07 Nov 2021, 00:21
ޕިކްނިކް އައިލެންޑެއްގެ ގޮތުގައި ކ. ކުޑަގިރި ތަރައްގީކުރުމުގެ ގޮތުން އެ ފަޅު ހިއްކުމުގެ މަސައްކަތް ފެށުމަށް ތައްޔާރުވެއްޖެއެވެ.
މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ)ގެ ސީއީއޯ އާދަމް އާޒިމް ވިދާޅުވީ, މާލެ ސަރަހައްދުގައި ދިރިއުޅޭ ރައްޔިތުން ޕިކްނިކް ދިއުމަށް ރަށް ހިއްކުމުގެ މަސައްކަތް ފެށުމަށް ތައްޔާރުވެފައިވާ ކަމަށެވެ.
@MTCCPlcin miadhuvanee Male’ sarahahdhuga dhiriulhey raiyyithun Picnic dhiumah hihkkumah kada alhaafavaa Rah hihkumah mobilize kohffa. Allah ge heyo rahumathun Raees@ibusolihge mi vaudhu April 2022 ge kurin fuhdhaadhinumah ves MTCC in masaiykaiy kuramun dhaane.pic.twitter.com/SNPTQ76nlK
— Adam Azim (@adamazim)November 6, 2021
ރައީސް އިބްރާހިމް މުހައްމަދު ސޯލިހުގެ އެ ވައުދު, އަންނަ އަހަރުގެ އޭޕްރީލްގެ ކުރިން ފުއްދުމަށް އެމްޓީސީސީން މަސައްކަތް ކުރަމުންދާނެ ކަމަށް ވެސް އާޒިމް ވިދާޅުވިއެވެ.
މީގެ ކުރިން މާލެ ސަރަހައްދުގައި ދިރިއުޅޭ ރައްޔިތުން ދަތުރު ދިއުމަށް ބޭނުންކުރީ ކުޑަބަނޑޮހެވެ. ނަމަވެސް އެ ރަށް ރިސޯޓެއްގެ ގޮތުގައި ތަރައްގީކުރަން ވަނީ ނިންމާފައެވެ. ކުޑަބަނޑޮހަށްވުރެ ކުޑަގިރި ބޮޑު ވާނެ ކަމަށް ސަރުކާރުން ވަނީ ބުނެފައެވެ.
ކުޑަގިރި މަޝްރޫއަށް 41 މިލިއަން ރުފިޔާ ހަރަދު ވާނެއެވެ.