Last Updated: 1 decade 4 year ago
ބުލޮގު ޚުލާސާ
އިދިކޮޅު ފަރާތްތަކުގެ ސިލްސިލާ މުޒާހަރާތައް މިރޭ ވެސް ފަށާފައި ވަނީ އާޓިފިޝަލް ބީޗުގަ އެވެ. އިދިކޮޅު މުޒާހަރާތައް ފަށާފައިވާއިރު އެމްޑީޕީން ވެސް ގެންދަނީ އެ ސަރަހައްދުގައި މުޒާހަރާ ކުރަމުންނެވެ. ދެބައި މީހުންގެ ބަހުގެ ހަމަލާތަކާއެކު މުޒާހަރާ ކުރިޔަށްދާއިރު ފުލުހުން ވަނީ މުޅި ސަރައްދުގައި ސަލާމާތީ ފިޔވަޅުތައް ވަރުގަދަކޮށްފައެވެ.
ރާއްޖޭގެ ރައީސުލްޖުމްހޫރިއްޔާ ކަމުގެ ހުވާ ނައިބް ރައީސް ޑރ. މުހައްމަދު ވަހީދު ހަސަން މަނިކު، ކުޑައިރުކޮޅެއްގެ ކުރައްވާނެ. ހުވާކުރުން އޮންނާނީ ރައްޔިތުންގެ މަޖިލީހުގައި
ރައީސް ނަޝީދު: އަޅުގަނޑު އިތުރަށް ރާއްޖޭގެ ރައީސް ކަމުގައި ހުރެއްޖެނަމަ ރާއްޖޭއަށް އިތުރު ގެއްލުންތަކެއް ކުރިމަތިވެދާނެތީ ވެރިކަމުން އިސްތިއުފާދިނީ. ސަރުކާރު އިތުރަށް ދެމެހެއްޓުމަށް މަސައްްކަަތްކޮށްފިނަމަ ބޭރުގެ ނުފޫޒުތައް ރާއްޖެއަށް އަތުވެދާނެތީ އިސްތިއުފާދިނީ. އަޅުގަނޑު ވަރަށް ހެޔޮ ހިތުން މިނިންމީ އިސްތިއުފާ ދިނުމަށް. އަޅުގަނޑު މިގޮތަށް ނިންމީ ރާއްޖޭގެ ރައްޔިތުންނަށް ހެޔޮއެދޭތީ. އަޅުގަނޑު އަބަދުވެސް އެދެނީ ރާއްޖޭގައި އަބަދުވެސް ޑިމޮކްރެޓިކް ހަމަތަކާއި އިންސާފު ގާއިމުވެފައި އޮތުން. އަޅުގަނޑު އެދެނީ ރާއްޖޭގެ ތަރައްގީއާ ކުރިއެރުމަށް.
އަޅުގަނޑު އިތުރަށް ރާއްޖޭގެ ރައީސް ކަމުގައި ހުރެއްޖެނަމަ ރާއްޖޭއަށް އިތުރު ގެއްލުންތަކެއް ކުރިމަތިވެދޭނެތީ ވެރިކަމުން އިސްތިއުފާދިނީ. ސަރުކާރު އިތުރަށް ދެމެހެއްޓުމަށް މަސައްްކަަތްކޮށްފިނަމަ ބޭރުގެ ނުފޫޒުތައް ރާއްޖެއަށް އަތުވެދާނެތީ އިސްތިއުފާދިނީ. އަޅުގަނޑު ވަރަށް ހެޔޮ ހިތުން މިނިންމީ އިސްތިއުފާ ދިނުމަށް. އަޅުގަނޑު މިގޮތަށް ނިންމީ ރާއްޖޭގެ ރައްޔިތުންނަށް ހެޔޮއެދޭތީ. އަޅުގަނޑު އަބަދުވެސް އެދެނީ ރާއްޖޭގައި އަބަދުވެސް ޑިމޮކްރެޓިކް ހަމަތަކާއި އިންސާފު ގާއިމުވެފައި އޮތުން. އަޅުގަނޑު އެދެނީ ރާއްޖޭގެ ތަރައްގީއާ ކުރިއެރުމަށް.
ސިވިލް ސާވިސް ކޮމިޝަންގެ ނޫސްބަޔާން: ދިވެހި ގައުމަށް ދިމާވެފައިވާ ހުޟޫރަތްތެރި ހާލަތުގައި ދައުލަތު ފަރާތުން ރައްޔިތުންނަށް ފޯރުކޮށްދޭންޖެހޭ އެންމެހާ ހިދުމަތްތައް، ތެދުވެރިކަމާ އިހުލާސްތެރިކަންމަތީ ހަމަހަމަކަމާ އެކު އެންމެހާ ރައްޔިތުންނަށް ހިދުމަތްތައް ފޯރުކޮށްދިނުންމަތީ ދެމިތިބުމަށް ކޮމިޝަންގެ ފަރާތުން އެންމެހާ ސިވިލް ސާވާންޓުންނަށް އިލްތިމާސްކުރަމެވެ.
