12 Sep 2021, 08:55
ޓިކްޓޮކްގައި ބަރަހަނާ ވެގެން އުޅުނު މީހެއް ހައްޔަރުކޮށްފިއެވެ.
ފުލުހުން ބުނީ މި މައްސަލައިގައި ދިވެހި ފިރިހެނަކު ހައްޔަރުކޮށްފައިވާ ކަމަށެވެ. ހައްޔަރުކޮށްފައިވަނީ 36 އަހަރުގެ މީހެކެވެ.
އޭނާ ހައްޔަރުކޮށްފައިވަނީ ރޭގެ ވަގުތެއްގައެވެ.
ދިވެއްސަކު ޓިކްޓޮކްގައި ބަރަހަނާ ވާ ވީޑިއޯއެއް އާންމުވެފައިވަނީ މި މަހުގެ 8 ވަނަ ދުވަހުއެވެ. އެހެންނަމަވެސް ޓިކްޓޮކް ގަވައިދުގައި ބަރަހަނާ ވީޑިއޯ އާންމު ކުރުމަކީ މަނާ ކަމަކަށް ވާތީ އޭނާގެ އެކައުންޓު ވަނީ ބޭން ކޮށްފައެވެ.
މި މައްސަލަ ފުލުހުން އަންނަނީ ތަހުގީގު ކުރަމުން ކަމުގައި ވެސް ފުލުހުން ބުނެއެވެ.