Last Updated: 1 decade 4 year ago

Last Updated:
1 decade 4 year ago

ޖޭއެސްސީގެ ރައީސްގެ ގޭގެ ކައިރީ މުޒާހަރާކޮށްފި

    ބުލޮގު ޚުލާސާ
    ޖޭއެސްސީގެ ރައީސް އަދި ސުޕްރީމް ކޯޓްގެ ފަނޑިޔާރު އާދަމް މުހައްމަދު ހައްޔަރުކުރުމަށް ގޮވާލައި އެމްޑީޕީން އޭނާގެ ގޭދޮށުގައި މުޒާހަރާކުރަމުން އެބަދެ އެވެ. މ. އަލިވާގޭ ގޯޅި ތެރޭގައި ހުންނަ މ. އަފްޒާ ކައިރީގައި ފަށާފައިވާ އެމްޑީޕީގެ މުޒާހަރާގައި އެ ޕާޓީގެ މަޖިލިސް މެމްބަރުން ހިމެނި ވަޑައިގަންނަވަ އެވެ. މުޒާހަރާ ހިނގަމުންދާއިރު އިދިކޮޅު ފަރާތްތައް ވެސް އެ ސަރަހައްދުގައި ހަރަކާތްތެރިވަމުން އެބަދެ އެވެ.
    18:14

    މިހާރު ދެބައި މީހުން ވެސް މުޒާހަރާ ނިންމާލައިފި.
    18:12

    އަފުޒާ ކައިރިއަށް އެއްވި އެމްޑީޕީގެ މުޒާހަރާ ނިންމާލައިފި. އެމްޑީޕީގެ މުޒާހަރާގައި. މާރިޔާ އާއި އިލްޔާސް ލަބީބާއި ގަސަމް އަދި ޝިފާޒް ހިމެނިވަޑައިގަންނަވާ. އެމްޑީޕީގެ މުޒާހަރާ ނިންމާލާފައިވާއިރު. އިދިކޮޅު ފަރާތްތަކުން އަދިވެސް އަލިވާގޭ ކައިރީގައި ތިބިގެން އަޑުހަރު ކުރަމުން އެބަދޭ.
    18:05

    މުޒާހަރާ ކުރަމުންދާ އެމްޑީޕީގެ މީހުންގެ ތެރެއަށް އަނެއްކާވެސް ޕެޕާ ސުޕްރޭ ޖަހައިފި. ބާރުގެ ބޭނުން ކުރީ ދެވަނަ ފަހަރަށް ފަހަތަށް ދިއުމަށް އެންގުމުން ވެސް ފަހަތަށް ޖެހިފައި ނުވާތީ.
    18:01

    އިދިކޮޅު ފަރާތްތަކާއި އެމްޑީޕީގެ މުޒާހަރާގެ ބައިވެރިން ވެސް އަޑު ހަރުކޮށް ޝުއޫރު ފާޅުކުރަމުންދަނީ އިދިކޮޅު މީހުން މިވަގުތު ގޮވާލަނީ ރީކޯ މޫސާ މަނިކު ހައްޔަރު ކުރުމަށް. އެމްޑީޕީން ގޮވާލަނީ އާދަމް މުހައްމަދު ހައްޔަރު ކުރުމަށް.
    17:52

    ފުލުހުން ބާރުގެ ބޭނުން ކުރުމުގެ ސަބަބުން މުޒާހަރާގައި ދެކޮޅަށް އެއްވެފައިވާ މީހުން މިހާރު ވަނީ ބައިބައިވެފައި.
    17:50

    ހޫނުވެފައިވާ އެމްޑީޕީގެ މީހުންނާ ދިމާއަށް ޕެޕާ ސުޕްރޭ ޖަހައި ފަހަތަށް ޖައްސައިފި. އަދިވެސް އާދަމް މުހައްމަދުގެ އިސްތިއުފާއަށް ގޮވާލަމުން އެބަދޭ.
    17:48

    މުޒާހަރާގައި އެމްޑީޕީގެ މީހުންނާއި އިދިކޮޅު ފަރާތްތަކުގެ މެދުގައި ހަމަނުޖެހުން އުފެދި ގަލާއި ފުޅި އުކަމުން އެބަދޭ. ދާދިދެންމެއަކު ވަނީ ރަޔަޓް ފުލުހުން އެ ސަރަހައްދަށް ވަދެފައި.