05 Aug 2021, 22:24
މިއަދު ރާއްޖެއިން 104 މީހުން ކޮވިޑް-19އަށް ޕޮޒިޓިވްވީ އިރު, މާލެއިން 35 މީހުން ޕޮޒިޓިވް ވެއްޖެ އެވެ.
އެޗްޕީއޭއިން ބުނީ މިއަދު ޕޮޒިޓިވްވި މީހުންގެ ތެރޭގައި ހިމެނެނީ މާލެ ސަރަހައްދުން 35 މީހުންނާއި އަތޮޅުތަކުން 56 މީހުންނާއި ހިންގަމުންދާ ރިސޯޓުތަކުން 13 މީހުން ކަމަށެވެ.
މިއަދުގެ ކޭސްތަކާއެކު ރާއްޖެއިން މިހާތަނަށް ޕޮޒިޓިވްވި މީހުންގެ ޖުމުލަ އަދަދު ވަނީ 77,999 އަށް ވަނީ އަރާފައެވެ.
މިވަގުތު ބަލި ޖެހިފައިތިބި 2,566 މީހުންގެ ތެރެއިން ހޮސްޕިޓަލްތަކުގައި ފަރުވާދެމުންދަނީ 20 މީހުންނަށެވެ.
ބަލިން ރަނގަޅުވި މީހުންގެ ޖުމުލަ އަދަދު މިހާރު ވަނީ 75،253 އަރާފަ އެވެ.
މި ބަލީގައި ރާއްޖެއިން މިހާތަނަށް 222 މީހުން ވަނީ މަރުވެފައެވެ.