02 Apr 2021, 22:53
އއ. ރަސްދޫއިން 25 މީހުންނާއެކު މާލެއަށް ދަތުރުކުރަމުންދަނިކޮށް ލޯންޗެއްގެ އިންޖީނުގައި ރޯވެއްޖެ އެވެ.
އެމްއެންޑީއެފްއިން ބުނީ "ނަވި-2" ނަމަކަށް ކިޔާ އެ ލޯންޗުގެ ދެ އިންޖީނުގެ ތެރެއިން އެއް އިންޖީނުގައި އަލިފާން ރޯވިކަމުގެ ރިޕޯޓު ލިބުނީ މިއަދު 18:45 ހާއިރު ކަމަށެވެ.
އެ ހާދިސާ ހިނގިއިރު ލޯންޗުގައި ތިބީ 22 ގެސްޓުންނާއި ތިން ފަޅުވެރިންނެވެ.
އެ ހާދިސާ ހިނގުމާއެކު ލޯންޗުގެ ވެރިފަރާތުން ވަނީ "ނަވި-4" ލޯންޗުގައި ގެސްޓުން އަނބުރާ ރަސްދުއަށް ގެންގޮސްދީފަ އެވެ.
އެ ހާދިސާގައި އެއްވެސް މީހަކަށް އަނިޔާއެއް ނުވާ ކަމަށް އެމްއެންޑީއެފްއިން ބުނެ އެވެ.