25 May 2021, 17:28
މިމަހުން ފެށިގެން މުއްދަތު ހަމަވާ އެއްގަމު އުޅަނދުގެ ލައިސެންސް ބޭނުން ކުރެވޭ ގޮތަށް ޓްރާންސްޕޯޓް އޮތޯރިޓީން ނިންމައިފި އެވެ.
އެ އޮތޯރިޓީން މިއަދު ނެރުނު ބަޔާނުގައި ބުނީ، އެގޮތަށް ނިންމީ ކޮވިޑް ބަލިމަޑުކަމުގައި ރައްޔިތުންނަށް ދިމާވެފައިވާ ދަތިތަކަށް ލުޔެއް ދިނުމުގެ ގޮތުން ކަމަށެވެ.
އެގޮތުން ލުއި ދިނުމަށް ނިންމީ، މިމަހުގެ އެއް ވަނަ ދުވަހުން ފެށިގެން މުއްދަތު ހަމަވާ އެއްގަމު އުޅަނދުގެ ލައިސެންސް އޮތް ފަރާތްތަކަށެވެ.
އެ ތާރީހުގެ ފަހުން މުއްދަތު ހަމަވާ އެއްގަމު އުޅަނދު ލައިސެންސްތައް ޖުލައި މަހުގެ ނިޔަލަށް ބޭނުން ކުރެވޭނެ ކަމަށް އެ ބަޔާނުގައި ބުންޏެވެ.
ކޮވިޑާ ގުޅިގެން ލައިސެންސް ހެދުން އޮތީ ވަގުތީ ގޮތުން މެދުކަނޑާލާފައެވެ.