05 Sep 2021, 07:32
ބޮލީވުޑްގެ ކާމިޔާބު ދެތަރިން ކަމަށްވާ ކެޓްރީނާ ކެއިފް އާއި ވިކީ ކޯޝަލް މި އަހަރު ތެރޭ ކައިވެނިކުރާނެ ކަމަށް ރިޕޯޓްތައް ބުނެފިއެވެ.
ޚަބަރުތައް ބުނާގޮތުގައި ކެޓްރީނާ އާއި ވިކީ ރާޖަސްތާނުގައި ކައިވެނިކުރާނީ އަންނަ ޑިސެމްބަރު މަހުއެވެ. ދާދިފަހުން މިދެތަރިން އެންގޭޖްވި ވާހަކަ ވެސް ވަނީ ޚަބަރުތަކުގެ ފަލަ ސުރުހީ އަށް އަރާފައެވެ. ނަމަވެސް އެ ކަމާ ގުޅޭގޮތުން އެ ދެތަރިން ވާހަކަ ދައްކާފައެއްނުވެއެވެ.
ބޭރުގެ މީޑިއާއަކަށް ކެޓްރީނާ ކުރިން ދިން އިންޓަވިއުއެއްގައި ބުނީ ކުރިން ކައިވެންޏެއް ކުރަން ނިންމި ކަމަށާއި ނަމަވެސް އެކަން ކާމިޔާބު ނުވީ ކަމަށެވެ. އެހެންކަމުން މިފަހަރު ކައިވެންޏަށް ތައްޔާރުނުވެ ގުޅުން ކުރިއަށް ގެންދެވޭތޯ މަސައްކަތްކޮށް ކައިވެންޏާ ހަމައަށް ގެންދެވޭތޯ އުޅޭނީ ކަމަށެވެ.
ބޮލީވުޑްގެ ބަތަލާ ކެޓްރީނާ އެންމެ ފަހުން ފެނިގެންދިޔައީ 2019 ވަނަ އަހަރު އަލީ އައްބާސް ޒަފަރު ގެނެސްދިން ފިލްމު "ބާރަތު"އިންނެވެ. އޭނާގެ ކުރިއަށް ހުރި ފިލްމުތަކުގެ ތެރޭގައި "ސޫރިޔަވަންޝީ" ހިމެނެއެވެ.