ދިވެހި ގައުމަށް ދިމާވެފައިވާ ހުޟޫރަތްތެރި ހާލަތުގައި ދައުލަތު ފަރާތުން ރައްޔިތުންނަށް ފޯރުކޮށްދޭންޖެހޭ އެންމެހާ ހިދުމަތްތައް، ތެދުވެރިކަމާ އިހުލާސްތެރިކަންމަތީ ހަމަހަމަކަމާ އެކު އެންމެހާ ރައްޔިތުންނަށް ހިދުމަތްތައް ފޯރުކޮށްދިނުންމަތީ ދެމިތިބުމަށް ކޮމިޝަންގެ ފަރާތުން އެންމެހާ ސިވިލް ސާވާންޓުންނަށް އިލްތިމާސްކުރަމެވެ.
ފުލުހުންގެ ފައުޖެެއް ވެލާނާގޭ ބިލްޑިންގެ ތެރެއަށް ވަދެއްޖެ ކަމުގެ މައުލޫމާތު ލިބޭ. ވަރަށް ގިނަ އަދަދެއްގެ އާއްމުން ވަނީ އެސަރަހައްދަށް އެއްވެފައި
އަބްދުﷲ ޣާޒީީ މާލެ ގެނެސްފި. ރައީސް އޮފީހަށް މީޑިއާގެ ފަރާތްތައް ވެސް މިހާރު ވަނީ ވައްދައިފައި.
ފުލުހުން ބުނަމުން ގެންދަނީ މިކަން ނިމުނީ ކަމަށް ދެން. ރައީސް އޮފީސް ބޭރު މިހާރު ވަނީ ލައްޕާފައި.
ވަރަށް ވަރުގަދަ އަށް ވަނީ ސަލާމަތީ ފިޔަވަޅުތައް އަޅާފައި. މީޑިއާ މީހުން ތިބީ ވަކި ސަރަހައްދެއްގައި. އަސްކަރިއްޔާ އެންމެ ކުރީގައި އޮތީ. ރައީސް އޮފީސް ތެރެއަށް ކާރުވައްދައިފި
ރައީސް ނަޝީދު ސިފައިން ނެރެގެން ކާރުކޮޅެއްގައި ރައީސް އޮފީހަށް އެބަގެންދޭ. ކާރު ގެންދަނީ ކޮއްޕާފަ. މުޅި ސަރަހައްދު އޮތީ ސިފައިންނާއި ފުލުހުންގެ ބެލުމުގެ ދަށުގައި
ކްރިމިނަލް ކޯޓްގެ އިސް ޣާޒީ އަބްދުﷲ މުހައްމަދު ޕޮލިސް ލޯންޗުގައި މާލެ ގެނައުމުގެ މަސައްކަތް އެބަކުރޭ.
އެމްއެންޑީއެފްއާ މިވަގުތު ހަވާލްވެ ހުންނެވީ ކާނަލް ނާޒިމް. ނާޒިމް ވަނީ އެއްވެސް މީހަކު ރައީސް ނަޝީދު ގައިކޮޅުގައި އަތްނުލުމަށް އިންޒާރުދީފަ
ރައީސް ނަޝީދު އިސްތިއުފާދެއްވަން ނިންމަވައިފި. އެކަން އޮންނާނީ ރައީސް އޮފީހުގައި މީޑިޔާގެ ކުރިމަތީގައި ކަމަށް މުޒާހަރާގައި މިހާރުވަނީ އިއުލާންކޮށްފައި. އާންމުން ޖުމްހޫރީ މައިދާނުގައި އަންނަނީ އެކަން ސެލަބަރޭޓް ކުރަމުން.
އިތުރު ސިފައިންގެ ގްރޫޕްތަކުން ރަށު ތެރޭގައި ފޯރި މެރުމަށް ނިކުންނަން ފަށައިފި.
ފައިރޫޒު ރަސްމީ ހެދުންކޮޅުގައި މުޒާހަރާގެ ތެރެއަށް ވަޑައިގަތް ފުލުހުންނާ ހަވާލުވެ ވަޑައިގެންފި.
ފަސީހު އިސްތިއުފާ ދިންކަން މުޒާހަރާގައި އިއުލާންކޮށްފި.
ފުލުހުން ހައްޔަރުކުރާ އެއްވެސް މީހަކަށް އަނިޔާކޮށް ގޯނާ ނުކުރުމަށް ފުލުހުން އިލްތިމާސް ކުރަމުން އެބަދޭ.
އެމްއެންބީސީ ކައިރީ އެމްޑީޕީ އެކްޓިވިސްޓުން ތިބީ ފުލުހުންނާ ކުރިމަތިލާން ޕޭމަންޓު ގާފުންޏެއް ޖަހައިގެން.
ޖުމްހޫރީ މައިދާނުގައި ގައުމީ ޕާޓީގެ އިމާދް ސޯލިހް ވިދާޅުވީ އިންޑިއާ ސިފައިން ރާއްޖެ ނާންނަ ކަމަށް ހަސަން ސައީދަށް އިންޑިއާގެ ހައިކޮމިޝަނުން ޔަގީންކޮށްދީފައިވޭ.
ޖުމްހޫރީ މައިދާނަށް އެއްވެފައިވާ އާންމުން ގޮވަނީ ރައީސް ނަޝީދު ވަނީ ހައްޔަރުކުރެވިފައިވާ ކަމަށް.
