Last Updated: 1 decade 4 year ago
ބުލޮގު ޚުލާސާ
ރައްޔިތުންގެ މަޖިލިސް މިއަހަރަށް ހުޅުވުމަށް މި މަހުގެ އެއްވަނަ ދުވަހު ބާއްވަން އުޅުނު ޖަލްސާ އެމްޑީޕީގެ ހުރަސް އެޅުމާ އެކު ނުބޭއްވުމުން ރައްޔިތުންގެ މަޖިލީހުން މިހާރު ވަނީ އެ ޖަލްސާ މިއަދު ބޭއްވުމަށް ނިންމާފަ އެވެ. މިއަދުގެ ޖަލްސާއަށްވެސް ހުރަސް އެޅުމަށް އެމްޑީޕީގެ ޕާލިމަންޓްރީ ގްރޫޕުން ވަނީ ނިންމާފަ އެވެ. އަދި އެމްޑީޕީގެ އާންމު މެންބަރުންވެސް މަގުމަތީ ހަރަކާތްތަކަށް ނުކުތުމަށް ވަނީ ނިންމާފަ އެވެ. މިއަދުގެ ޖަލްސާ 10:00 ޖަހާއިރު ފެށުމަށް ވަނީ ޝެޑިއުލްކޮށްފަ އެވެ.
ތަސްކަލޫސާ ސަރަަހައްދުން ފުލުހުންނާ ދިމާލަށް އެއްޗިހި އުކާތީ އެ މީހުން އެ ސަރަހައްދުން ފައްސާލައިފި. ފައްސާލީ އިންޒާރުދިނުމަށްފަހު.
ފުލުހުން ބުނީ ރާއްޖޭގައި ތައްޔާރުކޮށްފައިވާ ބަގުރާ ކަމަށް ޝައްކުކުރެވޭ 20ލީޓަރުގެ ހަމެއް ފެނިއްޖެކަމަށް. މި ހަން ނެގުމަށްފަހު މީޑިއާގެ ހާޒިރުގައި ދައްކާފައިވާކަމަށްވެސް ފުލުހުން ބުނޭ.
އަލްހާން ފަހުމީ ފުލުހުންގެ ކިބައިން އެދިވަޑައިގަތީ "އެތަން ޗެކްކުރާނެ ވަރަކަށް ޗެކްކުރުމަށް". އެކަމަކު އެމްޑީޕީގެ މެންބަރުންނަށް ގެއްލުންވެ އަނިޔާވާފަދަ ގޮތަކަށް ފުލުހުން އަމަލުތަށް ނުބެހެއްޓުމަށް ފުލުހުންގެ ކިބައިން އެދިވަޑައިގެންފި. އަލްހާން ވަނީ އެ ސަރަހައްދު ދޫކޮށް ގޮސްފައި.
ބިއަރު ދަޅުކަމަށް ޝައްކުކުރެވޭ ދަޅުތަށް ފެނުނީ ފުޅިމަދު ފޮށިގަޑަކުން. އެފޮށި ގަނޑުގެ ބޭރުގައި ލިޔެފައިވަނީ "ބިލަތްދޫ އަންހެނުން ގޮފި،". އަދި "އިންސާފުގެ ދަތުރު" މިހެންވެސް ލިޔެފައިވޭ.
ސްޓޭޖް ހަދާފައި ހުރި ސަރަހައްދުން 20ވަރަކަށް "ބިއަރު" ދަޅު އަޅާފައި ހުރި ފޮށިގަޑެއް ފުލުހުން ހޯދައިފި.
އެންމެ ޖަގަހައެއް ފިޔަވައި ހުރިހާ ޖަގަހައެއް ބިމާ ހަމަކޮށްލައިފި. މިހާރު ހުރީ ކޮންޓްރޯލް ރޫމަކާއި އެ ޖަގަހަ އެކަނި.
ފެމިލީ ކޯޓު ކައިރީ އެއްވެފައިވާ މީހުންގެ ތެރެއަށް ފުލުހުން ކަރުނަގޭސް ޖަހައިފި.
ފެމެލީ ކޯޓާ ދިމާލުން ވަންނަން އުޅުނު ބަޔަކު ފޮނުވާލައިފި
ފުލުހުންގެ ފޮރެންސިކް ޓީމްތަކުންވެސް އެ ސަރަހައްދުގައި ހަރަކާތްތެރި އެބަވޭ. އެ ސަރަހައްދުން ބައެއް ތަކެތި ފޮޓޯ ނަގައި ފުލުހުންގެ ބެލުމުގެ ދަށަށް ގެންނަމުން އެބަދޭ.
