Last Updated: 1 decade 4 year ago
ބުލޮގު ޚުލާސާ
މުޒާހަރާ ފެށިތާ މާގިނައިރުތަކެއް ނުވެ، ފުލުހުންގެ އިންޒާރާއެކީ ކަރުނަ ގޭސް ޖަހައިފި. މުޒާހަރާގެ ބައިވެރިން ފައްސާލުމަށް ފުލުހުން ބާރުގެ ބޭނުން ކުރަންފަށައިފި. ނަމަވެސް ބައެއް ގޯޅިތަކުގައި މުޒާހަރާގެ ބައިވެރިން މަޑުކޮށްލައިގެން އެބަތިބި.
އަނެއްކާވެސް މާރުކޭޓް ސަރަހައްދަށް މީހުންތަކެއް ޖާމަވެ ޝުއޫރު ފާޅު ކުރަމުން އެބަދޭ. ދާދިދެންމެއަކު ބައެއް ނޫސްވެރިންނަށް އަމާޒުކޮށް ފުލުހުން ޕެޕާ ސުޕްރޭ ޖަހާފައިވާ ކަމަށް އެ ސަރަހައްދުގައި ހުރި ސަން އޮންލައިންގެ ނޫސްވެރިޔާ ބުނޭ.
މާރުކޭޓް ސަރަހައްދުން ހުރިހާ އެންމެން ފައްސާލައިފި. މިހާރު އެއްވެސް މީހަކު ފެންނާކަށް ނެތް. ފުލުހުން ގެންދަނީ އެ ސަރަހައްދު ސާފު ކުރަމުން
ޖުމްހޫރީ ޕާޓީން 2013 ވަނަ އަހަރުގެ ރިޔާސީ އިންތިހާބުގައި ވާދަ ކުރައްވާނެ ރިޔާސީ ކެންޑިޑޭޓަކީ ޕާޓީގެ ލީޑަރު ގާސިމް އިބުރާހިމް ކަމަށް ޕާޓީގެ ކައުންސިލުން ނިންމައި އެކަން އިއުލާންކޮށްފި.
އެމްޑީޕީގެ މައި ހަރުގެ ތެރެއިން ޕާޓީގެ އެކްޓިވިސްޓުންތަކެއް މަގުމައްޗަށް، މުޒާހަރާއަށް ނުކުތުމަށް މަސައްކަތް ކުރަމުން އެބަދޭ. ޕާޓީގެ ވަގުތީ ޗެއާޕާސަން މޫސާ މަނިކު ގޮވާލައްވަމުން ދަނީ އެއްވެސް މީހަކު މަގުމައްޗަށް ނުނުކުތުމަށް އަދި މަގުމައްޗަށް ނުކުންނަން ނުވާ ކަމަށް. ޖަލްސާ އަދިވެސް ކުރިޔަށް އެބަދޭ.
އަލްހާން، އެމްޑީޕީ ހަރުގޭގައި: މިރާއްޖޭގެ ތާރީހުގައި އެންމެ ގިނަ ދީނީ އިލްމުވެރިން އެއް ފަހަރާ އެކަކަށް ބައިއަތު ހިފާފައި ވަނީ ރައީސް މުހައްމަދު ނަޝީދަށް.
މާރުކޭޓް ތެރެއިން ނެރެގެން ފުލުހުންނާ ދިމާއަށް ބިސް އުކަމުން އެބަދޭ. ބިސް ޓްރޭ ހުރި ގޮތަށް ވެސް ފުލުހުންނާ ދިމާއަށް ހުރައިލަމުން އެބަދޭ، އެކި ދިމަ ދިމާއިން ބިސް އުކަމުން ދަނީ
ކަރުނަ ގޭސް ޖަހައި މުޒާހަރާ ބައިބައި ކޮށްލައިފައިވީނަމަ ވެސް އަދި ބައެއް މީހުން މާރުކޭޓް ސަރަހައްދުގައި ހަރަކާތްތެރިވަމުން އެބަދޭ. ދޭދި ދެންމެއަކު ވަނީ އާންމުންގެ ތެރެއިން އެއްލި ގާބުރިއަކުން ޖެހި ފުލުހަކަށް އަނިޔާވެފައި. އަނިޔާވި ފުލުހަކީ ފުލުސް މީޑިއާގައި މަސައްކަތް ކުރާ ފުލުހެއް ކަމަށް ބުނޭ
މުޒާހަރާގެ ބައިވެރިން ފަހަތުން ފުލުހުން ދުވަން ފަށައިފި. ފުލުހުންނާ އާންމުނާ ދެމެދު ދޭތެރެ ދޭތެރެއިން ހަމަނުޖެހުންތައް އެބަ ހިނގާ. މަސްމާރުކޭޓް ސަރަހައްދުން ފުލުހުންނާ ދިމާލަށް ފުޅިއާއި ތަރުކާރީފަދަ ތަކެތި އުކަމުން އެބަދޭ.