އެމްއެންބީސީ ސަރަހައްދައް ގިނަ އަދަދެއްގެ ކަރުނަ ގޭސް ޖަހާފައި. ބެލެވެނީ އާންމުން ކަރުނަގޭސް ޖެހީ ކަމަށް.
ފުލުހުންގެ ފައުޖެއް އެމްއެންބީސީ ހިފަން ނައްޓާލައިފި.
ލޭޑީ އިބްރާހިމް މަނިކާއި އިތުރު ބަޔަކު ފުލުހުންގެ ލޯންޗަކަށް އަރުވައިގެން ގެންދަނީ.
އިތުރު 100 އެއްހާ ސިފައިން ފުލުހުންނާ ގުޅިއްޖެ.
ްމުސާ އަލީ ޖަލީލް ފުލުހުންގެތެރެއިން ކޮމާންޑް ކުރާ މީހުންނާ ވާހަކަދައްކަވާފައި ވިދާޅުވީ "ވަގުތު ޖެހުމުން ނެރެން ޖެހޭ މީހާ ނެރޭނެ ކަމައް". އަދި ސިފައިން އަމާންދިނުމަށް ފަހު ރަބަރު އުންޑަ ބޭނުންކުރާ ސަބަބު އޮޅުން ފިލުވަން އެދުމުންޖަލީލް އެއްޗެއް ވިދާޅެއްނުވި.
ޕޮލިސް ޖިނާހުގެ ގައިގައި ތަޅައިގެންފި. ޖިނާހުގައިގާ ތެޅީ އާންމުންނާއި ފުލުހުންވެގެން. ސިފައިން އިރު އިރުކޮޅުން ޕެޕާ ސްޕްރޭ ސިފައިންގެއިން ޖަހަމުން އަންނަނީ.
ސިފައިންގެއިން އިތުރަށް ޗާޖް ކުރަން އުޅޭ ކަމުގެ ނިޝާންތައް ފެނޭ. ފުލުހުންނާ ގުޅުނު ސިފައިންނާއި ފުލުހުން ސިފައިން މިނިވަން ކުރަން ހަރު އަޑުން ގޮވަމުން އެބަދޭ.
ސިފައިން ބަޑިޖަހާފާނެ ކަމަށް ސަމާލުވުމަށް ފުލުހުން އެބަ އިލްތިމާސްކުރޭ. ބަޑިޖަހައިފިނަމަ އެންމެން އޮސޯތުމަށް ފުލުހުން އެބަ އަންގާ.
އަދިވެސް ސިފައިން ގެއިން އާންމުންނާ ދިމާލަށް ތަފާތު ބަޑިތައް ޖަހަނީ. އާންމުންނާ ފުލުހުން ރައީސް ނަޝީދުގެ އިސްތިއުފާއަށް ގޮވަނީ. ރައީސް ނަޝީދު ހުރީ ސިފައިންގެ ތެރޭގައި ކަމައް ވަނީ.
ސިފައިންގެ ގްރޫޕުތައް ފުލުހުންނާއި ގުޅެން ފަށައިފި.
ލޭޑީ އިބްރާހިމް މަނިކު އަތުލައިގަނެ އޭނާ ގައިގާ ތަޅައިގެންފި.
ސިފައިން ވަނީ އެކީ އެކަށް ފަހަތައް ޖެހި ސިފައިންގެ މައި އިދާރާއަށް ވަދެފައި. ފުލުހުން ވަނީ ޖުމްހޫރީ މައިދާނުގެ ހުރިހާ ސަރަހައްދެއް ކޮންޓްރޯލްގެ ދަށައް ގެނެސްފައި. އާންމުންނާ ފުލުހުންގެ ބެލުމުގެ ދަށުގައި އެ ސަރަހައްދު އޮތީ. ސިފައިން ވައްތަރެއްގެ ބަޑިއެއް މައި މަރުކަޒު ތެރޭގައި ތިބެގެން ޖަހަނީ. އެއީ އަސްލު ބަޑިއެއް ނޫން.
ފުލުހުންވެސް އުކުނު އެއްޗެއް އުކަނީ. އެމީހަކާއި އެމީހެއް. ވަރަށް ގަދަޔަށް ހަނގުރާމަ ހިގަނީ.
ފުލުހުން އިދިކޮޅު މުޒާހަރާވެސް އެމްއެމްއޭ ސަރަހައްދަށް ފަހަތައް ޖައްސައިފި. އެމްޑީޕީ މީހުން މިހާރު ފެންނާކަން ނެތް.
އެމްޑީޕީގެ މީހުން ވަޅި ހިފައިގެން ޖުމްހޫރީ މައިދާނުން ފުލުހުންނާ ދިމާކުރަން އުޅުމުން ފުލުހުން އެމީހުންގެ ހަމަލާތައް ހުއްޓުވައިފި. މާރިޔާ ވަނީ ބިންމައްޗަށް ވެއްޓިފައި. ގައިން ކޮންމެވެސް ވަރަކަށް ލޭ އާދޭ.
