26 Apr 2021, 13:22
ސަން ބަދިގޭގައި މިއަދު ތައްޔާރުކޮށްލަނީ ތަފާތު ޑިޝްއެކެވެ. މިއީ ކާލަން ވަރަށް މަޖާ އެޕަޓައިޒާއެކެެވެ. ބައެއް މީހުންނަށް މިއީ ކޮމްފޯޓް ފުޑްއަކަށްވެސް ވެދާނެއެވެ. މި ޑިޝްގައި މައިގަނޑު ތިން ކޮމްޕޯނެންޓެއް ހިމެނެއެވެ. އެއީ ފްރެންޗް ފްރައިޒް، ޗިލީ ބީފް އަދި ޗީޒް ސޯސްއެވެ. ޓައިޑްސް ކެފޭއިން ތައްޔާރުކޮށްދޭ މި ރެސިޕީގެ އަޖުމަ ގޭގައިވެސް ބަލާލަބަލާށެވެ.
ބޭނުންވާނެ ތަކެތި
- 150 ގްރާމް ފްރެންޗް ފްރައިސް
ޗިލީ ބީފް ތައްޔާރު ކުރުމަށް ބޭނުންވާނެ ތަކެތި
- 100 ގްރާމް ބީފް
- 15 ގްރާމް ޓޮމާޓޯ ޕޭސްޓް
- 60 އެމްއެލް ޕީލްޑް ޓޮމާޓޯ
- 1 ލޮނުމެދު ކުދިކޮށް ކޮށާފައި
- 75 ގްރާމް ބެލް ޕެޕާ ހަތަރެސް ކަނަށް ކޮށާފައި (ތިން ކުލައިން ކޮންމެ ކުލައަކުން 25 ގްރާމް)
- 30 ގްރާމް މިރުސް ކުދިކޮށް ކޮށާފައި
- ރަހަލާ ވަރަށް ލޮނާއި އަސޭމިރުސް
ޗީޒް ސޯސް ތައްޔާރު ކުރަން ބޭނުންވާނެ ތަކެތި
- 20 ގްރާމް ބަޓަރު
- 20 ގްރާމް ފުށް
- 80 އެމްއެލް ކިރު
- 20 އެމްއެލް ކުކިންގް ކްރީމް
- 15 ގްރާމް ޗީޒް
ތައްޔާރުކުރާނެ ގޮތް
ޗިލީ ބީފް ހެދުމަށް އެންމެ ފުރަތަަ ތަވާ ހޫނުކޮށްލާފައި ކޮށާފައި ހުރި ބީފް ކޮޅާއި ކުދިކޮށް ކޮށާފައި ހުރި ލުމިދު ކޮޅު އަޅާލައިގެން ރަނގަޅަށް ކައްކާލާށެވެ. އެއަށް ފަހު ޓޮމާޓޯ ޕޭސްޓާއި ހާބަސް އެޅުމަށް ފަހު އަނެއްކާވެސް ދޭއް ނުވަތަ ތިން މިނެޓް ކައްކާލާށެވެ.
ރަނގަޅަށް ކެކުމުން ޕީލްޑް ޓޮމާޓޯ އަދި ތިން ކުލައިގެ ބެލްޕެޕާ އޭގެތެރެއަށް އަޅާލާށެވެ. އަދި ރަހަލާވަރަށް ލޮނާއި އަސޭމިރުސް އެޅުމަށް ފަހު ތިން މިނެޓް ކައްކާލާށެވެ. އޭރުން ޗިލީ ބީފް ނިމުނީ އެވެ.
ދެން ޗީޒް ސޯސް ތައްޔާރު ކުރުމަށް ފުއް އަދި ބަޓަރު ދޭތި އެއް ވަރަށް މިންކޮށްފައި ތައްޓެއްގައި އެއްކުރާށެވެ. ދެން އޭގެ ތެރެއަށް ކިރުކޮޅު އަޅާލާށެވެ. ދެން އޭތި އެއްކުރަމުން ގެންދާށެވެ. ރަނގަޅަށް އޮލަވަންދެން އެއްކޮށްލަން ވާނެ އެވެ.
ދެން އުނދުން އޭތި ބޭލުމަށް ފަހު ޗީޒް ސްލައިސް ނުވަތަ ޗީޒް ޕައުޑާ އަޅާށެވެ. އެއަަށް ފަހު ކުކިންގް ކްރީމް އަޅާ އެއްކޮށްލާށެވެ.
ޑިޝް ނިންމާލުމަށް ބީފް ޗިލީ ފްރައިސްގެ މައްޗަށް އެޅުމަށް ފަހު އޭގެ މައްޗަށް ޗީޒް ސޯސް އަޅާލާށެވެ.
ޓައިޓްލް ސްޕޮންސާ: މަޑިހާ ކޮމްޕެނީ ޕްރައިވެޓް ލިމިޓެޑް
ލޮކޭޝަން ޕާޓްނާ: ޓައިޑްސް ކެފޭ
ގްރެފިކްސް: މޫސާ ޝިފާޒް
ވީޑިއޯ އަދި އެޑިޓިންގް: އިބްރާހިމް އިފާޒް، މުހައްމަދު ޝަފީއު
މަޑިހާ ކޮމްޕެނީއަކީ 1985 އިން ފެށިގެން ރާއްޖެއަށް ތާޒާ މޭވާ، ތަރުކާރީ އަދި ފިނިކުރި މަހުގެ ބާވަތްތައް އިމްޕޯޓުކޮށް ޑިސްޓްރިބިއުޓުކުރާ ކުންފުންޏެކެވެ. އިތުރު މައުލޫމާތު، މަޑިހާ ކޮމްޕެނީގެ ވެބްސައިޓުން ލިބޭނެއެވެ