23 May 2021, 21:02
ކޮވިޑް 19 އަށް ފަރުވާ ހޯދަމުން ދިޔަ އިތުރު ތިން މީހަކު މަރުވެއްޖެ އެވެ.
މިއާއެކު މިއަދު ބަލީގައި މަރުވި މީހުންގެ އަދަދު ވަނީ ހަޔަކަށް އަރައިފަ އެވެ. އަދި ބަލީގައި ރާއްޖޭން މަރުވި މީހުންގެ ޖުމްލަ ވަނީ 129 އަށް އަރައިފަ އެވެ.
މަރުވެފައިވަނީ ހުޅުމާލެ މެޑިކަލް ފެސިލިޓީގައި ފަރުވާ ހޯދަމުން ދިޔަ ތިން މީހެކެވެ. އޭގެ ތެރޭގައި ހިމެނެނީ އުމުުރުން 79 އަހަރުގެ އަންހެނަކާއި 68 އަހަރުގެ އަންހެނެއްގެ އިތުރުން 78 އަހަރުގެ ފިރިހެނެކެވެ.
މިއަދު މަރުވި މީހުންގެ ތެރޭ ދެން ހިމެނެނީ އުމުރުން 66 އަހަރުގެ މީހަކާއި 62 އަހަރުގެ މީހެއްގެ އިތުރުން 80 އަހަރުގެ މީހެކެވެ. އުމުރުން 80 އަހަރުގައި މިއަދު އަވަހާރަވީ ކުރީގެ އޮޑިޓާ ޖެނެރަލް އިސްމާއިލް ފަތުހީ އެވެ.
ރާއްޖޭގައި އެންމެ ގިނަ ބަޔަކު ކޮވިޑުގައި މަރުވީ މި މެއި މަހު އެވެ. މިހާތަނަށް 56 މީހަކު މި މަހުގެ ތެރޭ ވަނީ މަރުވެފައެވެ.