09 Nov 2021, 19:34
މާލޭގައި ދިވެހި ފިރިހެނަކަށް ބިރުދައްކައި ބަރަހަނާކޮށް، ވީޑިއޯކޮށް، ފައިސާ ހޯދަން އުޅުނުކަމުގެ ތުހުމަތުގައި ތިން މީހަކު ހައްޔަރު ކޮށްފިއެވެ.
ފުލުހުން ބުނީ އެ މައްސަލަ ރޭ 03:49ހާއިރު ފުލުހުންނަށް ހުށަހަޅައިފައިވާ ކަމަށެވެ.
އެ މައްސަލައާ ގުޅިގެން ފުލުހުން މިހާތަނަށް ހައްޔަރުކޮށްފައިވަނީ 24 އަހަރުގެ މީހަކާއި، 27 އަހަރުގެ މީހަކާއި 31 އަހަރުގެ މީހެކެވެ. އަދި ހައްޔަރުކޮށްފައިވާ އެންމެންނަކީ ވެސް ދިވެހި ފިރިހެނުން ކަމުގައި ފުލުހުން ބުނެއެވެ.
މި މައްސަލައާ ގުޅިގެން ފުލުހުން އިތުރު ތަފްސީލެއް ދީފައެއް ނުވެއެވެެ. ނަމަވެސް އިތުރަށް މި މައްސަލަ ތަހުގީގު ކުރަމުން އަންނަ ކަމުގައި ފުލުހުން ބުނެއެވެ.