Last Updated: 1 decade 4 year ago
ބުލޮގު ޚުލާސާ
16:55 އެމްޑީޕީގެ ދިދަ އާއި ގައުމީ ދިދަ ހިފައިގެން ތިބި މީހުން ދަނީ އަދިވެސް އަޑުގަދަ ކުރަމުން
16:54 އެމްއެމްއޭ ސަރަހައްދުގައި ޝީލްޑެއް ހިފިހައިގެން ތިބި ފުލުހުންގެ ލައިނެއް ވަނީ އަތުރާފައި
16:52 ގިނަ ބަޔަކު އެމްއެމްއޭ ސަރަހައްްދަށް އެއްވެ ގޮވަމުންދަނީ "އަންނި ޒިންދާބާދު"
16:51 އަދިވެސް އެ ސަރަހައްދަށް އެއްވެ ދަނީ ހަޅެލަވަމުން.
16:47 އެމްއެއެމް ސަރަހައްދުގައި މިހާރު ޕޮލިސް ލައިން އަޅާފައިވާއިރު ސްޓާފޯސް ފުލުހުންނާއި އެމްއެންޑީއެފުން މުޒާހަރާ ކޮންޓްރޯލް ކުރުމަށް ވަނީ ނުކުމެފައި
16:44 ޕެޕާ ސްޕްރޭ ހަތަރު ފަހަރެއްގެ މަތިން ޖަހާފައި ވާއިރު. އެމްއެމްއާ ސަރަހައްދުގައި ޝީލްޑް އަޅައިގެން ތިބީ އެމްއެންޑީއެފް. މުޒާހަރާގެ ކުރީގައި ތިބީ ރައީސް ނަޝީދު
އެމްޑީޕީން ކުރަންފެށި މުޒާހަރާ ޕޭޕާސްޕްރޭ ޖަހައިފި. ބޮޑުތަކުރުފާނުމަގުން މަސްމާރުކާޓު ސަރަހައްދުން
ފުލުހުންގެ ލޮރީ އެއް އެމްޑީޕީ ހަރުގެތެރެއަށް ވައްދައިފި. ސިފައިން ވެސް އެ ސަރައްދުގައި ހަރަކާތްތެރި ވަމުން އެބަދޭ.
ބޮޑަ ބެލެވެނީ އެމްޑީޕީ ހަރުގެ ތެރެއިން ފުލުހުން އެއްޗެއް ހޯދާހެން.
ފުލުހުންގެ ލޮރީގައި ދެ މީހަކު ގެނެސް އެމްޑީޕީ ހަރުގެއަށް ވައްދާ ހަރުގެ ތެރޭ ތިބި ހަތަރު ވަރަކަށް މީހުންނާ ސުވާލުކުރަމުން އެބަދޭ.
މޫސަގެ ހާލު ރަނގަޅު ކަމަށާއި މިހާރު ކުޑަކޮށް ވާހަކަ ދެއްކޭ ކަމަށް މޫސައަށް ގޮވާލަން ވަތް ސަންގެ ނޫސްވެރިން ބުނޭ.
ބ. ތުޅާދޫ ޕޮލިސް ސްޓޭޝަންގައި ތިބި ފުލުހުން ރަށުން ފައިބައިގެން ދިޔުމަށް އެމްޑީޕީ މީހުން މުޒާހަރާ ކުރުމުން ފުލުހުން ފައިބައިފި: ކައުންސިލްގެ ނާއިބު ރައީސް
ވީޓީވީ ކައިރީ ފޯރިމަރަމުންދަނީ ޝީލްޑް ހިފައިގެން ތިބި ސިފައިން.
ވީޓީވީ ކުރިމައްޗަށް ސްޓާފޯސް ގޮސްފި. ގިނަ އަނދަދެއްގެ އާންމުން ދަނީ އެ ސަރަހައްދަށް އެއްވަމުން.
ހދ. ކުޅުދުއްފުށީ ޕޮލިސް ސްޓޭޝަނަށް ގެއްލުއްދީ ތަޅާލައިފި. ޕޮލިސް ސްޓޭޝަންގައި ތިބި ދެ ފުލުކަށް އަނިޔާވެގެން ޕޮލިސް ސްޓޭޝަން ތެރޭ ފަރުވާދެމުން އެބަދޭ. ހޮސްޕިޓަލްގެ އެންބިއުލާން ޕޮލިސް ސްޓޭޝަނަށް ވެއްދުމަށް ބަޔަކު ދެކޮޅު ހެދުމުން އަދިވެސް އެ ދެފުލުހުން ތިބީ ޕޮލިސް ސްޓޭޝަންގެ ތެރޭގައި.