ކުރިން ނެތް ވަރަށް، ގިނަ ފުލުހުން ތަކެއް ވަނީ ގުޅި ހެލި ޕެޑަށް ޖަމާވެފައި. ފުލުހުން ބުނަނީ ޣައިރު ގާނޫނީ އަމުރު ނުކުރާނެ ކަމުގެ ޔަގީންކަން ބޭނުން ކަމަށް. އަދި އެ މައްސަލައިގެ ތެރެއަށް އާންމުން ނުވަދެ، ދުރުގައި ތިބުމަށް ފުލުހުން ދަނީ ހަރުއަޑުން ގޮވަމުން.
ފަސީހު ބައްދަލުކުރާނެ ކަމަށް ބުނެ ފުލުހުން މަޑުން ތިބުމަށް ކޮމާންޑް ދީފި.
ބާޣީން ހައްޔަރުކުރުމަށް ގޮވައި އެމްޑީޕީގެ މުޒާހަރާ އޯކިޑް މަގުގައި ފަށައިފި.
ރައީސް ނަޝީދު ޖުމްހޫރީ މައިދާނުގައި ތިބި ފުލުހުންނާ މުހާތަބު ކުރައްވަން ފައްޓަވައިފި. ރައީސް ދެއްކި ވާހަކައަށް ފުލުހުން ބުނީ "ނޯސާ".
އަޅުގަނޑު ތިބޭފުޅުންނަށް ދެރަ ގޮތެއް ނަހަދާނަން. ތިބޭފުޅުންނަށް ތި ތިބެއްވުނީ އޮޅުމެއްގެ ތެރޭގައި. ސިފައިންނާ ހަވާލުވޭ
ފުލުހުންނާ ކުރިމަތިލާން ނިކުތް ސިފައިން އެބުރި ބަންޑާރަކޮއްޓަށް ވަދެފި. ފޯރިމަރާ މަދު ސިފައިންގެ މީހަކު ނޫނީ މިހާރަކު ޖުމްހޫރީ މައިދާން ސަރަހައްދަކު ނެތް.
އެމްއެމްއޭ ކުރިމަތީގައި މުޒާހަރާ ކުރާ މީހުންނާ މުހާތަބު ކޮށް ނިހާން ވާހަކަދައްކަވަން ފައްޓަވައިފި.
ސިފައިން އަނެއްކާވެސް ފަހަތައް ޖެހިއްޖެ. ސިފައިން މިހާރު ތިބީ ޝަހީދު ހުސެން އާދަމް ބިލްޑިންގް އާ ހިސާބުގައި.
ފަސީހު އާ ބައްދަލުކުރަން އައިކޭއަށް ނުދާން ފުލުހުން ނިންމައިފި.
ފަސީހަށް ބައްދަލު ކުރެވެން ޖެހޭނެ. މިއީ ދިވެހި ފުލުހުން. އަޅުގަނޑުމެން ގޮސްފިނަމަ ވިއްސިވިހާލި ވެދާނެ
ފުލުހުންގެ އިސްވެރިއަކު ފުލުހުންނާ މުހާތަބު ކުރަނީ. އެއްވެސް ފުލުހަކު ފަހަތަށް ނުޖެހުމަށާއި ހަތިޔާރު ދޫނުކުރުމަށް ފުލުހުންނަށް އިރުޝާދު ދެއްވަނީ.
ފަސީހު އާ ބައްދަލުކުރުމަށް އިސްކަންދަރުކޮއްޓަށް ދިޔުމާ މެދު ފުލުހުންގެ މެދުގައި ހިޔާލުތަފާތުވެ، ފުލުހުން އެތިބި ތަނަކަށް ޖަމާވެއްޖެ. ސިފައިން ދަނީ އެގޮތް ގަބޫލް ނުކޮށްފިނަމަ ޗާޖް ކުރާނެ ކަމަށް ބުނެ އިންޒާރުދެމުން.
ކޮމިޝަނާ ފުލުހުންނާއި މުހާތަބުކުރެއްވުމަށް ތައްޔާރުވަނީ.
އަސްކަރިއްޔާއިން ފުލުހުންނާއި ކުރިމަތިނުލާނެ ކަމަށް ފުލުހުން ބުނެފި އެވެ. ކުރިމަތިލައިފިނަމަ ސިފައިން ފޮނުވާ ކޮންމެ އުންޑައަކަށް ދިއްކުރާނީ މޭ ކަމަށް ފުލުހުން ބުނޭ.
އެމްޑީޕީ އެކްޓިވިސްޓުން ޖުމްހޫރީ މައިދާނުގައި ތިބި އާންމުންނާ ކުރިމަތިލާން ލަޑިބުރި އާއި ކަނޑިއާއި ދަޑިބުރިތަކެއް ހިފައިގެން ޕިކަޕެއްގައި އައިސްފި. މީހަކަށް އަނިޔާވެގެން ވެއްޓިފައި. ބޮޑަތި ޒަހަމްތަކެއް ހުރިކަމައްވޭ.
މަސްރަހު މިހާރުވަނީ ކޮންމެވެސް ވަރަކަށް ފިނިވެފައި. ނަމަވެސް ސިފައިންވެސް އަދި ފުލުހުންވެސް ތިބީ ތައްޔާރީ ހާލަތުގައި.
