29 May 2021, 00:20
ކޮވިޑް-19 ޖެހިގެން ރާއްޖެއިން އިތުރު މީހަކު ނިޔާވެއްޖެ އެވެ.
"ސަން" އަށް އެނގިފައިވާ ގޮތުގައި މަރުވެފައިވަނީ 84 އަހަރުގެ ފިރިހެނެކެވެ. އެމީހާ މަރުވެފައިވަނީ ހުޅުމާލޭ މެޑިކަލް ފެސިލިޓީގައި ފަރުވަދެމުން ދަނިކޮށް މިރޭގެ ވަގުތެއްގަ އެވެ.
މިއީ މިއަދު ކޮވިޑް-19 ޖެހިގެން މަރުވި ފަސް ވަނަ މީހާ އެވެ. ރާއްޖެއިން މިހާތަނަށް ކޮވިޑް ޖެހިގެން 156 މީހަކު ވަނީ ނިޔާވެފަ އެވެ.
ރާއްޖެއިން މި މަސްތެރޭ ބަލި ޖެހިގެން މިހާރު 80 އަށް ވުރެ ގިނަ މީހުން ވަނީ ނިޔާވެފަ އެވެ.