ކުޅުދުއްފުށީ ޕޮލިސް ސްޓޭޝަން ކައިރިއަށް އެމްޑީޕީގެ ސަޕޯޓަރުން އެއްވެ، ގާއުކަމުންއެބަދޭ. އަނިޔާވެފައިވާ ދެ ފުލުހުން ހޮސްޕިޓަލަށް ގެންދިއުމަށް އެންބިއުލާންސް އައުމުން، އެމްޑީޕީގެ ސަޕޯޓަރުން ހުރަސްއަޅާފައި. ފަރުވާ ނުދެވިތިބި ދެ ފުލުހުންގެ ތެރެއިން އެކަކެއްގެ ބޯފަޅައިގެން ގޮސްފައިވޭ. އަނެކަކުގެ ހާލަތެއް ނޭނގޭ.
އޭޑީކޭއިން ނޫސްވެރިންނަށް މައުލޫމާތު ހިއްސާކޮށްފި:
މުޒާހަރާގައި އަނިޔާވެގެން 14 މީހަކު އޭޑީކޭ ހޮސްޕިޓަލަށް ގެނައި. ނަމަވެސް ތިން މީހަކު ފިޔަވައި އެހެން ހުރިހާ އެންމެނަށް ފަރުވާދިނުމަށްފަހު ދޫކޮށްލައިފި. އެ ތިން މީހުންގެ ތެރޭގައި ރީކޯ މޫސަ މަނިކު ވެސް ހިނެނޭ. އޭޑީކޭ އަފްވާލް ވިދާޅުވީ މިހާރު ފަރުވާދެމުންދާ ތިން މީހުގެ ހާލު ސީރިއަސް ނޫން ކަމަށް.
މުޒާހަރާގައި އަނިޔާވެގެން 14 މީހަކު އޭޑީކޭ ހޮސްޕިޓަލަށް ގެނައި. ނަމަވެސް ތިން މީހަކު ފިޔަވައި އެހެން ހުރިހާ އެންމެނަށް ފަރުވާދިނުމަށްފަހު ދޫކޮށްލައިފި. އެ ތިން މީހުންގެ ތެރޭގައި ރީކޯ މޫސަ މަނިކު ވެސް ހިނެނޭ. އޭޑީކޭ އަފްވާލް ވިދާޅުވީ މިހާރު ފަރުވާދެމުންދާ ތިން މީހުގެ ހާލު ސީރިއަސް ނޫން ކަމަށް.
އައިޖީއެމްއެޗު ކައިރިން މީހުންތައް ދުރުކޮށް އެކަކު ހައްޔަރުކޮށްފި
އޭޑީކޭ އަށް ފުލުހުންގެ ފައުޖެއް ގޮސްފި
ރީކޯ މޫސަ މިވަގުތު އޮތީ އެގްޒެކްޓިވް ރޫމްގައި. އަދި އެއްވެސް މީހަކާ ވާހަކައެއް ނުދެއްކޭ
އޭޑީކޭ އަށް ފުލުހުން އައިސް ކަމާ ނުބެހޭ މީހުން ދިއުމަށް އަންގައިފި. ފުލުހުންގެ ޓީމުތައް ކޮމާންޑް ކުރަނީ ކުލަ ހެދުމުގައި ތިބި މީހުން.
ތިން މީހަކު އައިޖީއެމްއެޗު ސަރަހައްދުން އަނެއްކާ ވެސް ހައްޔަރު ކޮށްފި
އައިޖީއެމްޗު ކައިރިން ފުލުހުންނާ ދިމާއަށް ގާ އުކި މީހަކު ހައްޔަރުކޮށްގެން މާފަންނު ވިލީ ފުލުހަށް ވައްދައިފި
އޭޑީކޭގެ އައިސީޔޫގައި މިވަގުތު އެއްވެސް ޕޭޝަންޓެއް ނެތް
އެކަކު އެ ސަރަހައްދުން ހައްޔަރު ކޮށްފި
އެމްޑީޕީ ހަރުގެ ކައިރީ އާންމުންނާ ފުލުހުންނާ ދެމެދު ހަމަނުޖެހުންތައް ހިނގަމުން އެބަދޭ.
