Last Updated: 4 year 2 month ago
އުރީދޫ ސާފް ޗެމްޕިއަންޝިޕުގައި މިއަދު ހަވީރު ބައްދަލުކުރާ ދެ ޓީމަކީ މި ސަރަހައްދުގެ އެންމެ އާބާދީ ބޮޑު ދެ ގައުމު ކަމަށްވާ އިންޑިއާ އާއި ބަންގްލަދޭޝް އެވެ.
ފުޓުބޯޅައަށް ބަލާއިރު އިންޑިއާއަކީ މި ސަރަހައްދުގެ އެއްވަނައެވެ. އަދި ސާފް ޗެމްޕިއަންޝިޕުގެ ތާރީހުގައި އެންމެ ގިނައިން މި މުބާރާތް ކާމިޔާބުކޮށްފައިވާ ގައުމެވެ. އެ ޓީމުން ވަނީ މުބާރާތުގެ ޗެމްޕިއަންކަން ހަތް ފަހަރު ހޯދައިފަ އެވެ.
އިންޑިއާ އަދި ބަންގްލަދޭޝް ވަނީ މިހާތަނަށް 30 ފަހަރު ބައްދަލުކޮށްފައެވެ. މީގެތެރެއިން އިންޑިއާ މޮޅުވެފައިވަނީ 16 ފަަހަރެވެ އަދި ބަންގްލަދޭޝް މޮޅުވެފައިވަނީ ދެ ފަހަރެވެ. ދެ ޓީމު އެއްވަރުވީ 12 ފަހަރެވެ. ސާފް ޗެމްޕިއަންޝިޕުގައި މި ދެ ޓީމު މިހާތަނަށް ވަނީ ނުވަ ފަހަރު ބައްދަލުކޮށްފަައެވެ. މީގެން އެއްވެސް ފަހަރު އިންޑިއާގެ މައްޗަށް ބަންގްލަދޭޝް އަށް ކުރިއެއް ނުހޯދެއެވެ.
އިންޑިއާގެ ކޯޗަކީ ސާފް ޗެމްޕިއަންޝިޕްގައި ފެންނާނެ އެންމެ ތަޖުރިބާކާރު ކޯޗު އީގޯ ސްޓިމަކްއެވެ. ކޯޗެއްގެ ގޮތުގައި ސްޓިމަކްގެ އެންމެ ބޮޑު ކާމިޔާބަކީ 2014 ގެ ވޯލްޑް ކަޕަށް އޭނާގެ އަމިއްލަ ގައުމު ކްރޮއޭޝިއާ ކޮލިފައިކޮށް ދިނުމެވެ. އެކަމަކު އެ މުބާރާތުގައި ގައުމީ ޓީމަށް ކޯޗު ކޮށްދޭނެ ފުރުސަތެއް ކްރޮއޭޝިއާގެ އެފްއޭ އަކުން އޭނާ އަށް ނުުދެއެވެ.
އުރީދޫ ސާފް ޗެމްޕިއަންޝިޕް އިންޑިއާ ކުޅޭ މެޗު ޝެޑިއުލް
- އޮކްޓޯބަރު 4 (ހަވީރު): ބަންގަލަދޭޝް - އިންޑިއާ
- އޮކްޓޯބަރު 7 (ހަވީރު): އިންޑިއާ - ސްރީ ލަންކާ
- އޮކްޓޯބަރު 10 (ރޭގަނޑު): ނޭޕާލް - އިންޑިއާ
- އޮކްޓޯބަރު 13 (ރޭގަނޑު): އިންޑިއާ - ދިވެހި ރާއްޖެ
ބަންގްލަދޭޝްގެ ވަގުތީ ކޮޗު އޮސްކާ އަކީ ސާފްގައި ފެންނާނެ ކޯޗުންގެ ތެރެއިން ދެކުނު އޭޝިއާގެ ފުޓްބޯޅައިގައި އެންމެ ތަޖުރިބާ ބޮޑު ކޯޗެވެ. ސަރަހައްދުގެ ދެ ގައުމުގެ ޑޮމެސްޓިކް ލީގު ޗެމްޕިއަނެވެ. އޮސްކާއާ ގައުމީ ޓީމު ހަވާލު ކުރީ ކުރިއަށް އޮތް ދެ މަހަށެވެ.
އުރީދޫ ސާފް ޗެމްޕިއަންޝިޕްގައި ބަންގްލަދޭޝް ކުޅޭ މެޗުތައް
- އޮކްޓޯބަރު 1 (ހަވީރު): ސްރީ ލަންކާ - ބަންގަލަދޭޝް
- އޮކްޓޯބަރު 4 (ހަވީރު): ބަންގަލަދޭޝް - އިންޑިއާ
- އޮކްޓޯބަރު 7 (ރޭގަނޑު): ދިވެހިރާއްޖެ - ބަންގަލަދޭޝް
- އޮކްޓޯބަރު 13 (ހަވީރު): ބަންގްލަދޭޝް - ނޭޕާލް
އިންޑިއާގެ ފުރަތަމަ އެގާރަ
ބަންގްލަދޭޝްގެ ފުރަތަމަ އެގާރަ
މިއަދުގެ މެޗުގެ ފުރަތަމަ އެގާރަ