އަސްކަރިއްޔާ އާއި ފުލުހުންގެ ހަމަ ނުޖެހުމަށް ނުވަނުމަށް ފުލުހުން އާންމުންނަށް އަންގަމުން އެބަދޭ. އެއްވެސް ކަމެއް ގޯސްނުވާނެ ކަމުގެ ޔަގީންކަން ފުލުހުން ދަނީ ރައްޔިތުންނަށް ދެމުން. ފުލުހުން ކޯޑަންއެއް ދަމައި އާންމުންނާ ފުލުހުންގެ ސަފުތައް ވަކިކޮށްލައިފި.
ސިފައިންނާއި ފުލުހުންނާއި އަދި އާންމު ރައްޔިތުނާ ދެމެދު ވަރުގަދަ ކުރިމަތިލުމެއް ހިނގަނީ. އާންމުންވެސް ލަޑި ބުރި ފަދަ ތަކެތި އެބަ ބޭނުން ކުރޭ. ފުލުހުންވެސް އެމީހުންގެ އާލާތްތައް ދަނީ ބޭނުން ކުރަމުން. މިހާރު ޖުމްހޫރީ މައިދާން ވަރަށް ހޫނު.
ސިފައިން މީޑިޔާ ނެރެން އުޅުމުން ފުލުހުންނާ ސިފައިންގެ މެދުގައި މައްސަލަ އިތުރަށް ހޫނުވެއްޖެ.
ފުލުހުން ވަނީ ރުޅި ގަދަވެފައި. ފުލުހުން މައިތިރި ކުރުމަށް ފުލުހުންގެ ތެރެއިންވެސް އެބަ މަސައްކަތް ކުރޭ. ސިފައިންނަާށް ކޮމާންޑް ކުރުމަށް އިސްކޮށް ހުންނެވީ އިބްރާހިމް ދީ އާއި އަދިވެސް އިސް ދެ އޮފިސަރަކު.
ސިފައިންނާ ކުރިމަތިލާން ތައްޔާރަށް ތިބިކަން ފުލުހުން އަންގައިފި. އާންމުންވެސް އަތު ޖެހުނު އެއްޗެއް ހިފައިގެން ތިބީ ތައްޔާރަށް.
ޑެޕިއުޓީ ކޮމިޝަނާ އޮފް ޕޮލިސް މުނީރު ޖުމްހޫރީ މައިދާނުގައި ތިބި ފުލުހުންނާ ވާހަކަ ދައްކަވަނީ. އޭނާ އެދެމުން ދަނީ ސިފައިން ނުކުމެ ފުލުހުން ދުރައް ނުލަނިސް އަމިއްލައަށް ގެޔަށް ދިިޔުމަށް. ނަމަވެސް ފުލުހުން މުނީރުގެ ވާހަކައަށް އިންކާރުކުރޭ.
އެމްއެމްއޭ ސަރަހައްދުގައި ތިބި މުޒާހަރާ ކުރާމީހުން ޖުމްހޫރީ މައިދާނަށް ވަދެއްޖެ. އެމީހުންނާ ފުލުހުން އެ ތަނުގައި ތިބީ ވަކިން.
ޣައިރު ގާނޫނީ އަމަލުތަކެއް ފުލުހުން ހިންގާ ކަމަށް ބުނެ އެމްއެންބީސީން އެފަދަ ހަބަރުތަކެއް ފަތުރާ ކަމަށް ބުނެ ޖުމްހޫރީ މައިދާނުގައި ތިބި ފުލުހުން އެކަން ދޮގުކޮއްފި.
އަހަރުމެން މިތިބީ ގާނޫނު އަސާސީ ނެގެހެއްޓުމަށް. ހުވަޔާ އެއްގޮތަށް އަމަލުކުރުމަށް. ޣައިރު ގާނޫނީ އަމަލުތަކެއް މިތާ ނުހިންގާ
ފެންސް ވައްޓާލުމުން ދެ މީހަކު އެމްއެމްއޭ ކައިރިން ސިފައިން ހައްޔަރުކޮށްފި.
ސިފައިން ފުލުހުންނާ ކުރިމަތިނުލާނެ ކަމަށް ފުލުހުންނާ އެކު ދެންމެ ބޭއްވި ބައްދަލުވުމުގައި ސިފައިން ބުނެފި. ނަމަވެސް ފުލުހުން ވަނީ އެ ޔަގީންކަން ލިޔުމަކުން ދިނުމަށް އެދިފައި.
މިހާރު މާލެ ތެރޭގައި ހިނގަމުންދާ ހަމަނުޖެހުންތަކުގައި އާންމުންގެ މުދަލަށާއި ރައްޔިތުންނަށް ބޮޑެތި ގެއްލުން ވަމުންދާތީ އެޗުއާރުސީއެމުން ކަންބޮޑުވުން ފާޅުކޮށްފި. އެޗުއާރުސީއެމްގެ ރައީސާ މަރިޔަމް އަޒުރާ މިރޭ ވިދާޅުވީ މާލޭތެރޭގައި ހަމަނުޖެހުންތައް ހިނގިޔަ ނުދީ އަމަން ބަލަހައްޓާ ފަރާތްތަކުން ވެސް ގާނޫނާ އެއްގޮތަށް އަމަލު ކުރުމަށް ގޮވާލާ ކަމަށް. އަދި މާލެ އަމަން ތަނެއްގެ ގޮތުގައި ހަދައި ދިނުމަށް ހުރިހާ ރައްޔިތުންގެ ކިބައިން އެދޭ ކަމަށް. އަދި އެއްވެސް ބަޔަކު ލޭ އެހޮރުވުމަކަށް ހިނގައިދާނެ އެއްވެސް އަމަލެއް ނުހިންގުމަށްވެސް އަޒުރާ ވަނީ ރައްޔިތުންގެ ކިބައިން އެދިވަޑައިގަންފައި.
