ސަރަހައްދުގައި ވަނީ ރޯވެފައި. ހުރިހާ ދިމާއަކުން ފެން ޖަހަމުން ދަނީ. އަލިފާނުގެ ހާދިސާގައި އެއްވެސް މީހަކަށް އަދި ގެއްލުމެއް ވީކަމެއް ނޭނގޭ. އަލިފާން ރޯވިއިރު އެތެރޭގައި ވަރަށް ގިނަ އަދަދެއްގެ ބިދޭސީން ވެސް ތިބި.
އަލިފާން ރޯވެ އަނދަމުންދާތީ އެ ސަރަހައްދުގައި ހުރި ފުލުހުންގެ ވެހިކަލް ގަރާޖުގެ ތެރެއިން ހުރުހާ ވެހިކަލްތަކެއް ވެސް ނެރެން ފަށައިފި. އަދިވެސް އަލިފާން ކޮންޓްރޯލެއް ނުވޭ.
އަލިފާން ގަނޑު އަދިވެސް އަނދަމުން ދަނީ. އެ ސަރަހައްދުގައި ހުރި ގޭސް ވިއްކާ ތަނުން ގޭސްވެސް ބޭރު ކުރުމުގެ މަސައްކަތް ކުރަމުން އެބަދޭ.