12 Feb 2022, 15:23
ޗެއަރޕާސަން ކަމުގެ މަގާމާއި އަދި އިތުރު ދެ ދާއިއަކަށް ކުރިމަތި ލުމުގެ ފުރުސަތު މޯލްޑިވިއަން ޑިމޮކްރެޓިކް ޕާޓީ (އެމްޑީޕީ)އިން މިއަދު ހުޅުވައިލައިފިއެވެ.
އެމްޑީޕީން ކުރިމަތި ލުމަށް ފުރުސަތު ހުޅުވައިލި އިތުރު ދެ ދާއިރާގެ ތެރޭގައި ހިމެނެނީ އަންހެނުންގެ ރޫހުގެ އިންތިހާބާއި ޔޫތު ވިންގުގެ އިންތިހާބެވެ.
އެމްޑީޕީން ބުނީ އެ ތިން މަގާމުގެ އިންތިހާބު ބާއްވާނީ އަންނަ އޭޕްރީލް މަހުގެ 16ވާ ހޮނިހިރު ދުވަހުގައި ކަމަށެވެ.
އިތުރަށް އެމްޑީޕީން ބުނީ ޗެއާޕާސަންގެ މަގާމާއި އަންހެނުންގެ ރޫހު، ޒުވާނުންގެ ހިއްވަރުގެ ރައީސް އަދި ނައިބް ރައީސް ކަމުގެ މަގާމަށް ވާދަކުރަން ބޭނުންވާ، އެ ޕާޓީގެ މެންބަރުން ޕާޓީގެ އިންތިހާބު ތަކުގައި ކުރިމަތިލުމަށް އެދޭފޯމް ފުރިހަމަކޮށް ފޯމާއެކު ހުށައަޅަންޖެހޭ އެންމެހާ ލިޔެކިޔުންތަކާއެކު ޕާޓީގެ އިންތިހާބާއި ބެހޭ ކޮމިޓީގެ އީމެއިލް،[email protected]އަށް ފޯމު ހުށަހަޅަން ޖެހޭނެ ކަމަށެވެ.
ފޯމު ހުށަހަޅަން ޖެހެނީ މިމަހުގެ 19ވާ ހޮނިހިރު ދުވަހުގެ ހަވީރު 4:00ގެ ކުރިންނެވެ.
އެމްޑީޕީގެ ޗެއާޕާސަންގެ މަގާމުގައި ހުންނެވި ރައްޔިތުންގެ މަޖިލީހުގެ ހެންވޭރު ހުޅަނގު ދާއިރާގެ މެންބަރު ހަސަން ލަތީފްގެ ދައުރު މިހާރު ވަނީ ހަމަވެފައެވެ.
އޭނާ އެ މަގާމަށް އިންހާބު ކުރީ 2017 ވަނަ އަހަރުގެ ފެބްރުއަރީ މަހުގެ 10 ވަނަ ދުވަހުއެވެ.
އެމްޑީޕީގެ އަސާސީ ގަވާއިދުގައި ބުނަނީ އިންތިޚާބު ބޭއްވުމުގެ 60 ދުވަސް ކުރިން އެ އިންތިޚާބަކަށް ވާދަކުރުމުގެ ފުރުސަތު ހުޅުވާލައި، ކެމްޕެއިން ކުރުމުގެ ފުރުސަތު ދޭންވާނެ ކަމަށެވެ.