ފުލުހުން މިހާރު ސިފައިންގެ އިސްވެރިންނާ އެކު ޖުމްހޫރީ މައިދާނުގައި ބައްދަލުކުރަނީ. ފުލުހުން ބުނަނީ އެމީހުން އަލުން މަސައްކަތައް ނިކުންނާނީ ސަރުކާރުންނާއި ސިފައިން ގާނޫނަށް އަމަލުކުރާނެ ކަމުގެ ޔަގީންކަން ދިނުމުން ކަމަށް. އަދި ފުލުހުންގެ ހަރަކާތުގައި ބައިވެރިވާ ފުލުސް މީހަކާ މެދު ފިޔަވަޅު ނޭޅުމައްވެސް އެމީހުން މަޝްވަރާކުރޭ.
އެމްއެމްއޭ ސަރަހައްދަށް އަނެއްކާވެސް މީހުން ޖަމާވާން ފަށައިފި. އެމްޓީސީ ޓަވަރު ސަރަހައްދުން ފެންސުގެ ވިއްސަކަށް ފޫޓު މުޒާހަރާ ކުރާ މީހުން އުފުރާލައިފި.
އެމްއެމްއޭ ސަރަހައްދުގައި ކުރާ މުޒާހަރާ ރޫޅާލައި ތިން މީހަކު ސިފައިން ހައްޔަރުކޮށްފި.
ކުރީގެ ރައީސް މައުމޫން ވީޓީވީއަށް ދެއްވި އިންޓަވިއު: މީހުންގެ މުދަލަށާއި އެއްވެސް މީހެއްގެ ފުރާނައަށް ގެއްލުން ލިބޭފަދަ އެއްވެސް ކަމެއް އެއްވެސް ރައްޔިތަކު ނުކުރުމަށް ކުރީގެ ރައީސް މައުމޫން އަބުދުލްގައްޔޫމު ދިވެރހިރައްޔިތުންނަށް އިލްތިމާސްކުރައް ވައިފިއެވެ. ވީޓީވީއަށް ދެއްވި އިންޓަވިއުއެއްގައި މައުމޫން ވަނީ ދިވެހި ހުރިހާ ރައްޔިތުން ގާނުނޫތަކށް ބޯލަބައި އިސްލާމް ދީނުގައި އަންގާވާފައިވާ ގޮތަށް އަމަލުކުރުމަށް ގޮވާލާފައެވެ.
"ވަކިމީހަކު އިސްތިސްނާ ނުވާގޮތަށް ސަރުކާރުންވެސް ގާނުނޫތަކަށް ބޯލަބަންވީ ސިފައިންނާއި ފުލުހުންވެސް ގާނުނޫތަކަށް ބޯލަބަންވީ އާއްމުރައްޔިތުންވެސް ޕާޓީތަކުންވެސް އެންމެން އެކުވެގެން މަސައްކަތްކޮށް މިގައުމު މިހާރު ދިމާވެފައިވާ ހާލަތުން ސަލާމަތްވުމަށް މަސައްކަތްކުރައްވަންވީ،" މައުމޫން ވިދާޅުވިއެވެ.
އެމަނކިފާނު ވިދާޅުވި އެއްވެސްމީހަކު އެއްވެސް ތަނެއްގައި ރޯނުކުރާށޭ، އެއްވެސް މީހަކު އެއްވެސް މީހެއްގެ ފުރާނައަށް ގެއްލުން ނުދޭށޭ
އަދި ވިދާޅުވީ ސަރުކާރުން މިހާރު ހައްޔަރުކޮށްފައިވާ ކްރިމިނަލް ކޯޓުގެ އިސްގާޒީ އަބުދުﷲ މުހައްމަދުހައްޔަރުކޮށްފައިވަނީ ގާނޫނާއި ހިލާފަށް ކަމަށާއި ވަގުތުން ވަގުތަށް އަބުދުﷲ ގާޒީ ދޫކޮށްލުމަށް މައުމޫން ވަނި ގޮވާލާފައެވެ.
"ވަކިމީހަކު އިސްތިސްނާ ނުވާގޮތަށް ސަރުކާރުންވެސް ގާނުނޫތަކަށް ބޯލަބަންވީ ސިފައިންނާއި ފުލުހުންވެސް ގާނުނޫތަކަށް ބޯލަބަންވީ އާއްމުރައްޔިތުންވެސް ޕާޓީތަކުންވެސް އެންމެން އެކުވެގެން މަސައްކަތްކޮށް މިގައުމު މިހާރު ދިމާވެފައިވާ ހާލަތުން ސަލާމަތްވުމަށް މަސައްކަތްކުރައްވަންވީ،" މައުމޫން ވިދާޅުވިއެވެ.