އެ ސަރަހައްދުގައި ތިބި މީހުން ތަސްކަލޫސާ އާއި ހަމައަށް ވަނީ ފަހަތައް ޖައްސާފައި.
ރާޅުގަނޑު ސަރަހައްދަކީ ސިޓީ ކައުންސިލަށް ދީފައިވާ ތަނެއް ނޫންކަމަށް ހައުސިން މިނިސްޓަރު ޑރ. މުއިއްޒު ރައީސް އޮފީހުގައި މިހާރު ކުރިއަށްދާ ޕްރެސްކޮންފަރެންސްގައި ވިދާޅުވެއްޖެ. އަދި އެތަނުގައި ތިބެނީ ގަވާއިދާ ހިލާފަށް ކަމަށް ވިދާޅުވި. އަދި އެތަނުގައި ނުތިބެ އެތަނުން ދިޔުމަށް މިނިސްޓަރުވެސް ވަނީ އެދިވަޑައިގެންފައި.
އެތަނުގައި ތިބެގެން ކުރިއަށް ގެންދާ އަމަލުތަކުގެ ސަބަބުން އެތައް ބަޔެއްގެ ހައްގުތަށް ގެއްލޭ. އަޅުގަނޑުމެން މި ވަގުތަށްވެސް މި މަޑުކުރީ ކެތްތެރިކަމާ މަޑުމައިތިރިކަމާ އެކު އެކަން ކުރުމަށް
ރާޅުގަނޑު ސަރަހައްދު ދޫކޮށް އެންމެން އެތަނުން ދާން ފުލުހުން އިންޒާރުދޭން ފަށައިފި. ގަރުނަގޭސްވެސް އެ ސަރަހައްދަށް ވަނީ ޖަހާފައި.
ގިނަ އަދަދެއްގެ ފުލުހުން ހިމެނޭ ޓީމެއް ކުރީގެ ރައީސް މުހައްމަދު ނަޝީދު ދިރިއުޅުއްވާ ގ. ކެނެރީގެއާ ދިމާއަށް ދާ ކަމަށް ސަންއޮންލައިނަށް ވަނީ ކަށަވަރުވެފައި. ފުލުހުން މިކަން ދޮގެއް ވެސް ނުރޭ އަދި އެކަމާބެހޭ އެއްވެސް މައުލޫމާތެއް ނުދޭ. މިއަދުގެ މުޒާހަރާއަށް ނުކުންނަވާނެ ކަމަށް ވިދާޅުވި ނަމަވެސް ރައީސް ނަޝީދު މިއަދު މުޒާހަރާތަކުން ފެނިފައެއް ނުވޭ.
މިހާތަނަށް އިއްވާފައި ވަނީ އަށް މީހުންގެ ނަން. އެންމެ ފަހުން އިއްވާފައި ވަނީ ގަސަމް އާއި ރުގިއްޔާ އާއި ތޯރިގުގެ ނަން. މިހާރު މަޖިލިސް މެދުކަނޑާލާފައި ވަނީ ހަތަރުވަނަ ފަހަރަށް. ރައީސް ރިޔާސީ ބަޔާން އަޑުހަރުކޮށް އިއްވެވި އިރު ރައީސްގެ ބޮޑީގާޑު ދޭތެރެ ދޭތެރެއިން ކޮންމެވެސް އެއްޗެއް ރައީސް އަރިހުގައި ވިދާޅުވި. އަދި މަޖިލީހުގެ ރައީސް މަޖިލިސް މެދުކަނޑައިލެއްވުމުން އެނބުރު މާލަމުން ނުކުމެ ވަޑައިގަންނަވަމުން އެމްޑީޕީ މެންބަރުންނަށް ނިސްބަތްކޮށް ހިނިފުޅުވަޑުވައި ހުންނަވައިގެން ރައީސް ވަހީދު ކޮންމެވެސް އެއްޗެއް ވިދާޅުވި، އޭގެ އަޑެއް ނީވޭ.
