މެޗު ނިމުނީ. ސްރީ ލަންކާ 0 - 1 ބަންގްލަދޭޝް

'90:00 + 2 - ލަންކާގެ ކީޕަރު ސުޖަން ޕެރޭރާ އޭރިއާ ބޭރުން ބޯޅައިގައި އަތްލީ ކަމަށް ބުނެ އޭނާއަށް ރީންދޫ ކާޑު.

'86:00 - ބަންގްލަދޭޝްއިން ނުރައްކާތެރި ގިނަ ހަމަލާތަކެއް އުފައްދައިފި.

'80:00 - ސްރީ ލަންކާ 0 - 1 ބަންގްލަދޭޝް

ބަންގްލަދޭޝްއިން ބަދަލެއް. އެމްޑީ ސުމަން ރިޒާގެ ބަދަލުގައި ކުޅެން ނުކުތީ އެމްޑީ މަޓިން މިއާ

'73:00 - ސްރީ ލަންކާއަށް ހިލޭ ޖެހުމަށް. ބަންގްލަދޭޝްގެ ޑިފެންޑަރަކު އަތުން ޖެއްސުމުން ރެފްރީ ދިން ހިލޭ ޖެހުން ލިބިފައިވަނީ ބަންގްލަދޭޝްގެ އޭރިއާ ބޭރުން.

'70:00 - ބަންގްލަދޭޝްއަށް ކޯނަރެއް. ބަންގްލަދޭޝްގެ ސަޕޯޓަރުންގެ އަޑު ވަރަށް ގަދަ.

'67:00 - ސްރީ ލަންކާގެ ޑިފެންޑަރު ޗަމޯދް ދިލްޝަންއަށް ރީންދޫ ކާޑު. ދެ ޓީމުގެ ފަރާތުން ވެސް ވަރަށް ވާދަވެރި ކުޅުމެއް ދަނީ ފެންނަމުން.

'62 :00 - މެޗު ކުޅެމުން ދަނީ ބޯ ވިއްސާރައިގައި. ލަންކާ ޓީމުން އެއް ކުޅުންތެރިއަކު މަދުކޮށް ކުޅެމުން އަންނަ އިރު ބަންގްލަދޭޝް ޓީމުން ހަމަލާތައް އިތުރު ކުރުމަށް ދަނީ މަސައްކަތް ކުރަމުން.

'59:00 - ލަންކާގެ ޑިފެންޑަރު ޑަކްސަން ރެފްރީ ގާތު މާބޮޑަށް ޝަކުވާ ކުރުމުން ދެވަނަ ރީންދޫ ކާޑެއް ދައްކައި ދަނޑުން ފޮނުވާލައިފި.

'55:12 - ބަންގްލަދޭޝް ގޯލު. ޓޮޕޫ ބާރު ސްޕީޑުގައި ފޮނުވާލި ޕެނަލްޓީ އަމާޒުކޮށްލައިގެން ބަންގްލަދޭޝް މި ލީޑު ނެގީ. މިހާރުގެ ސްކޯ އަކީ ސްރީ ލަންކާ 0-1 ބަންގްލަދޭޝް.

'54:00 ބަންގްލަދޭޝްއަށް ޕެނަލްޓީ. މިއީ ސްރީ ލަންކާގެ ޑިފެންޑަރުގެ އަތުގައި ޖެހުން ކަމަށް ބުނެ ރެފްރީ ދިން ޕެނަލްޓީއެއް.

ދެ ޓީމުގެ ފަރާތުން ވެސް ވަރުބަލިކަން ވަރަށް ބޮޑަށް ފެނިގެން އެބަދޭ.

'49:00 - ލަންކާގެ ފޯވާޑް އިޝާން ދުރުން ފޮނުވާލި ބާރު ހަމަލާ ދިޔައީ ދަނޑި ކައިރިން ބޭރަށް

'45:00 - ދެވަނަ ހާފުގެ ކުޅުން ފަށައިފި. ބަންގްލަދޭޝްއަށް ލިބުނު ކޯނަރު ދިޔައީ ބޭނުން ނުކުރެވި.

ދެވަނަ ހާފު ފެށުމުގެ ކުރިން ބަދަލެއް. ބަންގްލަދޭޝްގެ ފޯވާޑް ޖުވެލް ރަނާގެ ބަދަލުގައި ކުޅެން ނުކުތީ އެމްޑީ ސާދު ދީން.