އެމަނކިފާނު ވިދާޅުވި އެއްވެސްމީހަކު އެއްވެސް ތަނެއްގައި ރޯނުކުރާށޭ، އެއްވެސް މީހަކު އެއްވެސް މީހެއްގެ ފުރާނައަށް ގެއްލުން ނުދޭށޭ
އަދި ވިދާޅުވީ ސަރުކާރުން މިހާރު ހައްޔަރުކޮށްފައިވާ ކްރިމިނަލް ކޯޓުގެ އިސްގާޒީ އަބުދުﷲ މުހައްމަދުހައްޔަރުކޮށްފައިވަނީ ގާނޫނާއި ހިލާފަށް ކަމަށާއި ވަގުތުން ވަގުތަށް އަބުދުﷲ ގާޒީ ދޫކޮށްލުމަށް މައުމޫން ވަނި ގޮވާލާފައެވެ.
ވަކިމީހަކު އިސްތިސްނާ ނުވާގޮތަށް ސަރުކާރުންވެސް ގާނުނޫތަކަށް ބޯލަބަންވީ ސިފައިންނާއި ފުލުހުންވެސް ގާނުނޫތަކަށް ބޯލަބަންވީ އާއްމުރައްޔިތުންވެސް ޕާޓީތަކުންވެސް އެންމެން އެކުވެގެން މަސައްކަތްކޮށް މިގައުމު މިހާރު ދިމާވެފައިވާ ހާލަތުން ސަލާމަތްވުމަށް މަސައްކަތްކުރައްވަންވީ
ޖޭއެސްސީގެ ރައީސް އާދަމް މުހައްމަދު ހައްޔަރު ކުރުމަށް އެމްޑީޕީގެ ހަރުގޭގައި ގޮވާލަމުން އެބަދޭ.
ޖުމްހޫރީ މައިދާން ބޭރަށް އެއްވެފައިވާ އާންމުން ރައީސް ނަޝީދުގެ އިސްތިއުފާއަށް ގޮވާލަމުން ދަނީ. އަދި ޖުމްހޫރީ މައިދާނުގެ ތެރޭގައި ތިބި ފުލުހުންގެ ފައުޖުތައް ރޫޅާލުމަށް އިތުރު ސިފައިން އަންނަ ކަމުގެ ހަބަރުތައް ލިބޭތީ ފުލުހުން ވަނީ ތައްޔާރީ ހާކަތަށް އައިސްފައި. ފުލުހުން ތިބީ ގޮތް ދޫކުރާ ގޮތަކަށް ނޫން
ނައިބު ރައީސް ވީޓިވީގައި: ޣައިރު ގާނޫނީ އަމުރަކަށް އެއްވެސް ބަޔަކަށް ގެއްލުމެއް ލިބެން އަސްކަރިއްޔާއިން ޖާގަ ނުދިނުމަށް އަޅުގަނޑު ގޮވާލަން. ގައުމުގެ ސަލާމަތް ނަގާލަން ކުރާ އެއްވެސް ކަމަކަށް އެއް ވެސް ފަރާތަކަށް ޖާގަނުދީ ރައްޔިތުންނާއި ރައްއޔިތުންގެ މުދަލާއި ހާއްސަކޮށް ހަބަރުފަތުރާ ވަސީލަތްތަކަށް އެއްވެސް ފަރާތަކުން ގެއްލުން ދިނަނުދިނުމަށް ދިވެހި އަޝްކަރިއްޔާއަށް އަޅުގަނޑު ގޮވާލަން. މިގައުމުގެ މި ހާލަތުން އަރައިގަތުމަށްޓަކައި ކުރެވެން ހުރި ހުރިހާ މަސައްކަތްތަކެއް ކުރާނެކަމުގެ ފުރިހަމަ ޔަގީންކަން ދިވެހިރައްޔިތުންނަށް އަޅުގަނޑު ދެން
މިރޭ ވީޓީވީއާއި އެހެނިހެން ތަންތަނަށް ދިން ގެއްލުމާއި މެދު އަޅުގަނޑު ވަރަށް ހިތާމަކުރަން. އެފަދަ ގެއްލުންތައްދޭ ފަރާތްތައްއެކަން ނުކުރުށްވެސް އަޅުގަނޑު ގޮވާލަން،
ފުލުހުންގެ ފޯން ލައިންތައް ކަނޑާލަން އުޅޭ ކަމަށް މައުލޫމާތުތަކެއް ވެސް ދަނީ ފެތުރެމުން. ޖުމްހޫރީ މައިދާނުގައި ތިބި ފުލުހުންގެ ފައުޖުތައް ރޫޅައިލަން ސިފައިން މަސައްކަތް ކުރަމުންދާ ކަށް ވެސް ބުނޭ.
ވަރަށް ގިނަ އާންމުން މިހާރު ވަނީ އެމްއެމްއޭ ކައިރިއަށް އެއްވެފައި. ރަޔަޓް ސިފައިން ވަނީ އާންމުންނަށް ކުރިޔަށް ނުދެވޭނެ ގޮތަށް ސަރަހައްދުގަ ބަންދުކޮށްލާފައި.