މުހަންމަދު ރަޝީދު (ކުބޭ) ވެސް ސިފައިން ގަދަކަމުން ނެރެފި. މަޑަވެލީ ދާއިރާ ނާޒިމް ވަނީ ނަންއިއްވުމާ އެކު އަމިއްލައަށް ނިކުމެވަޑައިގެންފައި. އަލީ ވަހީދު ޗެމްބަރުން ބޭރެއް ނުކުރޭ. އަލީ ވަހީދުގެ ނަން އިއްވި ކަމާ މެދު ވަނީ "ޝައްކު" އުފެދިފައި.
ސިފައިން ވަދެ މިލަންދޫ ދާއިރާގެ އަލީ ރިޒާ ޗެމްބަރުން ނެރެފި.
ޕޮލިސް އިންޓެގްރިޓީ ކޮމިޝަންގެ ބަޔާން: ރައްޔިތުންގެ މަޖިލީހުގެ ސަރަހައްދުގައި މިއަދު ކުރަމުންދާ މުޒާހަރާތަކުގައި ފުލުހުންގެ ސެކިއުރިޓީ ލައިން ބަލަހައްޓަން ތިބި ފުލުހުންނަށް އެއްވެ ތިބި ބައެއް މީހުން ގަލާއި އެހެނިހެން ތަކެތި ބޭނުންކޮށްގެން ފުލުހުންނަށް އަނިޔާވާފަދަ ހަމަލާތައް ދެމުންދާތީ މި ކޮމިޝަނުން އެކަން ކުށްވެރި ކުރަން. އެކަންކަން ހުއްޓާލުމަށާއި ފުލުހުންގެ ވާޖިބަށް ހުރަސް ނޭޅުމަށް އިލްތިމާސް ކުރަން. ހަމަ މިއާއެކު މި މުޒާހަރާތައް ކޮންޓްރޯލް ކުރުމުގައި މިހާތަނަށް ފުލުހުން ދައްކާފައިވާ ކެތްތެރިކަން ފާހަގަކޮށް ކުރިޔަށް އޮތްތަނުގައި ވެސް ގާނޫނާއި ގަވައިދުގެ އިމުގެ ތެރޭގައި ތިއްބެވުމަށާއި ހާލަތާ ނުބައްދަލު ބާރު ބޭނުން ނުކުރުމަށް ފުލުހުންނަށް ގޮވާލަން.
މުޒާހަރާތައް ކޮންޓްރޯލް ކުރުމުގައި މިހާތަނަށް ފުލުހުން ދައްކާފައިވާ ކެތްތެރިކަން ފާހަގަކޮށް ކުރިޔަށް އޮތްތަނުގައި ވެސް ގާނޫނާއި ގަވައިދުގެ އިމުގެ ތެރޭގައި ތިއްބެވުމަށާއި ހާލަތާ ނުބައްދަލު ބާރު ބޭނުން ނުކުރުމަށް ފުލުހުންނަށް ގޮވާލަން.
ބައެއް މެންބަރުން ދެންމެ ވިދާޅުވީ މަޖިލިސް ފަށަން ތައްޔާރުވަމުން އަންނަ ކަމަށް. ބައެއް މެންބަރުން ކުޑަދަށުގައި ތިއްބެވިއިރު އަނެއްބައި މެންބަރުން ތިއްބެވީ ޗެމްބަރު ތެރޭގައި.
ބާރަށު މެންބަރު ޝިފާޒް އެމްބިއުލަންސަށް ލައިގެން ހޮސްޕިޓަލަށް ގެންގޮސްފި. ޝިފާޒް މަޖިލިސްތެރެއަށް ވެއްޓި އަނިޔާވީ ރިޔާޒް ނެރެން އުޅުމުގެ ތެރޭގައި ކަމަށް ބެލެވޭ. އަދި ވީގޮތެއް ސާފެއް ނުވޭ.
މަޖިލީހުގެ ބައެއް މެންބަރުން ބުނަނީ ކޮމްޕިއުޓާ ސިސްޓަމާއި މައިކު ސިސްޓަމްތަކަށް އެކި ވަރުގެ ގެއްލުންވެފައިވާ ކަމަށް. އެމްޑީޕީ މެންބަރުން އުޅެނީ ދާންދޫ މެންބަރު ރިޔާޒު ގައިގާ "ބައްދައިގަނެގެން" ކަމަށްވެސް އެ މެންބަރުން ބުނޭ.