ދެވަނަ ހާފުގެ ކުޅުން ފަށަން ތައްޔާރުވަނީ

'45:00 + 3 - ފުރަތަމަ ހާފުގެ ކުޅުން ނިމުނީ. ސްރީ ލަންކާ - 0 0 ބަންގްލަދޭޝް

'45:00 - ބަންގްލަދޭޝްގެ ޓޮޕޫ ބޮލުން ފޮނުވާލި ނުރައްކާތެރި ހަމަލާއެއް ލަންކާގެ ކީޕަރު ސުޖަން ޕެރޭރާ ދިފާއުކޮށްފި. މިއީ މުޅި މެޗުގައި މިހާތަނަށް އުފެއްދި އެންމެ ނުރައްކާތެރި ހަމަލާ.

'40:00 - ބަންގްލަދޭޝްގެ ފޯވާޑް ޖެވެލް ރަނާއަށް އަނިޔާ ވެގެން ފަރުވާ ދެނީ

'38:00 - ބަންގްލަދޭޝްއަށް ގޯލު ޖަހާނެ ރަނގަޅު ފުރުސަތެއް. އެހެން ނަމަވެސް ގޯލެއް ޖެހޭގޮތެއް ނުވި.

'32:00 - ލަންކާގެ ފޯވާޑް ވަސީމް ދެކުޅުންތެރިއެއް ކައިރިން ނައްޓާލާފައި ނަގައިދެން މަސައްކަތް ކުރި ނަމަވެސް ބަންގްލަދޭޝް ކުޅުންތެރިއެއްގެ ގައިގައި ޖެހި ބްލޮކް ވެއްޖެ.

މިއަދުގެ މެޗު ބަލަން ގިނަ އަދަދެއްގެ ބަންގްލަދޭޝް ސަޕޯޓަރުން ދަނޑަށް ވަދެ އެބަތިބި.

'27:00 - ސްރީ ލަންކާ 0 - 0 ބަންގްލަދޭޝް

ބަންގްލަދޭޝް އަކީ މި މުބާރާތުގައި ވާދަކުރާ ޓީމުތަކުގެ ތެރެއިން އެންމެ ފޯމުގައި އޮތް އެއް ޓީމް. އެ ގައުމުގެ ލީގު ޗެމްޕިއަން ބަޝުންދުރަ ކިންގްސްގެ ގިނަ ކުޅުންތެރިންތަކެއް ހިމެނޭ މި ސްކޮޑު ވަނީ ލީގު ޗެމްޕިއަންކަން ހޯދާ ރާއްޖޭގައި ބޭއްވި އޭއެފްސީ ކަޕުގައި ފާހަގަކޮށްލެވޭ މޮޅު ކުޅުމެއް ދައްކާފައި.

'19:45 - ވަސީމް ނަގައިދިން ހުރަހުގެ ބޭނުން ހިފައި، ފެނާންޑޯ ފޮނުވާލި ބޯޅަ ދިޔައީ ހުރަސް ދަނޑި މަތިން ބޭރަށް

'18:30 - ލަންކާއަށް ޖެހުމެއް. ބަންގްލަދޭޝްގެ ހާފު މެދަކާ ހަމައިން ލިބުނު ޖެހުން ފޮނުވާލަން ގޮސް ހުރީ ވަސީމް.

މެޗުގެ ފުރަތަމަ 15 މިނަޓު ކުޅެވުނު އިރު، ބަންގްލަދޭޝްގެ ޓީމުން ވަނީ މެޗު ޑޮމިނޭޓްކޮށް ހަމަލާތަކެއް އުފައްދަން މަސައްކަތް ކޮށްފައި.

'15:00 - ބަންގްލަދޭޝްގެ ޑިފެންޑަރު ޔަސީން ކުރި ފައުލަކާ ގުޅިގެން އޭނާއަށް ރީންދޫ ކާޑު.

ލަންކާ ޓީމުން އެންމެ ފާހަގަ ކޮށްލެވޭ ކުޅުންތެރިއަކީ ކުރިން ރާއްޖޭގެ ކްލަބު އީގަލްސް އަށް ކުޅުނު ލަންކާގެ ކެޕްޓަން އަދި ގޯލް ކީޕަރު ސުޖަން ޕެރޭރާ

މި ދެ ޓީމު ވަނީ މިހާތަނަށް 16 ފަހަރެއްގެ މަތިން ބައްދަލުކޮށްފައި. މީގެތެރެއިން ބަންގްލަދޭޝް ވަނީ 10 ފަހަރެއްގެ މަތިން މޮޅުވެފައި. އަދި ސްރީލަންކާ ވަނީ 4 ފަހަރެއްގެ މަތިން މޮޅުވެފައި. މި ދެ ޓީމު ކުޅުނު މެޗުތަކުގެ ތެރެއިން އެއްވަރުވެފައިވަނީ 2 މެޗުން.

މެޗުގެ 10 ވަނަ މިނަޓު ކުޅެވިގެން ދިޔައިރު، މިހާތަނަށް ހަމަލާއެއް އުފައްދަން މަސައްކަތް ކޮށްފައިވަނީ ބަންގްލަދޭޝްއިން.