އެމްޑީޕީ ބަލި ނުކުރެވޭނެ ކަމަށާއި ރައީސުލް ޖުމްހޫރިއްޔާ މުހައްމަދު ނަޝީދު ހުންނެވީ ހެޔޮ ހާލުކޮޅުގައި ކަމަށް ހަރުގެއިން ބުނަމުން އެބަދޭ
ވީޓީވީން ބުނަނީ އެތަނުގައި އަލިފާން ޖެހުމަކީ ޓެރަރިސްޓް ހަމަލާއެއް ކަމަށް އެކަމާ ގުޅޭ ގޮތުން ބައިނަލް އަގުވާމީ މުޖުތަމައަށް މައުލޫމާތެއް ފޮނުވުމުގެ މަސައްކަތް ކުރަމުން ދާ ކަމަށް
އިލްޔާސް ލަބީބުގެ މެގަޗިޕްގައި ދެންމެއަކު އަލިފާން ރޯކޮށްލައިފި. ރޯކޮށްލާފައި ވަނީ ބިއްލޫރިގަނޑު ތަޅާލުމަށްފަހު ޕެޓްރޯލް ބޮމެއް އެއްލައިގެން.
ވީޓީވީއާ ދިޓީވީއާ ހުއްޓުވަން ދާން ހަރުގޭގައި ގޮވަމުން އެބަދޭ. އަދި އެކްޓިވިސްޓުން ރުޅިގަދަވެ ކައިރީގައި ހުރި ފްލެޓް އަޅާ ކޮށީގެ ދޮރު ވައްޓާލާފައި ވަންނަން ދަނީ މަސައްކަތް ކުރަމުން. އެމީހުން ބުނަނީ އިދިކޮޅު ބަޔަކު އެތަނުގައި އުޅޭ ކަމަށް. ކުއްލި ނުރައްކަލުގެ ހާލަތު އިއުލާން ކުރަން ވެސް ގޮވާލަމުން އެބަދޭ.
މިރޭ މިހާތަނަށް 50 އަށް ވުރެ ގިނަ ފުލުހުން ހައްޔަރުކޮށްފައިވާ ކަމަށާއި މިރޭ ހަރުގެއިން ދާނީ އިންސާފު ގާއިމްކޮށްފައި ކަމަށް އެމްޑީޕީގެ ހަރުގެއިން ބުނެފި.
ޖުމްހޫރީ މައިދާން ތެރޭގައި ފުލުހުންނާ ސިފައިންނާ ކުރިމަތިލައި ތަޅާފޮޅާ ކަމަށް އެ ބުނޭ. ފުލުހުން ރައީސް ނަޝީދުގެ އިސްތިއުފާއަށް ވެސް ގޮވާލަމުންދާ ކަމަށް ބުނޭ.
ނޫސްވެރިންވެސް ސިފައިން ވަނީ ފަހާ ދުރަށް ފޮނުވާލާފައި. ފުލުހުން އަދިވެސް އަންނަނީ ޖުމްހޫރީ މައިދާނަށް ޖަމާވަމުން. ފުލުހުންގެ ފައުޖު ޖުމްހޫރީ މައިދާނުގައި ބޮޑު. ސިފަވަނީ މުޒާހަރާ އެއް ކުރަނީހެން. އެކަމަކު ޔަގީނެއް ނޫން.
ޖުމްހޫރީ މައިދާން ފުރާ ފުލުހުން އެ ބަތިބި. އެމީހުން ތިބީ އިށީދެގެންނާއި ކޮޅަށް. ފުލުހުން ވަށައިލައިގެން އަސްކައރިއްޔާގެ ފައުޖުތައް އެބަތިބި. އާންމު ރައްޔިތުންވެސް ރީފްސައިޑް ކުރިމައްޗަށް އެއްވެ ގާނޫނު އަސާސީ ހިމާޔަތް ކުރުމަށް ގޮވަނީ. އެއްވެސް ބަޔަކު ޖުމްހޫރީ މައިދާނަކަށް ނުވައްދާ. ޖުމްހޫރީ މައިދާނު ސަރަަހައްދަށް ހުރިހާ ސިފައިންހެން ވަނީ ނެރެފައި.
ގާސިމް އިބްރާހިމް މުޒާހަރާއާ ގުޅި ވަޑައިގެން ވާހަކަފުޅު ދައްކަވައިފި. ގާސިމް ވިދާޅުވީ 17 ފެބުރުއަރީގައި އެމްޑީޕީން ބާއްވާން އުޅޭ މުޒާހަރާއަކީ ބައިނަލް އަގުވާމީ މުޖުތަމައަށް ކަންކަން އޮޅުވާލުމަށް ބާއްވާ މަކަރުވެރު ކެހިވެރި އެއްވުމެއް ކަމަށާއި ރާއްޖޭގެ އެއްވެސް ބަޔަކު އެކަމުގައި ބައިވެރި ނުވުމަށް. އަދި ވިދާޅުވީ އިދިކޮޅު ފަރާތްތަކުން ކުރާ މުޒާހަރާތަކަކީ ބޮޑުވެެގެންވާ ޖިހާދެއް ކަމަށާއި ގާނޫނީ އިމުގެ ތެރޭގައި ތިބެ އެ ޖިހާދުގައި ބައިވެރިވެ ހުއްޓާ ނުލައި ކުރިޔަށް ދިއުމަށް