20 May 2021, 17:24
މިނިސްޓްރީ އޮފް ޖެންޑާ، ފެމެލީ އެންޑް ސޯޝަލް ސާވިސަސް ހިންގާ އިމާރާތް މި މަހުގެ 24 ވަނަ ދުވަހުން ފެށިގެން ބަދަލުވާނެ ކަމަށް ބުނެފި އެވެ.
އެ މިނިސްޓްރީ މިހާރު ހިންގަމުން ދަނީ ގ. ބިއްލޫރިޖެހި ގޭގައެވެ. 24 މެއި އިން ފެށިގެން އެ މިނިސްޓްރީގެެ މަސައްކަތްތައް ހިނގަމުންދާނީ ސީޓްރެކް ބިލްޑިން ގެ 7 ވަނަ ފަންގިފިލާގައި ކަމަށް މިނިސްޓްރީ އިން ބުންޏެވެ.
މިނިސްޓްރި އިން ބުނީީ އޮފީސް ބަދަލުވުމުގެ މަސައްކަތް ކުރާތީ 20 މެއި އިން ފެށިގެން 24 މެއި އާ ހަމައަށް މިނިސްޓްރީއަށް ފޯނުން އަދި އީ- މެއިލް މެދުވެރިކޮށް މުއާމަލާތް ކުރުމަށް ދަތިތަކެއް ކުރިމަތިވެދާނެ ކަމަށާއި އެކަމަށް މައާފަށް އެދޭ ކަމަށެވެ.
މިނިސްޓްރީ އިން ބުނީ މިއަދާއި މާދަމާގެ ނިޔަލަށް ޗައިލްޑް ހެލްޕްލައިން 1412، މިނިސްޓްރީ، ޗައިލްޑް އެންޑް ފެމިލީ ޕްރޮޓެކްޝަން ސާވިސް، ކުޑަކުދިންގެ ހިޔާ އަދި ފިޔަވަތީގެ ކަމެއްގައި ގުޅަން ބޭނުން ފަރާތްތަކުން މިނިސްޓްރީގެ ހޮޓްލައިން ނަންބަރު 1421 އަށް ގުޅަން އެދޭ ކަމަށެވެ. އަދި 22 މެއި އިން ފެށިގެން މިނިސްޓްރީގެ ފޯނުތަކުގެ ހިދުމަތްތައް ކުރިއެކޭވެސް އެއްގޮތަށް ލިބިގެންދާނެ ކަމަށާއި 24 މެއި ވަނަ ދުވަހުން ފެށިގެން މިނިސްޓްރީގެ ހުރިހާ ޚިދުމަތެއް ލިބިގެންދާނެކަމަށް އެމިނިސްޓްރީން ބުންޏެވެ.