31 Oct 2021, 22:21
ފާއިތުވެދިޔަ 24 ގަޑިއިރުގެ ތެރޭގައި ރާއްޖެއިން ނެގި 3،214 ސާމްޕަލްގެ ތެރެއިން 146 މީހަކު ކޮވިޑް-19އަށް ޕޮޒިޓިވް ވެއްޖެއެވެ.
ދެ ދުވަހުގެ މެދުކެނޑުމަކަށްފަހު މިރޭ އެޗްޕީއޭއިން އާންމުކޮށްފައިވާ ތަފާސް ހިސާބު ދައްކާގޮތުން ވޭތުވެދިޔަ 24 ގަޑިއިރު ތެރޭގައި ޕޮޒިޓިވްވެފައިވަނީ، އަތޮޅުތެރެއިން 102 މީހަކާއި މާލެއިން 33 މީހުންނެވެ.
މީގެ އިތުރުން، ރިސޯޓުތަކުން 11 މީހަކު ޕޮޒިޓިވްވެފައިވެއެވެ.
ކޮވިޑްގެ އެކްޓިވް ކޭސްތަކުގެ އަދަދަކީ މިހާރު 1،792 ކެވެ.
މި ބަލީގައި 30 މީހަކަށް މިހާރު ހޮސްޕިޓަލުތަކުގައި ފަރުވާދެމުން އެބަދެއެވެ. އަދި ބަލި ޖެހުނު މީހުންގެ އަދަދު 87،784 އަށް އަރައިފައިވާއިރު އޭގެ ތެރެއިން 85,736 މީހަކު ވަނީ ބަލިން ރަނގަޅުވެފައެވެ.
މިހާތަނަށް މި ބަލީގައި ރާއްޖެއިން ނިޔާވެފައިވަނީ ޖުމްލަ 243 މީހުންނެވެ.