03 Feb 2022, 17:35
ކޮވިޑް-19 ޖެހިގެން މި މަހު ތިންވަނަ މީހަކު މަރުވެއްޖެއެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ބުނީ ހުޅުމާލެ މެޑިކަލް ފެސިލިޓީގައި ކޮވިޑަށް ފަރުވާ ދެމުން ދިޔަ މީހަކު މިއަދު މެންދުރު 2:05 ގައި މަރުވެފައިވާކަމަށެވެ.
އެޗްޕީއޭއިން ބުނީ އެއީ 72 އަހަރުގެ ދިވެހި އަންހެނެއް ކަމަށެވެ.
މި ބަލީގައި އިއްޔެ ވަނީ 83 އަހަރުގެ ފިރިހެނަކު މެރުވެފައެވެ. އޭނާ މަރުވީ ޅ. އަތޮޅު ހޮސްޕިޓަލުގައި ފަރުވާދެމުން ދަނިކޮށެވެ. މިދިޔަ އަންގާރަ ދުވަހު ހުޅުމާލޭ މެޑިކަލް ފެސިލިޓީގައި ފަރުވާދެމުން ދިޔަ ސްރީލަންކާގެ އުމުރުން 73 އަހަރުގެ ފިރިހެނަކު ވެސް ވަނީ މަރުވެފައެވެ.
މިހާރު ރާއްޖެއިން ކޮވިޑް ޖެހިގެން މަރުވި މީހުންގެ އަދަދު ވަނީ 280އަށް އަރައިފައެވެ.
Today (03/02/22) at 02: 05 pm a 72-year-old Maldivian female admitted at HMF has passed away
This is the 280th COVID-19 death in the Maldives
Our thoughts and prayers are with the bereaved family. May Allah grant her soul eternal peace in heaven— Health Protection Agency (@HPA_MV)February 3, 2022
ކޮވިޑް-19ގެ އޮމިކްރޯން ވޭރިއެންޓު ފެތުރި، ރާއްޖެއިން ކޮންމެ ދުވަހަކު ބަލި ޖެހޭ މީހުންގެ އަދަދު މިދިޔަ މަހުގެ ތެރޭގައި ވަނީ ވަރަށް ބޮޑަށް އިތުރުވެފައެވެ.
އިއްޔެ އެކަނިވެސް ރާއްޖެއިން 2،142 މީހަކު ޕޮޒިޓިވްވި އިރު އޭގެ ތެރޭގައި މާލެ ސަރަހައްދުން ޕޮޒިޓިވްވި 771 މީހަކު ހިމެނެއެވެ.
ރާއްޖޭގައި މިހާރު ކޮވިޑް ޖެހިފައި ތިބި މީހުންގެ އަދަދަކީ 17،721އެވެ. އޭގެ ތެރެއިން 62 މީހަކު ވަނީ ހޮސްޕިޓަލުގައި އެޑްމިޓުކޮށްފައެވެ.