އެމްޑީޕީގެ ވަގުތީ ޗެއާޕާސަން މޫސާ މަނިކު އޮންނެވީ އައިސީޔޫގައި. އޭނާގެ ދަރިފުޅު ސިންގަޕޫރުގައި ހުންނަވައިގެން ފޯނުން ވިދާޅުވީ އޭނާގެ ބައްޕަގެ ހާލަތު ސީރިއަސް ކަމަށް.
އޭޑީކޭ ސަހަރަހައްދަށް އެއްވި ބަޔަކާ ފުލުހުންނާ ކުރިމަތިލުން ހިނގައި މީހަކަށް ވަރަށް ބޮޑަށް އަނިޔާވެއްޖެ. ފުލުހުން ވަނީ އެ ސަރަހައްދު ބަންދުކޮށްފައި.
ތިން ފުލުހެއްގެ ބޯފަޅައިގެން ގޮސްގެން އައިޖީއެމްއެޗަށް ގެންގޮސްފި
އަނިިޔާވި މީހުން ތައް ފުލުހުންގެ ޖިޕްތައް އަރުވަން ގެންދިޔައީ ދަމާފައި
އެފްޑީއއައި ސްޓޭޝަން ކުރިމަތީ މީހަރު ވެސް މީހެއްގެ ގައިގައި އާންމުން ތަޅަމުން ގެންދޭ
މުޒާހަރާކުރާ މީހުންނަށް އެކަށީގެން ނުވާވަރަށް ބާރުގެ ބޭނުން ނުކުމަށާއި ނޫސްވެރިންނަށް އަނިޔާވާ ގޮތަށް އަމަލުނުކުރުމަށް ގޮވާލި.
ފުލުހުންގެ ކުރިމަތިލުންތަކުގައި ރައީސް ނަޝީދަށް ވެސް އަނިޔާވި.
އެ ސަރަހައްދަށް ގިނަ އަނދަދެއްގެ ޕެޕާސްޕްރޭ ޖަހާފައިވާ ކަމަށް ނޫސްވެރިން ބުނޭ
ބަންޑާރަ މިސްކިތް ސަރަހައްދުން އިތުރު ތިން މީހަކު ހައްޔަރު ކޮށްފި
ވިލާޝިޕިންގެ އޮފީހުގެ ބިއްލޫރިތައް ތަޅާލިކަމުގެ ތުހުމަތުގައި މީހަކު ހައްޔަރުކޮށްފި. އެފްޑީއައި ހުންނަ ސަރަހައްދުން އެމްޑީޕީގެ ޕާލަމެންޓް މެންބަރު މުހައްމަދު ރަޝީދު އަނބުރައިގަނެގެން އެމްބިއުލާންސެއްގައި ހޮސްޕިޓަލަށް ގެންގޮސްފި. އޭނާގެ އަތް ބިނދިފައިވާ ކަމަށް ލަފާ ކުރެވޭ.
މުޒާހަރާ ރޫޅާލުމުގައި ފުލުހުން އާދަޔާ ޚިލާފަށް ބޮޑަށް ބާރުގެ ބޭރުން ކުރަމުން އަންނަ ކަމަށް ނޫސް ވެރިން ބުނޭ
ބަންޑާރަ މިސްކިތް ސަރަހައްދުން އެކަކު ހައްޔަރު ކޮށްފި
ބޮޑު ހަމަނުޖެހުމެއް ހިނގާފައިނެ ކަމަށް ބުނެ އެމްއެމްއޭ ސަރަހައްދާއި ޖުމްހޫރީ މައިދާން ސަރަހައްދަށް ނޫސް ވެރިން ނުވައްދާ
އެމްއެމްއޭ ސަރަހައްދާއި ރީފްސައިޑް ސަރަހައްދުގައި މުޒާހަރާ ކުރާ މީހުން ފުލުހުންނާއި ސިފައިން ރޫޅާލައި ފައްސާލައިފި. މުޅިތަން ވަނީ ހުސްކޮށްފައި.