04 Aug 2021, 14:53
ގައުމީ ޔުނިވާސިޓީގެ އޮގަސްޓް އިންޓޭކްގެ މުއްދަތު މިމަހުގެ 19 ވަނަ ދުވަހުގެ ނިޔަލަށް އިތުރުކޮށްފިއެވެ.
ޔުނިވާސިޓީއިން މިއަދު ކުރި އިއުލާންއެއްގައި ވާގޮތުން އިތުރަށް ޖާގަ ހުރި ކޯސްތަކުގައި ބައިވެރިވުމުގެ ފުރުސަތު މިމަހުގެ 19 ވަނަ ދުވަހުގެ 14:00 ގެ ނިޔަލަށް އިތުރު ކޮށްފައިވާއިރު ޖާގަ ހުރި ކޯސްތަކުގެ ލިސްޓެއް އަންނަ ހަފްތާގެ އާދީއްތަ ދުވަހު ޔުނިވާސިޓީގެ ވެބްސައިޓްގައި ޝާއިއު ކުރެވޭނެއެވެ.
ކޯސްތަކާއި ބެހޭ އިތުރު މައުލޫމާތު ހޯދުމަށް ގައުމީ ޔުނިވާސިޓީގެވެބްސައިޓުން ވެސް ލިބޭނެކަމަށް އެ ޔުނިވާސިޓީން ބުނެއެވެ.
މުއްދަތު އިތުރުކުރެވޭ ކޯސްތަކަށް އެޕްލައިކުރުމަށް ގައުމީ ޔުނިވާސިޓިގެޕޯޓަލްބޭނުންކުރެވޭނެއެވެ. މީގެ އިތުރުން ހުށަހަޅާ ހުރިހާ ލިޔެކިޔުމެއް އެޓެސްޓް ކޮށްފައި ފޮނުވުމަށްވެސް އިއުލާނުގައި ވެއެވެ.
ކޮވިޑް-19 އާ ގުޅިގެން މިދިޔަ އަހަރުގެ ބޮޑު ބައި އަދި މި އަހަރުގެ ފުރަތަމަ ސެމެސްޓާގެ ކިޔެވުން އޮންލައިންކޮށް ގެންދިއުމަށްފަހު, ގައުމީ ޔުނިވާސިޓީން މިހާރު ނިންމާފައިވަނީ މި މަހު ފަށާ އެ ޔުނިވާސިޓީގެ ދެވަނަ ސެމެސްޓާގެ ކިޔެވުން, ދަރިވަރުން ޔުނިވާސިޓީއަށް ހާޒިރުކޮށްގެން ކުރިއަށް ގެންދިއުމަށެވެ.