02 May 2021, 11:54
އިންޓަނެޓުގެ އަގު ހެޔޮ ކުރުމާ ގުޅޭ ގޮތުން މަޝްވަރާ ކުރަމުންދާ ކަމަށާއި ނަމަވެސް އަގު ހެޔޮކުރުމާ މެދު އަދި ގޮތެއް ނުނިންމާ ކަމަށް ޓެލެކޮމިޔުނިކޭޝަން މިނިސްޓްރީ ހިންގުމާ ހަވާލުވެ ހުންނެވި، އިކޮނޮމިކް މިނިސްޓަރު ފައްޔާޒު އިސްމާއިލް ވިދާޅުވެއްޖެ އެވެ.
މިނިސްޓަރު ފައްޔާޒު ވިދާޅުވީ ޓެކް އިންޑްސްޓްރީ އާއި އިންޓަނެޓުގެ ހިދުމަތް ފޯރުކޮށްދޭ ފަރާތްތަކާ އެކު މި ފާއިތުވި ދެ މަސް ތެރޭ ގިނަ މަޝްވަރާތައް ކުރިއަށް ގެންދިޔަ ކަމަށެވެ.
"އަދި އެއްވެސް ކަމެއް ފައިނަލައިޒެއް ނުވޭ. ނަމަވެސް ވަރަށް އަވަހަށް ރަނގަޅު ބަދަލެއް ފެނިގެންދާނެ،" މިނިސްޓަރު ވިދާޅުވި އެވެ.
އިންޓަނެޓްގެ އަގު ދަށްކޮށް އެ ހިދުމަތުގެ ފެންވަރު ރަނގަޅު ކުރުމަކީ، ރައީސް އިބްރާހީމް މުހަންމަދު ސޯލިހުގެ ސަރުކާރުގެ ރިޔާސީ ރިޔާސީ ވައުދެކެވެ.
ޖުލައި މަހުން ފެށިގެން އިންޓަނެޓުގެ އަގަށް ބަދަލު އަންނާނެ ކަމަށް ބުނެ ރޭ ވަނީ ބައެއް މީޑިއާތަކުން ރިޕޯޓުކޮށްފަ އެވެ.