މުޒާހަރާ ބައިބައިވެއްޖެ. މާރުކޭޓް ސަރަހައްދުގެ އެކި ގޯޅިތަކުގައި މުޒާހަރޭގެ ބައިވެރިން ދަނީ ސަރުކާރާ ދެކޮޅަށް އަޑު އުފުލަމުން. ފުލުހުން އަދިވެސް ނަސޭހަތް ތެރިވަމުންދަނީ އެ ސަރަހައްދު ދޫކޮށްދިއުމަށް.
މުހައްމަދު ހުސައިން ޝަރީފު (އެސްއެމްއެސް މެދުވެރިކޮށް): އިދިކޮޅު މުޒާހަރާތަކުގެ ދެވަނަ ހަފުތާއަކަށް އެޅުމާއެކު ރާއްޖޭގެ ހަލަތު އަލުން ބައިނަލް އަގުވާމީ ފަރާތްތަލަށް މުރާޖާކޮށްދީ މައުލޫމާތު ހިއްސާކުރުމަށް ޕްރޮގްރެސިވް ޕާޓީން މިރޭ އަނެއްކާވެސް ސްރީލަންކާއަށް ދަތުރެއް ފަށައިފި. މި ދަތުރުގައި ކޮލަމްބޯއަށް ވަޑައިގަންނަވާނީ ޕީޕީއެމްގެ އިސް ތަރުޖަމާނު މުހައްމަދު ހުސައިން ޝަރީފު، އޭނާ ވިދާޅުވީ މި ދަތުރުގައި ކުރިން ބައްދަލު ނުކުރެވިވާ ބޭރުގެ ޑިޕްލޮމޭޓުންނާނާ ބައްދަލުކުރާނެ ކަމަށް. އަދި ނިއުސްކޮންފަރެންސެއް ބޭއްވުމުގެ އިތުރުން ރާއްޖޭގެ މުޅި ހާލަތު ބަދަލުވެފައިވާ ގޮތް އަލުން މުރާޖާކޮށް މައުލޫމާތު ދެއްވާނެ ކަމަށް.
މުޒާހަރާގެ ދެވަނަ ހަފުތާއަކަށް އެޅިފައިވާއިރު ކަން ހިނގާފައިވާ ގޮތާ ރައީސް ނަޝީދު އަލަށް ދައްކަވާފައިވާ ވާހަކަފުޅުތަކުގެ މައުލޫމާތު އަޅުގަނޑު ހިއްސާ ކުރާނަން. ހާއްސަކޮށް ޑިޕްލޮމޭޓުންނާއެކު ބައްދަލުވެ އަދި ވަރަށް ބޮޑު ނޫސްކޮންފެރެންސެއް ވެސް ބާއްވާނަން،
މުޒާހަރާގެ ތެރެއަށް ކަރުނަ ގޭސް ޖަހައިފި. އެ ސަރަހައްދުގައި ތިބި ނޫސްވެރިން ބުނަނީ ވަރަށް ގިނަ އަދަދަކަށް ގޭސް ޖަހާފައިވާ ކަމަށާއި މުޒާހަރާގެ ތެރޭގައި މިވަގުތު ތިބި މަދު މީސްކޮޅު ވެސް އެކި ސަރަހައްދުތަކަށް ދުވަމުންދާ ކަމަށް.
ވިޔަފާރިވެރިންގެ ޖަމިއްޔާގެ ރައީސް އަހުމަދު އަދީބު ޓެކްސް ދެއްކުން ހުއްޓާލުމަށް ގޮވާލައްވާ ގޮވާލެއްވުން ހުއްޓާނުލާ ނަމަ 15 ދުވަހުގެ ތެރޭގައި އޭނާ މަގާމުން ވަކި ކުރާނެ ކަމަށް ރީކޯ މޫސަ ވިދާޅުވެއްޖެ
މުޒާހަރާގެ ބައިވެރިންގެ ތެެރެއިން ނެވިގޭޝަން ފްލޭޝްއެއް ދޫކޮށްލައިފި. މުޒާހަރާ ކުރާ އިތުރު ބަޔަކު އައިސް ފުލުހުންގެ ސަފުގެ ތެރެއަށް ވަދެއްޖެ.
އިދިކޮޅު ފަރާތްތަކުން ކުރާ މުޒާހަރާ އެއްގަޑި އިރުގެ ތެރޭގައި ހުއްޓާލުމުގެ އިންޒާރު އެމްޑީޕީގެ ވަގުތީ ޗެއާޕާސަން ރީކޯ މޫސާ ދެއްވައިފި.
އަބްދުﷲ ގާޒީ ކޯޓަށް ވަދެއްޖެ ނަމަ އެމްޑީޕީ ބަލިވީ. އެމްޑީޕީ ބައްޔެއް ނުވާނެ: އަލީ ވަހީދު
ފުލުހުންނާއި މުޒާހަރާގެ ބައިވެރިންގެ މެދުގައި ކުރިމަތިލުން ހިނގަން ފަށައިފި. ފުލުހުން ބާރުގެ ބޭނުން ކުރަން ފެށުމުން މުޒާހަރާގެ ތެރެއިން ބައެއް ތަކެތި ފުލުހުންނާ ދިމާލަށް އުކަން ފަށައިފި.