09 Feb 2021, 09:52
ޕްރޮޑިއުސަރު ސޮހައިލް މަޚްލާއީ ގެނެސްދޭ ވަރުގަދަ އެކްޝަން ފިލްމު "ދާކަޅް"ގެ އާ ޕޯސްޓަރުތަކެއް ދައްކާލައިފި އެވެ.
ބޮލީވުޑްގެ އެންމެ ނުފޫޒު ގަދަ ތަރިންގެ ތެރޭ ހިމެނޭ ބަތަލާ ކަންގަނާ ރަނައުތު ލީޑު ރޯލުން ފެނިގެންދާ މި ފިލްމު އާ ޕޯސްޓަރުތަކުން ފެނިގެންދަނީ ކަންގަނާ އެވެ. ވަރަށް ވަރުގަދަ އަންހެން ކެރެކްޓާއަކުން ކަންގަނާ ފެނިގެންދާ މި ފިލްމުގެ ފަހު ދެ ޕޯސްޓަރުގައި އޭނާ ހުންނަނީ ބަޑި ހިފައިގެންނެވެ. ކަންގަނާ ބުނީ މި ކެރެކްޓާއަކީ ޖެހިލުން ކުޑަ ކެރެކްޓާއެއް ކަމަށާއި މިއީ އެޖެންޓް އަގްނީ ކަމަށެވެ.
ދާކަޅް އަކީ އިންޑިއާގެ ފުރަތަމަ އެކްޝަން ތްރިލާގެ ލީޑަކުން އަންހެން ތަރިއެއް ފެނިގެންދާ ފުރަތަމަ ފިލްމުވެސްމެ އެވެ. އަންނަ އޮކްޓޯބަރު މަހުގެ ފުރަތަމަ ދުވަހު ތިއޭޓާތަކުގައި ރިލީޒްކުރާ މި ފިލްމުގެ ލީޑު ރޯލުން ކަންގަނާ ރަނައުތު ފެނިގެންދާ އިރު ފިރިހެން ލީޑުން ފެނިގެންދާނީ އެކްޓަރު އަރުޖުން ރާމްޕާލް އެވެ. މި ފިލްމަކީ ރަޒްނީޒް (ރާޒީ) ގާއީ ޑައިރެކްޓްކޮށް އުފައްދާ ފިލްމެކެވެ. ފިލްމުގައި ކަންގަނާގެ އިތުރުން ހަރަކާތްތެރިވާނެ ތަރިންނަކީ ތައްބޫ، މިމޯ ޗަކްރަބަތީ އަދި މަނޯޖް ތިވާރީ އެވެ.