މިހާރު ކުރަމުންދާ މުޒާހަރާ ސުލްހަވެރި މުޒާހަރާއެއް ކަމަށް ބެލެވެން ނެތް ކަމަށް ފުލުހުން އިއުލާންކޮށްފި. މުޒާހަރާ ރޫޅާލާނެ ކަމަށް ފުލުހުން ދަނީ ތަކުރާރުކޮށް އިންޒާރުދެމުން.
ފަސްވަރަކަށް ފުލުހަކަށް ވަނީ އަނިޔާވެގެން ހޮސްޕިޓަލަށް ގެންގޮސްފައި. ފުލުހުންނަށް ތޫނު އެއްޗިހިން ހަމަލާދީފައި ހުރިތަން ފެނޭ.
އަލިފާން ރޯވެފައިވާ ސަރަހައްދުން އެއްޗިހިތަކެއް ގޮވާ އަޑުއެބައިވޭ. ބައެއް މީހުން ގެންދަނީ އެ ސަރަހައްދުގައި ހުރި އަލިފާން ހިފާތަކެތި ދުރުކުރަމުން.
ސިފައިންގެ ފައުޗެއް ސޯސަންމަގަށް ނުކުމެއްޖެ. މުޒާހަރާގެ ބައިވެރިން ވަނީ ހޫނުވެފައި.
ނީލަން ފިހާރައިގައި ހިފާފައި ހުރި އަލިފާންގަނޑު އިތުރަށް ފެތުރެމުން ދަނީ. ކޮންޓްރޯލެއް ނުވޭ.
ނީލަން ފިހާރަތަކާ ދިމާލުގައި އަލިފާން ރޯވެ އަދަނީ. ވަރަށް ބޮޑަށް ހުޅުގަނޑުވެސް އެބަފެނޭ.
ސޯސަންމަގު މަޖީދިއްޔާ ހިސާބުގައި އެއްވެފައިވާ މީހުން ފުލުހުންނާއި ދިމާލަށް އެއްޗިހި އުކައި ހަދަން ފަށައިފި. ރައެޓް ފުލުހުންގެ ޝީލްޑްތައް ފޫއަޅުވާލަން މަސައްކަތް ކުރަނީ.
އަލްހާން ޗެމްބަރުން ނެރެފި. އަލްހާން ނެރުނީ 15 ވަރަކަށް ސިފައިން ވަދެ. އެ ގަޑީގައި މެންބަރުންނާއި ސެކިއުރީޓީއާ ދެމެދު ހަމަނުޖެހުން ހިނގި.
ސިފައިން މަޖިލީހުގެ ޗެމްބަރަށް ވަންނަ މަންޒަރު ފެނިއްޖެ.
މަޖިލީސް ނުފެށި ލަސްވެގެން އުޅެނީ މަޖިލީހުގެ އަމީން އާންމުގެ ގޮޑިކޮޅުގައި އެމްޑީޕީ މެންބަރު އިބްރާހިމް ރަޝީދު އިށީންދެ ވަޑައިގެން އިންނެވުމުން. އޭނާ ނެގުމަށް އެމްޑީޕީގެ މެންބަރުންވެސް އަންނަނީ މަސައްކަތް ކުރަމުން.
އެމްޑީޕީ މެންބަރުން ސޯސަން މަގު ރޯޝަނީ ބިލްޑިންގް ކުރިމަތީ އިށީންދެއްޖެ. އެތަނުން އެމީހުން ފޮނުވާލުމަށް ފުލުހުން މަސައްކަތް ކުރަނީ.
ސަރުކާރުގެ މިނިސްޓަރުންނާއި ނައިބުން ދާދި ދެންމެއަކު މަޖިލީހަށް ވަޑައިގެންފި. މިއަދުގެ ޖަލްސާ ފަށަން ޝެޑިއުލް ކޮށްފައި އޮތީ 10:00 ޖަހާއިރު.
އެމްޑީޕީ މެންބަރުން ސޯސަންމަގުން ކުރިއަށް ގޮސް އެއްބަޔަކު މަޖީދިއްޔާ ސްކޫލާ ދިމާލަށް މިސްރާބު ޖަހައިފި. އަނެއް ގްރޫޕުން މަޖީދީ މަގުން ކުރިއަށް ދާން ފަށައިފި.
އެމްޑީޕީގެ ޕާލިމަންޓް ބައެއް މެންބަރު މިވަގުތު ތިއްބެވީ ކުޑަދަށުގައި މަޑުކޮށްލައްވައިގެން.