09 Feb 2021, 12:19
އެމްއެންޑީއެފްގެ ފަޔާ އެންޑް ރެސްކިޔު ސާވިސަސް (އެފްއާރުއެސް)ގެ ކޮމަޑާންޓްގެ މަގާމަށް ބްރިގޭޑިއާ ޖެނެރަލް މުހައްމަދު ޝަރީފް އައްޔަނު ކުރައްވައިފި އެވެ.
ބަންޑާރަކޮށީގައި ބޭއްވި ރަސްމިއްޔާތެއްގައި މަގާޤާމުގެ ލިޔުން ހަވާލުކޮށްދެއްވީ ޗީފް އޮފް ޑިފެންސް ފޯސް މޭޖާ ޖެނެރަލް އަބްދުﷲ ޝަމާލެވެ.
އެފްއާރުއެސްގެ ކޮމަޑާންޓްގެ މަގާމަށް ބްރިގޭޑިއާ ޖެނެރަލް މުހައްމަދު ޝަރީފް އައްޔަން ކުރެއްވީ ކުރިން އެ މަގާމުގައި ހުންނެވި ކާނަލް މުހައްމަދު މުހުތާރު، "އިސްލާމިކް މިލިޓަރީ ކައުންޓަރ ޓެރަރިޒަމް ކޯލިޝަން"ގެ ކައުންޓަރ ޓެރަރިޒަމް ސެންޓަރުގައި މަސައްކަތްކުރެއްވުމަށް ސަޢުދީ އަރަބިއްޔާއަށް ފުރާވަޑައިގެންނެވުމާ ގުޅިގެން ކަމަށް އެމްއެންޑީއެފް އިން ބުންޏެވެ.