10 Dec 2021, 22:05
މިއަދު އިރުއޮއްސި ހަޔަކާ ހަމައަށް ހިނގި 24 ގަޑިއިރުގެ ތެރޭގައި ނެގި 4,366 ސާމްޕަލުން 90 މީހުން ކޮވިޑް19އަށް ޕޮޒިޓިވްވެއްޖެއެވެ.
އެޗްޕީއޭއިން ބުނީ ޕޮޒިޓިވްވި މީހުންގެ ތެރޭގައި މިއަދު ވެސް ގިނައީ އަތޮޅުތަކުން ޕޮޒިޓިވްވި މީހުން ކަމަށެވެ. މިއަދު ޕޮޒިޓިވްވި މީހުންގެ ތެރޭގައި ހިމެނެނީ:
މާލެ ސަރަހައްދުން 20
- އަތޮޅުތަކުން 63
- ހިންގަމުންދާ ރިސޯޓުތަކުން ނުވަ މީހުން
މިއަދުގެ ކޭސްތަކާއެކު ރާއްޖެއިން މިހާތަނަށް ކޮވިޑް ޖެހުނު މީހުންގެ ޖުމުލަ އަދަދު 92،846 ކަށް ވަނީ އަރާފައެވެ.
މިވަގުތު އެ ބައްޔަށް ފަރުވާ ކުރަމުންދާ 1،801 މީހުންގެ ތެރެއިން 16 މީހަކަށް ފަރުވާ ދެމުންދަނީ ހޮސްޕިޓަލްތަކުގައި އެޑްމިޓް ކޮށްގެންނެވެ.
އަދި ބަލިން ރަނގަޅުވި މީހުންގެ ޖުމުލަ އަދަދަކީ 90،776 އެވެ.
ކޮވިޑް-19 ބަލީގައި އިތުރު މީހެެއް މިއަދުވަނީ މަރުވެފައިވާއިރު ރާއްޖެއިން މިހާތަނަށް 256 މީހުން ވަނީ މަރުވެފައެވެ.