23 Apr 2021, 22:24
ރާއްޖެއިން އިތުރު 319 މީހަކު ކޮވިޑު 19 އަށް ޕޮޒިޓިވް ވެއްޖެ އެވެ.
އެޗްޕީއޭ އިން އާންމު ކުރި ހިސާބުތަކަށް ބަލާއިރު މިއަދު މާލެ ސަރަހައްދުން 108 މީހަކު، އަތޮޅު ތެރޭ ރަށްރަށުން 182 މީހަކު އަދި ރިސޯޓުތަކުން 21 މީހަކާއި އިންޑަސްޓްރިއަލް މަސައްކަތް ކުރާ ރަށްރަށުން އަށް މީހަކު ވަނީ ޕޮޒިޓިވް ވެފައެވެ.
މިދިޔަ 24 ގަޑިއިރު ތެރޭ ކޮވިޑަށް 3،094 ޓެސްޓު ވަނީ ހަދައިފައެވެ.
މިއާއެކު ރާއްޖެއިން ކޮވިޑަށް ޕޮޒިޓިވްވި މީހުންގެ ޖުމްލަ ވަނީ 27،403 އަށް އަރައިފައެވެ.
މިވަގުތު 3،207 މީހަކު ބައްޔަށް ފަރުވާ ހޯދަމުންދާއިރު 98 މީހަކު ތިބީ ހޮސްޕިޓަލުގައެވެ.
ބަލިން ރަނގަޅުވި މީހުންގެ ޖުމްލަ އަކީ 24،116 އެވެ. މިދިޔަ 24 ގަޑިއިރު ތެރޭ 51 މީހަކު ވަނީ ބަލިން ރަނގަޅުވެފައެވެ.
ކޮވިޑު ޖެހިގެން 71 މީހަކު ވަނީ ރާއްޖޭގައި މަރުވެފައެވެ.