11 Feb 2022, 09:25
އިނގިރޭސި ވަލީއަހުދު އަމީރު ޗާލްސް އަނެއްކާވެސް ކޮވިޑް-19 އަށް ޕޮޒިޓިވްވެއްޖެއެވެ.
މިކަން އިނގިރޭސިވިލާތުގެ ޝާހީ ގަނޑުވަރުން ވަނީ ކަށަވަރުކޮށްދީފައެވެ.
އެ ގަނޑުވަރުން ހާމަކުރި ގޮތުގައި އުމުރުފުޅުން 73 އަހަރުގެ ޕްރިންސް ޗާލްސް މިވަގުތު ހުންނެވީ އައިސޮލޭޝަންގައެވެ.
މިއީ ޕްރިންސް ޗާލްސް ކޮވިޑް-19 އަށް ޕޮޒިޓިވްވި ދެވަނަ ފަހަރެވެ.
ދެހާސް ވިހި ވަނަ އަހަރުގެ މާރިޗު މަހުގައި ވެސް ޕްރިންސް ޗާލްސް ވަނީ ކޮވިޑަށް ޕޮޒިޓިވްވެފައެވެ.
އިނގިރޭސިވިލާތުގައި އޮމިކްރޯން ވޭރިއަންޓު ފެތުރުމާއެކު ކޮވިޑް-19 ގެ ކޭސްތައް ވަނީ އިތުރުވާން ފަށާފައެވެ. ނަމަވެސް އެ ގައުމުގެ ސަރުކާރުން ދަނީ ކޮވިޑް-19 އާ ދެކޮޅަށް އަޅާފައިވާ ފިޔަވަޅުތައް އުވާލުމުގެ މަސައްކަތް ކުރަމުންނެވެ.