Last Updated: 4 year 3 month ago
އީގަލްސްގެ 30 އަށް ވުރެ ގިނަ އަހަރުވީ ދިގު ތާރީހުގައި މިހާތަނަށް ކުޅޭނެ އެންމެ ބޮޑު މެޗުގައި މިރޭ އޭއެފްސީ ކަޕްގެ ޕްލޭއޮފްގައި އިންޑިއާގެ ގަދަބާރު ބެންގަލޫރާ ދެކޮޅަށް ކުޅޭ މެޗަށް ދެ ޓީމު ތައްޔާރުވެއްޖެ އެވެ.
މިމެޗަށް އީގަލްސް ޓީމު ވަރުގަދަ ކުރުމުގެ ގޮތުން އެ ޓީމުން ވަނީ ގިނަ ކުޅުންތެރިންތަކެއް ސޮއިކޮށްފައެވެ. އޭގެ ތެރޭގައި ތަޖުރިބާކާރު ގިނަ ކުޅުންތެރިންވެސް ހިމެނެއެވެ.
އަލީ އަޝްފާގް (ދަގަނޑޭ)، އަކްރަމް އަބްދުލް ގަނީ، އަލީ ފާސިރު (ސެންޓޭ)، މުހައްމަދު އާރިފް (ބަކާ)، އިސްމާއިލް އީސާ (މެސީ)، އަހުމަދު ރަޝީދު (އަންމަޑޭ)ގެ އިތުރުން ގައުމީ އެއްވަނަ ކީޕަރު މުހައްމަދު ފައިސަލްވެސް ވަނީ އީގަލްސް އާ ގުޅިފައެވެ. އެހެން ނަމަވެސް މިރޭގެ މެޗުގެ ސްކޮޑުގައި އަލީ އަޝްފާގު ނުހިމަނަ އެވެ.
މިރޭގެ މެޗަށް ނުކުންނައިރު ބެންގަލޫރުން އެންމެ ފަހުން ރަސްމީ މެޗެއް ކުޅުނީ އޭޕްރީލް 14 ވަނަ ދުވަހު އެވެ. އީގަލްސް އިން މެއި މަހުގެ ކުރީކޮޅުގަ އެވެ.
މިރޭގެ މެޗުން ބަލިވުމާ އެކު އީގަލްސް މުބާރާތުގެ ގުރޫޕް ސްޓޭޖަށް ކޮލިފައިނުވާ އިރު، ބެންގަލޫރު ވަނީ ޖާގައެއް ހޯދައިފަ އެވެ.
އީގަލްސްއާއި ބެންގަލޫރު ބައްދަލު ކުރާ މެޗު --- ސަން ފޮޓޯ
އީގަލްސްއާއި ބެންގަލޫރު ބައްދަލު ކުރާ މެޗު --- ސަން ފޮޓޯ