20 May 2021, 17:21
ފާމަސީ އެމްވީއަކީ އެއްތަނަކުން ގިނަ ވައްތަރުގެ ބޭހާއި ސިއްހީ ކަންކަމަށް ބޭނުންވާ ވަސީލަތްތަކާއި ހިދުމަތް ފޯރުކޮށްދޭ މިފަދަ ފުރަތަމަ ޕްލެޓްފޯމެވެ.
ފާމަސީ އެމްވީގެ ވެބްސައިޓު ފަރުމާކޮށްފައިވަނީ ހިދުމަތް ހޯދަން ބޭނުންވާ ފަރާތްތަކަށް ދަތި ނުވާނެ ފަދައިން، އެކި ކެޓަގަރީތަކަށް ބަހާލައިގެން ހިދުމަތްތައް ފެންނަ ގޮތަށެވެ. އެގޮތުން ވެބްސައިޓުގައި ހިމެނޭ މައިގަނޑު ކެޓަގަރީތަކަކީ ފާމަސީ، ހެލްތު އެންޑް ހައުސްހޯލްޑް ކެޓަގަރީއާއި ބިއުޓީ އެންޑް ޕާސަނަލް ކެއާ ކެޓަގަރީއާއި ހޯމް ވިޒިޓް ސާވިސްގެ އިތުރުން އިކުއިޕްމަންޓް ރެންޓަލް ކެޓަގަރީ އެވެ.
މީގެ ތެރެއިން ހޯމް ވިޒިޓް ސާވިސްއަކީ މި ދުވަސްވަރަށް ވަރަށް ވެސް ބޭނުންތެރި ހިދުމަތެކެވެ. ސަބަބަކީ މި ހިދުމަތުގެ ދަށުން ގެއަށް ގޮސް ބޭސްފަރުވާގެ ހިދުމަތް ފޯރުކޮށްދޭތީ އެވެ.
ހޯމް ވިޒިޓް ސާވިސްގެ ދަށުން ފޯރުކޮށްދޭ ބައެއް ހިދުމަތްތަކުގެ ތެރޭގައި ލޭގެ ސާމްޕަލް ނަގައިދިނުން، އައިވީ ގުޅައިދިނުން، ބޭސް އަޅައިދިނުމާއި ބަދަލުކޮށްދިނުން، އިންޖެކްޝަން އަދި އައިވީ ޖަހައިދިނުމުގެ އިތުރުން ޓެލެކްލިނިކްގެ ހިދުމަތް ހިމެނެ އެވެ. ހޯމް ވިޒިޓް ސާވިސްގެ ދަށުން ފޯރުކޮށްދޭ ހުރިހާ ހިދުމަތްތަކެއް މިލިންކުންބަލައިލެވޭނެ އެވެ.
ފާމަސީ އެމްވީގެ ވެބްސައިޓުން ވިއްކާ ހެލްތު، ހައުސްހޯލްޑް އައިޓަމްތައް ބަހާލާފައިވަނީ 13 ކެޓަގަރީއަކަށެވެ. އޭގެ ތެރެއިން ކޮންމެ ކެޓަގަރީއެއްގެ ތެރޭގައި ވެސް ގިނަ އަދަދެއްގެ ޕްރޮޑަކްޓްތައް ހިމެނެ އެވެ.
ވެބްސައިޓު މެދުވެރިކޮށް ބޭސްސިޓީއަށް ބޭސް ގަތުމުގެ ފުރުސަތުވެސް ފަހިކޮށްދީފައިވާއިރު، މިގޮތަށް ބޭސް ނަގާއިރު ވެބްސައިޓަށް ހުށަހަޅަން ޖެހޭނީ ހަމައެކަނި ބޭސް ސިޓީއާއި ބަލިމީހާގެ އައިޑީ ކާޑުގެ ފޮޓޯއެކެވެ.
ފާމަސީ އެމްވީއިން ކުއްޔަށް ދޫކުރާ ތަކެތީގެ ތެރޭގައި ފުރޮޅުލީ ގޮނޑި، އޮކްސިޖަން ކޮންސަންޓްރޭޓާ، ބަލިމީހުންނަށް ހާއްސަ އެނދު އަދި ކާޑިއެކް މޮނީޓަރު ހިމެނެ އެވެ.
ބޭހާއި ސިއްހީ ކަންކަމަށް ބޭނުންކުރެވޭ ގިނަ ބާވަތްތަކުގެ އިތުރުން މައިންނަށާއި ތުއްތުކުދިންނަށް ބޭނުންވާ ސާމާނާއި ރީތިވާން ބޭނުންކުރާ ތަފާތު ގިނަ ޕްރޮޑަކްޓްސް ވެސް ފާމަސީ އެމްވީގައި ލިބެން ހުންނާނެ އެވެ.
ފާމަސީ އެމްވީގެ މަގްސަދަކީ ކަސްޓަމަރުންނަށް ވީހާވެސް ލުއިފަސޭހަވާ ގޮތަށް ސިއްހީ ހިދުމަތް ފޯރުކޮށްދިނުމެވެ. ފާމަސީ އެމްވީގެ ވެބްސައިޓުގައި މިހާރުވެސް ގިނަ އަދަދެއްގެ ޕްރޮޑަކްޓްތައް ލިބެން ހުންނައިރު، ހިދުމަތްތާއި ޕްރޮޑަކްޓްސް އިތުރަށް ރަނގަޅު ކުރުމުގެ ގޮތުން މިހާރުވެސް އިތުރު ޕާޓްނަރިން ކުންފުނިތަކާ ދަނީ މަޝްވަރާ ކުރަމުންނެވެ.
ފާމަސީ އެމްވީގެ ކަސްޓަމާ ކެއާ ހިދުމަތް ވަޓްސްއެޕްއިން ލިބޭނެ އެވެ.
ވެބްސައިޓުގެ އިތުރުން މޯބައިލް އެޕްލިކޭޝަނުން ވެސް ފާމަސީ އެމްވީގެ ހިދުމަތް ލިބޭނެ އެވެ. މި އެޕްލިކޭޝަން އެޕްސްޓޯއިން އަދި ގޫގަލް ޕްލޭސްޓޯއިން ޑައުންލޯޑު ކޮށްލެވެން މިހާރު ހުންނާނެއެވެ. ފާމަސީ އެމްވީ އަކީ ލައިފް ސަޕޯޓްއިން ހިންގާ އޮންލައިން ޕްލެޓްފޯމެކެވެ.