05 Feb 2022, 16:49
ކޮވިޑް-19 ޖެހިގެން އިތުރު މީހަކު މަރުވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ބުނީ ހުޅުމާލެ މެޑިކަލް ފެސިލިޓީގައި ކޮވިޑަށް ފަރުވާ ދެމުން ދިޔަ މީހަކު މިއަދު މެންދުރު 3:35 ގައި މަރުވެފައިވާކަމަށެވެ.
އެޗްޕީއޭއިން ބުނީ އެއީ 80 އަހަރުގެ ދިވެހި އަންހެނެއް ކަމަށެވެ.
މިހާރު ރާއްޖެއިން ކޮވިޑް ޖެހިގެން މަރުވި މީހުންގެ އަދަދު ވަނީ 281އަށް އަރައިފައެވެ.
Today (05/02/22) at 03:35 pm a 80-year-old Maldivian female admitted at HMF has passed away
This is the 281st COVID-19 death in the Maldives
Our thoughts and prayers are with the bereaved family. May Allah grant her soul eternal peace in heaven— Health Protection Agency (@HPA_MV)February 5, 2022
ކޮވިޑް-19ގެ އޮމިކްރޯން ވޭރިއެންޓު ފެތުރި، ރާއްޖެއިން ކޮންމެ ދުވަހަކު ބަލި ޖެހޭ މީހުންގެ އަދަދު މިދިޔަ މަހުގެ ތެރޭގައި ވަނީ ވަރަށް ބޮޑަށް އިތުރުވެފައެވެ.
އިއްޔެ އެކަނިވެސް ރާއްޖެއިން 1،955 މީހަކު ޕޮޒިޓިވްވި އިރު އޭގެ ތެރޭގައި މާލެ ސަރަހައްދުން ޕޮޒިޓިވްވި 599 މީހަކު ހިމެނެއެވެ.
ރާއްޖޭގައި މިހާރު ކޮވިޑް ޖެހިފައި ތިބި މީހުންގެ އަދަދަކީ 17،735އެވެ. އޭގެ ތެރެއިން 56 މީހަކު ވަނީ ހޮސްޕިޓަލުގައި އެޑްމިޓުކޮށްފައެވެ.