03 Apr 2022, 16:51
މާރުކޭޓު ސަރަހައްދުގައި ޓްރެފިކް ބާރުބޮޑުވެ، ރޯދަމަހުގެ ކޮންމެ ދުވަހަކު މެންދުރު 13:00 އިން ފެށިގެން 18:00 އަށް އެ ސަރަހައްދަށް ހަތަރު ފުރޮޅުލީ އުޅަނދުތަކަށް ނުވަދެވޭގޮތަށް ބަންދު ކުރަން ނިންމައިފިއެވެ.
ރަމަޟާން މަހާ ގުޅިގެން ކޮންމެ އަހަރަކު ވެސް ޓްރެފިކް ބެލެހެއްޓުމުގެ އުސޫލުތަކަށް ބޮޑެތި ބަދަލުތަކެއް ގެނެއެވެ. އެގޮތުން މާރުކޭޓު ސަރަހައްދާއި މިސްކިތްތައް އަދި މަގުމަތީގެ ޓްރެފިކް ބެލެހެއްޓުމަށް ރަމަޟާން މަހު ޚާއްސަ އޮޕަރޭޝަންތައް ފުލުހުން ކުރިއަށް ގެންދެއެވެ.
ރަމަޟާން މަހަކީ މާލޭގައި ޓްރެފިކް ބާރު ބޮޑު، އެކްސިޑެންޓްތައް ގިނަ މަހެކެވެ. މާރުކޭޓު ސަރަހައްދަކީ ޓްރެފިކް ބާރުބޮޑު ސަރަހައްދުތަކުގެ ތެރޭގައި ވެސް ފާހަގަކޮށްލެވޭ ސަރަހައްދެކެވެ.