'7:50 - ބަންގްލަދޭޝްއަށް ނުރައްކާތެރި ހިސާބުން އެއްލުމަށް. އެހެން ނަމަވެސް ލަންކާގެ ސުޖާން ޕެރޭރާ ދިފާއުކޮށްފި.

6: 00' ލަންކާގެ ޑިފެންޑަރު، ޑަކްސަން ކުރި ފައުލަކާ ގުޅިގެން ބަންގްލަދޭޝްއަށް ޖެހުމަށް. ފައުލާ ގުޅިގެން ޑަކްސަންއަށް ވަނީ ރީންދޫ ކާޑެއް ދައްކައިފަ.

މި ދެ ޓީމު އެންމެފަހުން ބައްދަލުކޮށްފައިވަނީ 2018 ވަނަ އަހަރު ބައިނަލްއަޤްވާމީ އެކުވެރިކަމުގެ މެޗެއްގަައެވެ. މި މެޗު ސްރީލަންކާ ކާމިޔާބުކޮށްފައިވަނީ 1-0 ގެ ނަތީޖާއަކުން.

ބަންގްލަދޭޝް އާއި ސްރީލަންކާ އެންމެ ފުރަތަމަ ބައިނަލްއަޤްވާމީ މެޗެއް ކުޅެފައިވަނީ 1979 ގެ ޕްރެޒިޑެންޓްސް ކަޕުގައެވެ. މި މެޗު ބަންގްލަދޭޝް ކާމިިޔާބުކުރީ 3-1 އިން.

ސްރީލަންކާއިން މެޗުގައި ބޭނުން ކުރަނީ އެމީހުންގެ ނޫ ކުލައިގެ ޖާޒީ. ބަންގްލަދޭޝް ލައިފައި ވަނީ ރަތް ކުލައިގެ ޖާޒީ.

4 : 00' - މެޗުގެ ކުޅުން ފެށިއްޖެ.

ބަންގްލަދޭޝްގެ ފުރަތަމަ އެގާރަ:

1. އަނިސުރް ރަހްމާން - 13

2. ޖަމާލް ބުޔާން - 6

3. ޔާސިން އަރަފާތު - 2

4. ޓޮޕޫ ބަރްމާން - 4

5. އެމްޑީ ސުމާން ރިޒާން - 7

6. ބިޕްލޯ އަހަމެދް - 8

7. ބިޝްވަނަތު ގޯޝް -12

8. ތާރިގް ރައިހާން - 14

9. އެމްޑީ ޖެވެލް ރަނާ - 15

10. މުހައްމަދު އިބްރާޙިމް - 16

11. ރަކީބް ހޮސެން - 21

މެޗުގެ ކުރިން ބޭއްވި ނޫސްވެރިންްގެ ބައްދަލުވުމުގައި ސްރީ ލަންކާގެ ގައުމީ ޓީމުގެ ކޯޗު އާމިރް އަލަގިޗް ބުނީ ދެކުނު އޭޝިއާގެ ގައުމުތަކުގައި ފުޓްބޯޅައިގެ ތަރުތީބެއް ނެތް ކަމަށާއި ނިއު ރޭޑިއަންޓްގައި ކުރު މުއްދަތެއްގައި މަސައްކަތް ކުރުމަށް ފަހު ރާއްޖެ ދޫކޮށްލީ ވެސް އެހެންވެ ކަމަށް.

ސްރީލަންކާގެ ފުރަތަމަ އެގާރަ

1. ސުޖަން ޕެރޭރާ (ކީޕަރު) - 1

2. ނިކޮލަސް ހާޝާ ފެނާންޑޯ - 3

3. ޑަކްސަން ޕުސްލަސް ޔޮގެންދުރަން - 4

4. ޗަމޯދް ދިލްޝަން - 5

5. ޗަރިތާ ބަންދަރާ - 6

6. ކަވިންދު އިޝާން - 7

7. އަސިކުރް ރަހްމާން - 8

8. ޗަލަނާ ޗަމީރާ - 12

9. އަހުމަދު ވަސީމް ރަޒީކް - 13

10. މާވިން ހަމިލްޓޮން - 15

17. ޖޫޑް ސުޕަން - 17

ލަންކާ - ބަންގްލަދޭޝް ބައްދަލު ކުރާ މެޗަށް ޓީމުތައް ތައްޔާރު

އުރީދޫ ސާފް ޗެމްޕިއަންޝިޕުގެ ފުރަތަމަ މެޗުގައި ސްރީ ލަންކާއާއި ބަންގްލަދޭޝް ބައްދަލުކުރާ މެޗަށް މަރުހަބާ.