04 Jun 2021, 20:05
ކޮވިޑް ޖެހިގެން 37 އަހަރުގެ މީހަކު މަރުވެއްޖެ އެވެ. މިއީ މިއަދު ކޮވިޑް ޖެހިގެން މަރުވި ދެވަނަ މީހާއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ)އިން ދެންމެ ކުރި ޓުވީޓެއްގައި ބުނީ، މަރުވެފައިވަނީ ލަންކާގެ ފިރިހެނެއް ކަމަށެވެ. އޭނާ މަރުވީ، މިއަދު ހަވީރު 4:24ގައެވެ.
މިއާއެކު ރާއްޖެއިން މިހާތަނަށް ކޮވިޑް ޖެހިގެން 176 މީހަކު ވަނީ މަރުވެފައެވެ.
މަރުވި ލަންކާ މީހާއަކީ، އައިޖީއެމްއެޗަށް އެމަޖިންސީގައި ފަރުވާ ދިނުމަށް ގެންދިޔަ މީހެއް ކަމަށް އެޗްޕީއޭއިން ބުންޏެވެ.
މިއަދު ކޮވިޑް ޖެހިގެން އެންމެ ފުރަތަމަ މީހަކު މަރުވީ ދ. ބަނޑިދޫއިން އެވެ. އުމުރުން 77 އަހަރުގެ ދިވެހި އެ ފިރިހެން މީހާ މަރުވީ، މިއަދު ހެނދުނު 11:17ގައި އެވެ.
މިއަދު މިހާތަނަށް ކޮވިޑުގައި ދެ މީހުން މަރުވި އިރު، އިއްޔެ ވެސް ދެ މީހަކު ވަނީ މަރުވެފައެވެ.